بمناسبة ان الموقع اسمه فدنى
ايه المواقف اللى كانت عقبة فى حياتك وعدت بس كان نفسك حد يفيدك فيها ؟
لو كان حد افادك بمعلومه ..كان ايه ممكن يتغير فى الموقف نفسه؟
انى لما يكون عندى كلام مهم لازم يتقال مخبهوش و ابقي شجاعه مهما حصل وادافع عن حقي و التمس العذر ليا قبل الاخرين
تم النشر السبت، ٢١ يناير ٢٠٢٣
اللى كان نفسي حد يفيدني فيه اني مخافش من حاجه وانا صغيره لحد الان مؤثر عليا غير كمان ان الثقه في البشر تأتي بخساره
تم النشر الأحد، ١٨ ديسمبر ٢٠٢٢
كنت ديما بحب الناس حب شديد وبفتح قلبي بسرعه لاي حد وممكن اكون كنت بضحي بنفسي علشانهم بس اتخذلت كتير اوي وكان نفسي يكون حد جمبي يديني نصيحه بس ملاقيتش بس بعد كده تحول الحب دا لكره بعض الناس مش كلهم وتحول لاني مبثقش في حد غير نفسي وتحول اني بقيت اشك في كل حاجه حتي لو كانت الحقيقه ادام عيني مش بصدقها
تم النشر الثلاثاء، ١٤ فبراير ٢٠٢٣
المذاكره في تالته ثانوي كنت ضعيف فيها وبعدين بقيت كويس بفضل الله الاول وبعدين بفضل واحد اكبر مني كان بعت لي فيديوهات شرح لمدرسين ع اليوتيوب و دول ساعدوني جدا لدرجة أنه المواد اللي ذاكرتها واهتميت بالمذاكره فيها من اليوتيوب كانت هي المواد اللي جبت فيها اعلي الدرجات مقارنة بالباقي
تم النشر الأحد، ٢٦ فبراير ٢٠٢٣
اكتر حاجه كنت بخاف منها الاختيار بخاف اختار بخاف من اختياري ودايما شايفه اني الدنيا دي مفيهاش اي ضمانات لوجود اي حاجه حاجه مؤسفه لمه تبقه شايف كل اللي قدامك ملهوش ضمان لوجودك
تم النشر الأربعاء، ١٥ فبراير ٢٠٢٣
العقبه اللي في حياتي ولسه مازالت في حياتي اني بخاف من الناس وحتي أهلي بخاف إني أتعامل أو اتكلم كنت محتاجه حد يقف جمبي من وانا صغيره لأني مش بعرف أتعامل مع اللي قدامي ولا أقيم تصرفاته ولا حتي إني ارد علي كلامه أو أفهمه رغم اني في الجامعه بس مبعرفش أتعامل مع الناس ولا عارفه افهم كلامهم ولا تصرفاتهم وفي مواقف أنا مبعرفش اتصرف فيها ازاي ولا إني ارد الرد المناسب في مواقف أنا معرفش فيها التصرف الصح من الغلط ايه لحد دلوقتي مش عارفه اتعامل ولا اثق في الناس ولا في نفسي ملقتش الاهتمام المطلوب ولا أن حد يقعد معايا ويفهمني كل حاجه في الدنيا دي ولا ازاي اقدر أتعامل مع الناس أو إني ازاي ابقي اجتماعيه رغم اني عايشه وسط أهلي بس حاسه اني لوحدي ولا كاني عايشه معاهم
تم النشر الأربعاء، ١٥ فبراير ٢٠٢٣
ارتباط بفتاه هاربه من بيت اهلها وتعمل بيبى سيتر ... وقرر ان يتزوجها حتى لا تكون معرضه لمخاطر كبيرة وبنيه ان يحافظ عليها ويحل مشاكلها وترجع وسط اهلها ومنطقتها الشعبيه بدون مشاكل واهلها مرفوعين الراس مع العلم بفروق اجتماعية وتعليم وثقافة الفتاه حاصله على ابتدائي والزوج جامعى الزوجه من منطقه شعبيه والزوج من منطقة راقيه وعائله راقيه وبعد انقاذها والانجاب منها اكتشف سلوك غير مشروع بعمل الزوجه .. وعلم بانها تقوم ب توصيل بنات الى .. بمقابل مادى (ق و ا د ه ) وطبعا عايش حياته بضياع مستقبله وبعد سنين انتهى الامر بى هجر الزوجه واخد الاطفال وتدمرت الحياه لو حد فاد بمعلومه كان حصل ايه
تم النشر الأربعاء، ٢٣ نوفمبر ٢٠٢٢
الحمدلله ....بس تذكر اننا لو علمنا الغيب لاخترنا القدر الخاص بنا كما هو ...لان الله يعلم ما لا تعلمون وهو العليم الخبير.
تم النشر الأحد، ٢٧ نوفمبر ٢٠٢٢
مواقف كتير وحاجات كتير للأسف كانت حتتغير ، الزواج والكليه والشغل والثأر وعلاقتى باخواتى ، بس الحمدلله على كل شيء ماشاء الله كان ، وما لم يشأ لم يكن
تم النشر الأحد، ٢٧ نوفمبر ٢٠٢٢
لحد دلوقت الموقف اللى حصل عقبه فى حياتى ومازالت العقبه مستمرة ملحوظه خلاف ١٢ سنه
تم النشر الخميس، ١٦ فبراير ٢٠٢٣
لعرض السؤال في فدني اضغط هنا