السلام عليكم
الحمدلله ربنا انعم عليا و تركت علاقه محرمه
لكن مش عارفه اتخطي الموضوع خالص ومش عارفه اعمل ايه و متوكله علي الله واكيد لو فيه الخير ربنا هيجمعنا باذن الله
لكن مشاعري مش بتفق هل ده طبيعي ولا ايه
بحاول اكتر الطاعات و اتشغل اكتر لكن برجع لنقطه الصفر
ربنا يباركلك و يثبتك انتي تركتي شيء كان مهم بالنسبالك ابتغاء مرضات الله , فتفكري هيكون ايه جزائك ؟؟ اما بالنسبة للمشاعر فدينا مش بايدينا , ادعي ربنا كتير يبعدك عن اي حاجة تغضبه و حاولي تتجنبي اي باب يدخلك منه الشيطان تاني زي مثلا السؤال على الشخص ده او متابعة اخباره او التعامل مع اشخاص مشتركة لحد ما تقدري تنسي و تقفي تاني على رجلك و خلي اللي حصل ده دفعة ليكي لقدام عشان تهتمي بانك تنمي من نفسك و مهاراتك و تحبي نفسك اكتر و تهتمي بيها
تم النشر الأربعاء، ٢٤ يوليو ٢٠٢٤
حاولي تشغلي وقتك كتير دايما حتي لو باي حاجه المهم تبعدي عن الوقت الفاضي لان دا وقت الشيطان بيوسوسلك فيه وربنا يثبتك
تم النشر الجمعة، ٢٦ يوليو ٢٠٢٤
السلام عليكم ورحمه الله يا رب تكوني بخير ترققك لعلاقه محرمه ده يعني نعمه من عند ربنا ان هو فوقك او خد بايدك وكتب لك التوبه ودائما التوبه والباب اللي فيه خير الشيطان مش هيسيبنا كده بقى يلا روحوا بقى لا بالعكس ده هيفضل يقعدنا شويه كده يندمنا شويه كده يحسسني ده كان الاول احسن ده انا كنت بحس بالشعور اللذه والفرحه وديه زمان عملت كده فده شعور طبيعي جدا جدا في الاول وهتتخطيها ازاي هتتخطيها انك دايما تعملي انشطه او تمارسي هوايات او تخرجي مع صحابك او تقراي قران او تشوفي ايه الموهبه اللي عندك وتبداي تنميها تتكلمي مع والدتك ترسمي اي هوايه انت بتحبيها لو لسه بتدرسي ابدئي وشوفي المجال بتاعك دلوقتي وصل لفين اا ذاكرتي ايه المذاكره اللي عليك لو انت لسه طالبه. هتلاقي مع الوقت كده ويومك بينشغل لما تعملي روتين لك اليوم بينشغل والحياه هتاخديكم ربنا رايد لك خير ان شاء الله ان شاء الله ربنا هيكتب لك الخير لان من ترك شيئا لله يعني ربنا بيعوضه خيرا منه ده باذن الله يا رب وان دي كانت توبه نصوحه لله وان شاء الله ان شاء الله ان شاء الله ربنا يكرمك ويفرح قلبك ولكن هنا الحل زي ما قلت لك في انك انت تجيبي انشطه. او تمارسي هوايات او تخرجي مع اصحابك بحيث انك تملي الوقت اللي عندك ما تسيبيش وقت للفراغ لان الفراغ قاتل تفضل تفكربي تفكري تفكري فلا احنا مش عايزين فراغ واسال الله لك التوفيق والثبات.
تم النشر الخميس، ٢٥ يوليو ٢٠٢٤
وعليكم السلام ورحمة الله وبركاته، اللهم بارك فخورة بيكي انت عملتي حاجه كبيره ف علشان كده صعبة عليكي بس صدقيني من ترك شيئا لله عوضه الله بخير منه ، فخلي عندك ثقة وحسن ظن بربك وادعيه دايما يثبتك ويحصن قلبك ويرزقك الحب الحلال و الزوج الصالح ، أكتر حاجه بتصبرك ف مواجهه الفتن هيا الصحبة الصالحة مهم اوي اوي مينفعش ميبقاش عندك صحبة او اتنين ملتزمين وبيحبو ربنا وعايشين للآخره تعرفي عليهم وقربي منهم والصاحب ساحب تاني حاجه الحجاب الشرعي قال تعالي" ذلك ادني ان يعرفن فلا يؤذين " حجابك بيدل علي انك مسلمة عندك حدود ومحدش يقدر يتعدى حدوده معاكي جاهدي ف هذه النقطة وهذا فتنة البنات ف ربنا يهدينا ويثبتنا ويرضى عنا تالت حاجه وهيا القرآن، القرآن هو حياة القلب هو أكبر داعم لكي بس محتاج حد عايزه ومقبل عليه افضل ادعي ربنا لحد ما يرزقك حبه والتمسك به واقرءي القرآن وتعلمي القرآن هيهذب أخلاقك ولسانك وحياتك كلها الرسول صل الله عليه وسلم كان خلقه القرآن ف اللهم أرزقنا يارب رابع حاجه اغلقي اي باب للفتن ، اقرأءي حديث إنك ان تفتحه تلجه ، وأحاديث كثيرة عن الفتن ، ابعدي ع اي باب للمعصية اعملي انفولو لكل شاب مترديش علي اي رسالة م ولد متجربيش انت مش قد الفتنه دي ومتقوليش هشوف بس لا اقفلي الباب خالص اتفرجي علي بودكاست وعي كانو عملين حلقات عن الصحوبية والشهوة وكل المواضيع المترابطة ببعض دي هتستفادي منهم كتير وربنا يثبتك يارب ويهديكي
تم النشر الخميس، ٢٥ يوليو ٢٠٢٤
وعليكم السلام، أولًا ببارك لك اتخاذ هذا القرار الشجاع، وربنا يثبتك ويقويك. طبيعي جدًا انك تحسي بالصعوبة والألم، الانفصال عن شخص كان له مكانة في حياتك بيكون صعب، حتى لو كان هذا لصالحك. الصبر و الوقت: كوني صبورة، الزمن بيلعب دور كبير في شفاء القلوب. بمرور الوقت، مشاعرك هتبدأ تهدأ وهتكوني قادرة تشوفي الموضوع بمنظور أوضح. الطاعات وتقوية الايمان: استمري في التقرب من الله بالطاعات والعبادات، القرآن والصلاة والدعاء. ده هيديك سكينة وراحة نفسية. الانشغال: زي ما قلتي، حاولي تشتغلي في حاجات تملأ فراغك وتخلي بالك مشغول، سواء بعمل جديد، هواية، أو حتى تعلم مهارة جديدة. الدعم: ما تتردديش في طلب دعم من الأهل أو الأصحاب الموثوقين. ممكن يقدمو لك النصيحة والدعم النفسي اللي انتي محتاجاه. النظر للأمام: ركزي على مستقبلك وخططي له. لو ربنا كاتب لك الخير في هذه العلاقة، هتلاقي كل شيء بينصلح بشكل طبيعي. الثبات والتمسك بالله، وتذكري دايمًا ان الرحلة دي هي اختبار وإعداد لشيء أفضل بإذن الله.
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا