اهلي لا يثقون فيا ابدا وكل ما ابدا ب تعلم شي يريدون قطعي ب اي طريقه ف عندما تطورت ب مجال برمجه حاولوا كتير قطعي ب اخد ال لاب توب او الهاتف وكل ما انوي فعل اي شي مفيد في حياتي اهلي يكونوا اول عقبه انا تعبت جدا والله ومش قادر اعيش معاهم حتي ولو في فشلت ب شي يمسكونه عليا سنه مثال قدمت ب اختبار ل اصير مبرمج ب شركه واترفضت كل ما ابي اقدم تاني يقولوا لي مش فاكر.....
العقبات هى التى تصنع لك قصة النجاح اذا كنت مقتنع بطريقك وحلمك ..تجاوز العقبات ولا تمل حاول ان تفهم اذا كانوا يقفون امام طريق معين ما هى وجهة نظرهم وماذا يتوقعون ان يكون الافضل لك ؟ يمكنك ان تبحث عن طريق يكون يحقق هدفك ووجهة نظرهم فى نفس الوقت فيتحول اى احباط منهم الى تشجيع فى كل الاحوال اعلم ان ما ييسره الله هو الخير لك بكل تاكيد وما تعطل او تاخر بالتاكيد لم يكمن فيه الخير لك
تم النشر السبت، ٩ مارس ٢٠٢٤
جرب تتكلم معاهم ممكن يكون بساطتهم مش مستوعبه يعني إيه دراسه عن طريق اللاب توب أو وظيفه مبرمج حيث إنه مجال مكنش متوفر أيامهم ومش مستوعبين الإنجازات اللي بتحققها .. بس مع كلامك معاهم هيفهموا في النهايه و فهمهم قد إيه محتاج دعمهم وتشجعيهم أو ممكن تقلل مشاركتهم لقراراتك وآخر ما وصلت إليه في تقدمك العلمي و العملي مؤقتا, بمعنى لو شايف إنهم عقبة متشاركهمش إنجازاتك مؤقتا لحد ما تكون إنجازات كبيره ويعرفوا وقتها إنهم كانوا على غير حق و وقتها هيكونوا فخورين بيك أكيد..
تم النشر الخميس، ٧ مارس ٢٠٢٤
تسجيل صوتي شوف انا اعتقد ان اهلك مش عايزينك تفشل في حياتك هم ربما يكونوا شايفين مسار تاني احسن لك عن المسار بتاعك اللي انت مش عارف تقنعهم به مسار البرمجه وده مسار طبعا كويس جدا ربما يكونوا شايفين انت لسه مكملتش تعليمك مثلا او حاجه مش عارف عموما الرجل بيتحرك في حدود المتاح بالنسبه له الاهل ممكن يكونوا عقبه شويه في طريقك لكن انت مش هتعرف.يعني تغير اهلك اللي تعرف اللي تقدر تعمله ان انت تتحرك في حدود المتاح فحاول تشوف ايه هو المتاح بالنسبه لك وتحرك جواه وصدقني مع اول انجاز في حياتك او مع اول مرتب تاخده او مع اول فريلانس جوب بتعملها اهلك هيبداوا يقتنعوا بيك فحاول ما تضايقش ان اهلك بيضيقوا عليك او مش مقتنعين بيك ده بيحصل كتير جدا ولكن صدقني الموضوع ده هيتغير مع اول حاجه كبيره تعملها يعني اعمل في صمت لحد اما في حدود المتاح لحد اما تقدم انجاز معين لاهلك ولو كان مرتب بسيط انت عملته في مقابل جوب معينه وصدقني بعدها الامور هتتحسن جدا ان شاء الله وربنا يوفقك.
تم النشر الخميس، ٧ مارس ٢٠٢٤
متستناش دعم من حد ، كن انت الداعم لنفسك ، و وقت لما تنجح كلهم حيبقوا داعمين ، اشتغل في البرمجة و كمل و اسعي و ادعي ربنا في كل صلاه لحد ما تستقل و في نفس الوقت ، متنساش بر الوالدين ابدا ، بس ادعم نفسك و حبها و صدق انك لو سعيت و تعبت ربنا حيرزقك كل الخير ليك بإذن الله
تم النشر الخميس، ٧ مارس ٢٠٢٤
ربنا معاكي وحاول تاني واكيد في يوم هاتوصلي
تم النشر السبت، ٩ مارس ٢٠٢٤
هل انت تقصد اهلك بمعني والدك ووالدتك ام اخوتك واعمامك وباقي أفراد الأسرة أن كنت تقصد والد ووالدتك فأقول لك أن هذا بالتأكيد ناتج عن خوف زائد منهما وهذا ناتج عن بعض الأفكار والمعتقدات لديهما وفي هذه الحاله حاول الجلوس معهم وفهم موقفهم سواء كان خوفاً عليك أم شئ اخر أما إن كنت تقصد اخوتك واعمامك وبقيه الأسرة فذلك شئ طبيعي لان كل انسان يرفض أن يصبح أحدا افضل منه وهنا لا تستسلم لهم وكن اقوي منهم مهما حاولوا
تم النشر السبت، ٩ مارس ٢٠٢٤
النجاح بالنسبه للاهل انفاق علي التعليم وشهادة خصوصا جيل اهلنا ف طبيعي انهم يعملوا كدا ......ودا عمره ما كان صح ......فالاصح انك تكمل في طريقك وتستعين بالله و ارضاء الاهل علي حساب النفس مش هو هو البر ......البر انك ترد عليهم رد كويس او تكتم غضبك عنهم او تسمع كلامهم لو هتساعدهم في حاجه .....انما حياتك انت الوحيد المسؤول عنها وصدقني لو فضلت كدا هتيجي بعد زمن هتكلمهم في نفس الموضوع وهيوافقوا لكن هيبقي الوقت متاخر جدا وهيقولولك "معلش ماكناش نعرف" ف بلاش تختار الطريق دا واهتم بنفسك
تم النشر السبت، ٩ مارس ٢٠٢٤
كملي مع نفسك من غير ما حد يعرف طلما شايف انو ده هينفعك وتبقا نجاح
تم النشر السبت، ٩ مارس ٢٠٢٤
الاهل ساعات بتكون عقبة في حياتنا من اب لام لاخ و اخت ف لازم احنا نقف قدامهم ونعمل ال عيزينو بس ف حدود الدين حاول تقرب من اهلك وحاول تاخد طاعتهم عشان تتقدم وفكك من كلامهم كلام الاهل ساعات بيدمر الشخص و تحكمهم الزياده بس ده خوف بس مبالغ فيه قولهم انك كبير ومش المفروض يدخلو فيك عشان خلاص انت كبرت ولازم تاخد قرارك بعيد عنهم قصد لما تيجي تتجوز محدش هيختارلك الست ال هتبقي مراتك ف قولهم ده مستقبلي ملكوش دعوه وفيها اي لما اقع يعني الناجح بيقع ويقوم ويسقط وينجح مش بنتعلم من اول مره يعني
تم النشر الجمعة، ٨ مارس ٢٠٢٤
ربنا معاكي خير معين انتبهي جيدا لنفسك واعلمي ان •اللّـہ̣̥ وحدة الحنان المنان
تم النشر الخميس، ٧ مارس ٢٠٢٤
لعرض السؤال في فدني اضغط هنا