انا غلطت ولا لا في الموقف دا؟
مخطوبة لشخص وقريبين من بعض جدا وبينا حب كبير وهو بيحبني جدا انا متأكدة ومفيش حد في حياته غيري كل فترة والتانية يقصر في حقي وميسألش ويهمل كتير رغم ان مفيش حاجة في حياته تشغله (ولما بيكون في حاجة ضغطاه وشغلاه بكون جمبه جدا ومعاه وعمري مازعلت لو قصر في حقي طالما في مبرر ) ولما اعاتبه هو اللي يزعل ويقلب الترابيزة ويطلعني مش حاسة بيه وادخل انا اصالحه في الاخر علشان مش هاين عليا زعله رغم ان بيبقي صعبان عليا نفسي جدا بس بقول اجي علي نفسي المرة دي ولما بصالحه بيعتذرلي والموضوع بيعدي
جه من كام يوم اسلوبه متغير تماما بيرد ببرود وبكلمة او كلمتين ومش بيسأل عليا نهائي وانا بس اللي بسأل رغم اني تعبانة جدا وهو مش بيسأل بردو
عاتبته بمنتهي الهدوء وبعقل ومش بتعصب في الكلام ولا اي حاجه راح اتعصب عليا و قلب الموضوع كله عليا كأن انا الغلطانة ويقولي مش حاسة بيا انتي حتي اهتمامك مصطنع وانا والله بحبه وبهتم بيه اهتمام نفسي احس ربعه منه قالي انا تعبت من كدا ولو قفلنا دلوقتي انا مش متكلم تاني نهائي وحلف ولحد دلوقتي متكلمش فعلا معايا ولا اعتذر ولا سال عليا
انا صعبان عليا نفسي اوي انه عارف اني زعلانة وكنت بعاتبه ومش عارفة انا كدا غلط في حاجة فعلا تستاهل اعتذرله ؟ ادخل اكلمه واعتذر ولا لا ؟
وانا فعلا زعلانة جدا وحاسة انه جاي عليا ومفيش مبرر لقلة اهتمامه بيا وبروده معايا
سيبيه سيبيه بصوت رضوي الشربيني 😂 مش فاهمه ازاي يعاملك كدا بس انتي اتقلي شويه بلاش تحسسيه بأي حاجه ومتبدأيش تاني لحد ما هو اللي يبدأ
تم النشر الأحد، ٢٣ يونيو ٢٠٢٤
تعتذري ليه احتمال كنت اخطأت وهوا فعلا مضغوط... ولكن تصارحي وتفهمي ليش تعامله اتغير وياك وتعرفي لو اسباب الشغل فسيبيه في حاله لان كشاب محتاج يركز اكتر في شغله غشان الجواز مش لازم يعني يكلمك على طول مره بالاسبوع كفايه اووي دا يدوب مجرد وعد بالزواج وتقبلي انه ممكن بيكون بيتعب واسئلي اهل بيته عن روتينه من برا لبرا كدا من غير ما يلاحظوا لو حسيت ان في شيء غلط فكي الخطوبه وربنا يعوضك الاحسن
تم النشر الأحد، ٢٣ يونيو ٢٠٢٤
أولاً، بفهم مشاعرك وتعبك وانك بتحبي خطيبك وعايزة تستمري في العلاقة بطريقة صحية. بس الصراحة، من الواضح أنه في مشكلة في الاتصال والتفاهم بينكم. من كلامك، باين إنك دايمًا بتجي على نفسك وتبقي أنتِ اللي بتصالح وبتحاولي تحافظي على العلاقة حتى لما هو الغلطان. ده ممكن يكون متعب وضاغط على أي شخص. الموضوع محتاج حوار صريح وهادئ. لازم تقوليله إنك متضايقة من طريقة تعاملهم وياك وإن أهمية العلاقة إنها تكون مبنية على الاحترام المتبادل والاهتمام من الطرفين. مش ممكن تكوني دايمًا اللي بتضحي وتحاولي تصالحي وهو مش بيشاركك بنفس القدر من الجهد. إذا كان مش قادر يتقبل العتاب أو مش حاسس بيكي ويزعل لمجرد إنك بتعبري عن احتياجاتك ومشاعرك، ده بيدل على مشكلة في التوافق العاطفي وقدرتهم على إدارة العلاقة بشكل صحي. مش لازم تعتذري إذا كنتِ مش حاسة إنك غلطانة. الموضوع مش مين يغلط ومين يصالح، هو الحوار الصح والتفاهم. وافكري كويس إذا كان ده الشخص اللي بجد حابب تكملين معاه حياتك وتقدري إزاي حاجاتهم ومشاعرهم تتلاقى مع اللي بتحتاجي. وفي النهاية، إذا كنتِ حاسة إنك تعبانة ومفيش تقدير من الجهة التانية، ممكن تستشيري شخص مقرب ليكي أو حتى مختص يساعدك في فهم الموقف واتخاذ القرار الأنسب.
تم النشر السبت، ٢٢ يونيو ٢٠٢٤
لعرض السؤال في فدني اضغط هنا