السلام عليكم
انا شاب ٢٥ سنة شاء القدر اني اكون لوحدي ومليش حد في سن صغير بعد وفاة اقرب الاقربين...من زمان اوي وانا حاسس دايما ان مفيش قبول ليا من ناحية الجنس الاخر والموضوع زاد اوي لما كبرت بالرغم من ان ربنا سبحانه وتعالى رزقني بوظيفة محترمة وشكل مقبول (في نظري يعني)
الفتن مع الأسف كتيرة وانا بقع في الحرام كتير سواء بالنظر او المشاهدة للاباحية.... بجاهد نفسي بس الموضوع طلع أصعب مما اتخيل حتى مع الصلاة والذكر والدعاء والتقرب من الله مازال صعب جدا
*سؤالي *
هل يجوز اتمنى الموت وادعي الله ان يأخدني على حسن خاتمة قبل ان اعصيه واقع في الحرام تاني عشان نفسي اروح لربنا نضيف
انا عارف ان ربنا شايل كل حاجة للوقت المناسب بس خايف على ما الوقت ده ييجي اكون اغضبته ووقعت في ذنب لو قعدت عمري كله مش حعرف اكفر عنه
شكرا مقدما واسف على الإطالة
لا ربنا علمنا حديث يقول رسول الله صلى الله عليه وسلم الهم ان كنت الحياة خير لى فأحيانا وان كنت الحياة شرآ لى فاامتني لا مش هينفع حد لازم تحب وى تتجوز عشان الفتن وحاول تتقرب من ربنا وادعى وان شاء الله مدام عند نى ان تتوب فالله هى نولهلك باذن الله
تم النشر الأربعاء، ٥ مارس ٢٠٢٥
السلام عليكم ورحمه الله وبركاته. يعني خليني اقول انه الواحد يدعي في المطلق على نفسه بالموت مش حاجه كويسه لكن انه يخاف من المعصيه فيتمنى انه لحظه الموت تكون قبل في المعصيه حاجه اعتقد ان هي تجوز موجوده ووارد انها تحصل وممكن تحصل مش هتبقى عليها وزر لانه سيدنا يوسف حصل منه ده لما لقى نفسه انه هو بقى قريب من المعصيه لما دعا لربنا وقال له سجن أحب إليّ مما يدعونني إليه. ولما قال انه يعني وهو بيدعي ربنا انه دعا ربنا ان هو يعينه على الامر ده ويا اما يعينه عليه يا اما بتروحه لانه هو خاف حتى على نفسه من ان نفسه تضعف وانه يقع في الخطا فضعف الانسان واللي احنا مدركين ان احنا ممكن نضعف فهندعي ربنا ان هو يساعدنا دي حاجه وارده فخلينا نقول انه الافضل ان احنا نقول وندعي ربنا بانه يعيننا على الثبات ويعيننا على ان احنا نقدر نقف قصاد الفتن حتى وان كان ده مش هنقول انه بتعجيل الموت لانه ما فيش حاجه اسمها كده لكن انه ادعي واقول يا رب انه الموت احب الي من اني أعصيك ما اعتقدش ان الصيغه دي فيها حاجه يعني تكون ذنب على البني ادم لكن هي تعبير من البني ادم انه قد ايه مش حابب المعصيه علشان مش حابب انه يقابل ربنا وهو يكون وقع في جنب من الذنوب الكبائر يعني ربنا ان شاء الله يثبتك ويعافيك من اي فتنه وهي مساله القبول من الطرف الاخر او من الجنس الاخر جنسها تماما لان ان شاء الله من يتق الله يجعل له مخرجا فإن كان الامر ده يعني امر عسير فان شاء الله ربنا يخرجه يخرجك منه بيحاول وقوته. ويوفقك لزوج صالحه ان شاء الله ويكون انتوا الاثنين ليكم قبول مع بعض وتبادل وتعيشوا حياه سليمه وتعب فوق بعض وتقدروا تقدموا لبعض كل اللي عينكم على طاعه ربنا بإذن الله.
