ما الحل مع الطفل العصبي؟؟؟؟
طيب اول حاجه لو فيه حد في البيت بيزعق او بيتعامل بعصبية ديه اكيد هتكون نتيجة لعصبية ابنك، يعني مثلا لو انتو بتتخانقوا وصوتكم عالي، لو بتقولي حاجه لابنك وبتقوليها بصوت عالي، ده طبيعي في الاخر انه يكون شخص عصبي، ف لو ده بيحصل ياريت تكونوا قدامه مثال للحياة الهادية .. واي نقاش هتحسوا فيه ان الصوت هيعلي ميبقاش قدامه. قولي للطفل وفهميه قبل ما مثلا تقولي له اعمل الشئ الفلاني، احنا مثلا لازم حاليا ندخل انا وانت نعمل كذا علشان الشئ الفلاني .. لازم تفهميه .. لو هتقولي ده طفل ومش هيفهم ومش لازم .. لا طبعا هو بيفهم وكويس جدا كمان، ف حسسيه انه رأيه مهم ومن حقه انه يفهم ويعرف، وده هيفرق معاه في شخصيته كمان بعدين. بلاش توصفيه بأنه انت عصبي، انت بتعمل كذا وكذا .. ده غلط جدا لانه مش طبيعي تقولي له الصفات السلبية كل شوية وفي الاخر تيجي تطلبي منه انه لازم يغيرها، هيعند معاكي. بلاش تطلبي منه حاجات هو ميقدرش يعملها، وتعجزيه بيها. طبعا وارد انه يحصل اي مشكلة سواء تكسير في البيت او يعمل اي حاجه .. اتعاملي مع الامر بهدوء وحلاص اللي حصل حصل وقولى له تعالى ننظف اللي حصل. طبعا وارد انه تكون العصبية ناتجه عن الشعور بالجوع او اضطرابات النوم. لازم كمان تنتهبي ل احتياجاته النفسية .. لو مش بتعبري له عن حبك، لو مش بتحضنيه، لو مش بتقولي له كلام ايجابي وتحفيزي، ده كله طبعا له تأثير على عصبيته.
تم النشر الخميس، ٨ يونيو ٢٠٢٣
حضرتك لازم تعرفي الأول الأسباب ال بتعصب عشانها دي تستاهل ولا تافهة، كمان وقت عصبيته سيبيه يطلعها وبعدين تتكلمي معاه، وأصلا لازم تعرفي عصبيته دي مكتسبة ولا متوارثة، ولا من قلة أهتمام، أو إيه، طفل وعصبي لازم ده شئ نفسي مأثر عليه لو مقدرتش توصلي معاه لحل، أتواصلي مع أخصائي تخاطب أو تعديل سلوك
تم النشر الجمعة، ٩ يونيو ٢٠٢٣
هناك بعض الخطوات البسيطة التي يمكنك اتباعها للتعامل معهم بشكل فعال: 1. حافظ على الهدوء: يمكن أن يكون الأطفال العصبيون متقلبي المزاج ويفقدون السيطرة بسرعة. حافظ على هدوئك وتجنب التفاعل بشكل عاطفي أو عنيف. قد يكون من المفيد أيضًا أن تعلم تقنيات التنفس العميق لتهدئة نفسك عندما يصعب التعامل مع الطفل. 2. التواصل بوضوح: استخدم اللغة البسيطة والواضحة عند التحدث إلى الطفل، وتأكد من أنه يفهم ما تقوله. كما يمكن استخدام الإشارات الجسدية والتعبيرات الوجهية لتعزيز التواصل غير اللفظي. 3. قدم التوجيه والهيكل: قدم للطفل بيئة هادئة ومنظمة تشجع على الانضباط.
تم النشر الخميس، ٨ يونيو ٢٠٢٣
• كم عُمر ابنك ؟
تم النشر الخميس، ٢٥ يناير ٢٠٢٤
استشارة طبيب
تم النشر السبت، ١٠ يونيو ٢٠٢٣
عنده اد ايه
تم النشر الجمعة، ٩ يونيو ٢٠٢٣
نزلية يلعب رياضة الرياضه بتساعده ع التحكم فى أعصابه ممكن ينزل سباحه او رياضه قتالية تخرج كل الطاقة منه بس نزلية سباحه افضل
تم النشر الخميس، ٨ يونيو ٢٠٢٣
لعرض السؤال في فدني اضغط هنا