السلام عليكم : انا عمري 20 بعاني مش حاله غريبه جدا ومش هعرف أوصفها ازي انا قربت اتجنن عارفين الصوت الداخلي لما نقراء أو نكتب بس الصوت الداخلي هو اللي بيتكلم ايوه هو ده علي يقعد يتكلم لوحده انا ونايمه وانا وصاحيه وبتحصل نقاشات م بينا بقعد اتخانق وبيكدبني صوتي الداخلي وبيقولي إني منافقه بس انا مش منافقه والله حتي لما اعمل غلط وابداء استغفر واعيط الصوت ده يقعد يقلي انتي كدابه وبتمثلي واستغفر الله العظيم يعني بقعد يقولي انتي بتكذبي علي ربنا بس انا مش كده والله دي مره من المرات ساعات بوصل لدرجه إبداء أصدقه واقول انا فعلا كذا انت معاك حق ياجماعه انا حاسه اني فقدت السيطرة على نفسي جسمي وحركاتي والاكتر دماغي وتفكيري مبقاش ملكي انا مش عارفه انا خايفه ولما اتعصب وازعل واحس اني اتظلمت اقعد اضرب في نفسي اخر مره قعدت اضرب علي رجليا لحد مزرقت وكنت بمشي بالعافيه 😭 وأقطع شعري واعض نفسي وكلها تصرفات لا اردايه مش عارفه ايه ده انا تعبت حاسه اني اتجننت اعمل ايه بالله عليكم ساعدوني 💔💔
النصيحة الي اقدر اقدمها هي انك تتجنبي الاصوات دي تماما الاصوات دي من الشيطان والشيطان عمره ما هيتمنالك الخير وربنا اخبرنا ان الشيطان عدو وامرنا اننا نتخذه عدو فبالتالي متسمعيش كلام الوساوس ابدا ثانيا الزمي اذكار الصباح والمساء والاذكار الموظفه كاذكار الطعام والدخول والخرو من البيت او الخلاء وغيره (هتلاقيهم كلهم فحسن مسلم ان شاء الله) هيساعدوكي جدا جدا
تم النشر الثلاثاء، ٢٠ فبراير ٢٠٢٤
الحل ف التقبل ،تقبلى الفكرة وان انتى مش شخص وحش انتى بس عندك مشكلة ،تقبلى فكرة انك مريضة بوسواس لاكن انتى شخص كويس وزى الفل وربنا عالم بحالك وعارف انك كويسة ، انتى مشكلتك انك داخلة فى صراع مع المرض ومش قادرة تتقبلى الأفكار وشايفه نفسك وحشة وان دى افكارك انتى ،دى مش افكارك ولا دى انتى دا مجرد مرض ،صدقيني جربى تتقبلى كدا ومتدخليش فى صراع مع نفسك وهتلاحظى انك هديتى
تم النشر الخميس، ٨ فبراير ٢٠٢٤
وعليكم السلام ورحمة الله وبركاته ... لا تقلقي ده وسواس قهري والحل انك تتجاهلي كل الرسائل اللي بتيجي ليكي .. اتعاملي مع الوسواس بالفكرة المضادة .. فكرة خاطئة (سلبية) ب فكرة صحيحة (ايجابية) .. وناقشي الفكرة، متهربيش منها .. لازم تناقشي الفكرة وتجيبي ليها فكرة مضادة لها، كأنها مسالة رياضية. اتعاملي مع الافكار بالواقع يعني انتي بتقولي فيه افكار بتيجي انك منافقة، اسالي نفسك هل انا منافقة؟ انتي بتقول لا .. يبقى لا قطعا. لازم اول شئ تقتنعي ان ده مرض، ووسواس مش حقيقي، علشان تعرفي ااي تتعاملي معاه ومتصدقهوش.
تم النشر الأربعاء، ٧ فبراير ٢٠٢٤
بالعكس الدكتور النفسي ده.. دكتور زي اي دكتور.. وانك تروحي دي حاجه م عيب.. لان فيكي حاجه عايزه تتغير او تتعالج ف مافيهاش حاجه.. حاولي تجيبيها ليهم براحه وتقنعيهم شوفي مين اقرب حد ليكي اتكلمي معاه براحه وصدقيني مافيهاش اي حاجه والله ان الواحد يروح عند دكتور نفسي
تم النشر الاثنين، ١٢ فبراير ٢٠٢٤
حاولي تشغلي نفسك بأي حاجه ومتقعديش لوحدك كتير.. واشغلي وقتك دايما وقربي من ربنا.. وكل لما صوتك الداخلي يعلي الهي نفسك ف اي حاجه
تم النشر السبت، ١٠ فبراير ٢٠٢٤
متخليش حاجه تسيطر عليكي لما بتغلطي وبتستغفري ربنا هيغفر ليكي اما صوتك الداخلي دا الشيطان بيحاول يوسوس ليكي انك غلط، فمتسمعيش كلامه وقربي من ربنا وادي كتير وهو هيعينك على التغلب عليه ولو زاد معاكي الموضوع استشيري دكتوره نفسيه وإن شاء الله ربنا يشفيكي
تم النشر الخميس، ٨ فبراير ٢٠٢٤
اتخيل اقول ل اهلي عايزه اروح عند دكتور نفسي هيعملوا فيا ايه🌷
تم النشر الأحد، ١١ فبراير ٢٠٢٤
تسلمي يا رب 💗
تم النشر الجمعة، ٩ فبراير ٢٠٢٤
ده وسواس تجاهليه تماماً مهما كان الكلام اللي بيتقال ف مخك اعتبريه كلام أهبل ولما تهاجمك الأفكار دي اشغلي نفسك بأي حاجة سريعاً تشتتي بيها تفكيرك ( أقرأي رواية .. شوفي مسلسل .. ارغي مع صحابك)
تم النشر الجمعة، ٩ فبراير ٢٠٢٤
لا معنديش فراغ ووحده
تم النشر الخميس، ٨ فبراير ٢٠٢٤
يبدوا ذلك من اثار الفراغ والوحدة
تم النشر الخميس، ٨ فبراير ٢٠٢٤
لعرض السؤال في فدني اضغط هنا