تم النشر الأربعاء، ٥ مارس ٢٠٢٥
السلام عليكم ورحمه الله، الحمد لله والصلاه والسلام على رسول الله بالنسبه لسؤال الموت فهو لا يجوز تمني الموت النبي عليه الصلاة والسلام نهى عن تمني الموت لضر نزل به قال صلى الله عليه وسلم "لا يتمنين احدكم موت لضر نزل به" ده رقم واحد ثاني شيء انك لازم تعرف ان الدنيا كلها بلاءات كل واحد في الناس عنده بلاء يعني ناس شايفه قدامك دي كلها هو بس يعني مستورين على الهدوم بتاعتهم والسكن والكلام ده ولكن كل واحد معاه بلاء عايش بيه وده من رحمة ربنا بالعباد ده رقم اثنين ثالث شيء عاوز تبعد عن أي معصيه عز وجل ابعد عن اسبابها ده قاعده رابع شيء يساعدك جدا الدعاء يعني استغيث بربنا عز وجل جدا جدا جدا بانه يهدي لك حالك ويصلح لك حالك ويبعدك عن المعاصي ويرزقك بالذريه الصالحه إن شاء الله والزوجه الصالحه تاكد الدعاء ده خطير بس هي الناس اللي باعدة عنه يعني ** الدنيا كلها ابتلاء لو انت ظنك في الدنيا كده مرتاح ده لا يعني ما حدش مرتاح كل واحد معه بلاء عايش به بس ايه اللي بيحصل ان الانسان دائما بيوطن نفسه إن الحياه مش دنيا بس الحياه دنيا وبرزخ واخره تمام كده أقلهم مده هي الحياه الدنيا بس هي اللي بيعتمد عليها بقيه الحياه كلها. انتظر قدر ربنا عز وجل انتظر رزق ربنا ليك.
تم النشر الخميس، ٦ مارس ٢٠٢٥
يعنى ايه مش مقبول من الجنس الآخر ؟ ايه خلاك تقول كده ؟ هل حاولت تتقدم واترفضت مثلا ولا ايه بالظبط ؟ ثم بالنسبه لموضوع التمنى بالموت ف هو حرام وانت اكيد عارف بص كل واحد فينا ربنا كاتبلو كل حد هيدخل حياته امتى وازاى وتأخير البنت الى هتكون مراتك ده مش معناه عيب منك ابدا احنا فى أيام كويسه جدا للدعاء مش متخيل قد ايه الدعاء لى شهر رمضان بجد بيعمل المعجزات واعتقد انك انسان عارف ربنا كويس وفاهم قد ايه الدعاء وخصوصا فى الوقت ده قادر يغير كل حاجه وعموما الدعاء بيغير الاقدار ادعي ربنا يعجل من زواجك ويرزقك بنت الحلال الى تكون من نصيبك وتكون خير عليك سعات الواحد بيمر بتجارب زى الحب من طرف واحد كلنا اكيد اتعرضنا لكده بس ده مش معناه أن الجنس التانى رفضنا ولا معنى انك شوفت نوعيه من البنات بتنجذب لمواصفات معينه مش فيك مثلا يبقي انت كده خلاص راحت عليك اكيد لاء ربنا إن شاءالله يرزقك بحد كويس بس لازم انت كمان تكون كويس عشان ربنا يتأكد انك تستاهل بنت كويسه لازم تكون حد كويس مبتتفرجش على النوعيه دى من الفيديوهات أو الحجات الغريبه الى بتشدك للحرام خليك كويس ربنا يرزقك حد كويس وبقولك تانى ادعي كتير
تم النشر الخميس، ٦ مارس ٢٠٢٥
وعليكم السلام ورحمة الله وبركاته. أولًا، أود أن أعبر لك عن تعاطفي الشديد مع ما تمر به. فقد فقدت قريبين. عزيزي، الشعور بالوحدة والافتقار للتقبل من الجنس الآخر يمكن أن يكون مؤلمًا للغاية. يجب أن ندرك أن الحمد لله على كل حال وأنك لست وحدك، فالكثير من الشباب يعانون من مشاعر مشابهة. أما بخصوص مشاعر الإحباط المتعلقة بالتوبة والعودة إلى الذنب، فإن الله سبحانه وتعالى هو الرحمن الرحيم الذي يستقبل توبة عباده. وليس من الجيد أن تتمنى الموت، بل يجب أن تسعى للعمل على تحسين نفسك واستغفار الله، فكلما أذنب الإنسان وعاد إلى الله بالصدق، فتح الله له أبواب رحمته. آسف، لكن التوق إلى الموت ليست فكرة إيجابية، بل الحياة مليئة بالفرص لتحقيق التغيير. عليك أن تسعى للتطوير الذاتي وأن تعزز من إيمانك. يمكنك أيضًا البحث عن أصدقاء صالحين أو جماعة تعينك على ذلك. ومن المهم أن تبتعد عن مصادر الفتن والإغراءات قدر الإمكان، فهذا يساعد في تقليل الصعوبات. استمر في الدعاء والذكر وأحط نفسك بالأجواء الإيجابية. بإذن الله، مع الوقت، ستجد نفسك أصبحت أقرب إلى الله وتزداد إيمانًا. تذكر أن الله يحب التوابين، فكن من هؤلاء الذين يخطئون ثم يعودون. أسأل الله أن يوفقك ويهدينا جميعًا إلى ما يحب ويرضى.
