انا بنت عندي 15 سنه وبعاني من مشكله مش قادره أفسر سببها وبجد ارهقتني انا بفضل فتره احب شخص وفجأه اكرهه وبعدين ارجع احبه تاني ودايما مزاجي بيتغير بسرعه اويييي والموضوع مبوظلي حياتي ومأثر علي نفسيتي اوي وصحابي بيقولوا عليا مريضه نفسيه اوقات احبهم اوي وأوقات ابقي مش عيزاهم ف حياتي وبكرهم اوي ياريت مساعده حد يفهمني اي الي انا فيه ده
انا كنت زيك كده زمان مزاجي متقلب بسرعه واحب ناس ومرة واحده اكرههم بس قعدت مع نفسي علشان افهم انا ليه بيحصل معايا كده انتي عندك تراكمات حصلت بتأثر عليكي وضغوطات تانيه أثرت عليكي فانتي الاول لازم تتصالحي مع نفسك وتتفهمي انتي اي اللي خلاك توصلي لكده ودي تغيرات طبيعيه في سنك ده فدلوقتي زي ما قولتلك اقعدي مع نفسك وشوفي اي الأسباب لده وانتي هتعرفي تحليها وبلاش تظهري مشاعرك لاصحابك وأعتقد برضو أن اللي بيقول عليكي مريضه نفسية وميحاولش يساعدك يبقوا مش صحابك اصلا لأن الصاحب اللي بيقف جنب صحبه في كل الحالات حتى في وقت ما يكون مش طايقه وانا اللي وقفت جنبي واحده صحبتي ووقت ما بكون متخانقه معاها ومش طايقاها جنبي هي برضو معايا وواقفه جنبي اختاري الصاحبه الصح اللي تساعدك
تم النشر الثلاثاء، ١١ فبراير ٢٠٢٥
عزيزتي، أشكرك على مشاركتك مشاعرك وتجاربك. ومن الطبيعي في عمرك أن تشعري بتغييرات سريعة في المشاعر والأحاسيس. هذا يعود بشكل كبير إلى التغيرات الهرمونية والنضج العاطفي الذي تمرين به في مرحلة المراهقة. تجربة الحب والكراهية بشكل متكرر ليست غريبة أو غير طبيعية، بل هي جزء من عملية فهم الذات والعلاقات الاجتماعية. يمكن أن يكون لديك شغف شديد تجاه شخص ما في لحظة، ثم تشعرين بخيبة أمل أو إزعاج في لحظة أخرى. هذا يمكن أن يحدث بسبب التوقعات، أو الخصوصية، أو حتى الظروف المحيطة بك. بالنسبة لمشاعرك تجاه الأصدقاء، قد تشعرين بالحب تجاههم في بعض الأوقات ثم تحتاجين إلى المسافة في أوقات أخرى. هذا يدل على أنك في مرحلة اكتشاف نفسك وتعلم كيفية التفاعل مع الآخرين. من المهم أن تتعلمي كيفية التعبير عن مشاعرك بشكل صحي، وأن تعطي نفسك الإذن لاتخاذ الوقت لنفسك عند الحاجة. إن قمتِ بالحديث مع شخص موثوق به، مثل أحد أفراد العائلة أو معالج نفسي، فقد يساعدك ذلك في فهم مشاعرك بشكل أفضل وتطوير مهارات التعامل معها. لا تترددي في طلب المساعدة إذا كنت بحاجة إلى ذلك، فهذا يعتبر خطوة إيجابية نحو الاهتمام بصحتك النفسية. تذكري أن رحلتك في الحياة مليئة بالتجارب، وكل تجربة تعلمك شيئًا جديدًا.
تم النشر الاثنين، ١٠ فبراير ٢٠٢٥
تم النشر الأربعاء، ١٢ فبراير ٢٠٢٥
نقدر نقول ده تراكمات علينا بمعنى ضغط جواكي وانتي قدرتي تستسلمي مش عالجتي ده بتقعدي اوقات ڪتير منعزله عن الجميع احيانا بيكون من الاهل مفيش تجاوب او مشاركه معاهم فده وضع عادي مش مرض ابداا غيري روتينك وصلحي علاقتك مع ربك والباقي سهل مش تخلي كلامك اصدقائك يحبطك لا الافضل تسمعي وترمي وراكي فكري في نفسك انتي في سن المرهقه وده وضع عادي جدااا وفقك الله.
تم النشر الثلاثاء، ١١ فبراير ٢٠٢٥
لعرض السؤال في فدني اضغط هنا