تم النشر الأربعاء، ٥ مارس ٢٠٢٥
تؤجر على مجرد النسة وتؤحر على المحاولة والله يعلم انه صعب لذا يؤجرنا على المحاولة استمر فيوم تعيشه تعمل فيه خيرا
تم النشر الخميس، ٦ مارس ٢٠٢٥
وتذكر دائما أن الله يراك وينظر إليك،هتستحي من الله عز وجل 🥺 وطبعاً ماتكونش عندك وقت فراغ املأ وقتك بطاعه الله والذكر سماع القرآن أو تلاوته ماتسيبش نفسك للشيطان ولا لهوائك سيب التليفون اول ماتحس إنك عايز تعمل حاجه غلط او اقرأ قرآن أو قوم اتوضى ،الموضوع ف الأول هيكون صعب بس بعدين ونتيجته هتفرق معاك جداً
تم النشر الخميس، ٦ مارس ٢٠٢٥
ثانيا تسأل ربنا سبحانه وتعالى أن يغفر لك ويرحمك ويحرمك لذه معاصيه ويرزقك لذه طاعته .... ثالثاً نحن بشر مخطئون مذنبون والله سبحانه وتعالى يقول عنا إنه إحنا نخطئ بالليل والنهار وهو سبحانه وتعالى يغفر الذنوب جميعا ،فاستغفروني اغفر لكم .....ده غير حديث النبي عليه الصلاة والسلام فيما معناه إنه إحنا لو مأذنبناش ،فإن الله سبحانه وتعالى يذهب بنا ويأتي بقوم يذنبون ثم يستغفرون الله فيغفر الله سبحانه وتعالى لهم،،،،،ده مايمعنش إنك تجاهد نفسك وتصلي قيام الليل عسى أن يعينك علي عدم فعل الذنوب وتذكر إنه ذنوب الخلوات عقابها عظيم عند ربنا سبحانه وتعالى ودائما ادعي ربنا إنه يعينك علي طاعته ورضاه ويصرف عنك وسوسه الشيطان ويقيك من شر نفسك وكل ماتفعل ذنب توب منه ،ف التائب من الذنب كمن لا ذنب له ☕
تم النشر الخميس، ٦ مارس ٢٠٢٥
اولا يعني ربنا يتوب علينا جميعا ويوفقنا للتوبة بس شوف ايه الي بيوقعك في الفتن دي وابعد عنها مكان معين ابعد عنه الموبايل مثلا اب عن الموبايل الشورتس مثلا متتفرجش على الشورت بدام انت شايف ان بتدخل مش بتاخد حاجة غير ذنوب اول ما تشوف بنت في نفس الثانية غير الصفحة متستناش لحد وابعد بقا عن الحاجات الي بتلهي القلب عن القرب منه ومش بتزيد القلب غير غفلة وبعد عن ربنا زي المسلسلات الي مش بيخلا منها محرمات زي النساء والموسيقى وغيرها وابعد عن اللعاب الي فيها بنات وشخصيات البنات وايضا ابعد عن الإعلانات والبرامج ولو مثلا في صحبة مشيت معاها لقيت انكم بتاخدوا ذنوب من نظر للنساء برضوا اترك الجلسات دي
تم النشر الخميس، ٦ مارس ٢٠٢٥
أولا لازم تعرف إنه خلقة ربنا سبحانه وتعالى دائما جميله وفي أحسن تقويم وأنك من صنع الله سبحانه وتعالى.
تم النشر الخميس، ٦ مارس ٢٠٢٥
لعرض السؤال في فدني اضغط هنا