أنا لما روحت لدكتورة تم تشخيص حالتي الاكتئاب وكتبت لي دواء وكانت بيخليني انام كتير بصراحه انا مكنتش حبه الوضع لأن أنا 3 ثانوي ومفروض اذاكر بس انا عايزة اروح لواحدة تانيه
خدى الدوا قبل معاد النوم و بعض الاعراض الجانبية بتوزل بعد ابعض اسابيع من العلاج و يفضل استشارة طبيب نفسي لتغيير نوع العلاج
تم النشر الأحد، ٥ مارس ٢٠٢٣
هو طبعا على حسب درجة الاكتئاب بيكون الدوا ضرورى او لا . منقدرش نشخص مكان الطبيبه ...لكن عشان الاثار الجانبيه لو انتى بتنامى عدد ساعات متواصل بدون الدوا يبقي بلاش منه ...لانه مهم للحالات اللى عندها ارق بشكل مبالغ فيه ... ممكن تطلبي منها او من طبيبة اخرى انها تتبع معاكى اسلوب علاج اخر بدون الادوية الكيميائية.....ولو الموضوع ضرورى لحالتك ممكن توصفلك نوع اخر الف سلامة عليكى يا جميلة ولو حابه تحكى فى اسباب تعبك احنا هنا هنسمعك اكيد.
تم النشر الأحد، ٥ مارس ٢٠٢٣
ياريت تروحي الاول ل اخصائي/ة نفسية بلاش طبيب .. ولو الاخصائي شاف انه لازم تدخل دوائي في العلاج .. يبقى تتابعي مع طبيب .. لكن الاول ياريت تروحي لاخصائي
تم النشر الأحد، ٥ مارس ٢٠٢٣
اطلبي من الدكتوره انها تغيرلك الدوا لحاجه تناسب وضعك وانك بتنامي كتير وده مش مناسب ليكي ومن الافضل ان علاج الاكتأب يكون دوائي ونفسي سوا هيفرق معاكي جدا لو تابعتي علاج نفسي مع ثيرابيست وكمان الرياضه وانك تاكلي اكل صحي وفواكه وخضروات كتير وتتعرضي للشمس وتتمشي كل يوم هيفرق معاكي جدا ف نشاطك وحالتك النفسيه وهيساعدك جدا ف العلاج ...كمان انصحك تتكلمي مع الدكتوره بتاعتك قبل متقرري تشوفي غيرها عشان ده ممكن يشتتك ف العلاج
تم النشر الأحد، ٥ مارس ٢٠٢٣
أدويه الاكتئاب والوسواس والحاجات المشابهه دي غالبا بتكون ضررها اكبر من نفعها وبتسبب ادمان للدواء وربط الراحه او السعاده به ...وطبعا بتشتغل على بعض الهرمونات فانصحك لو حالتك يعني مش واصله اللهم احفظنا لوضع صعب جدا زي اللهم عافنا ال بيكون عندهم ميول انتحاريه او مينفعش يتسابو لوحدهم او او او انصحك تبعدي تماما عن الادويه دي وتشوفي حد بيعالج بطريقه افضل وبعيدة عن الادويه وفي خدمة استشارات نفسيه ليها خط ساخن ممكن تلاقيه في اجابات الاسئله المشابهه شفاك الله وعافاك
تم النشر الأحد، ٥ مارس ٢٠٢٣
سلامات الدنيا كلها يارب روحي لدكتور تآني طبعا لإنه وارد تكون حالتك مش مستدعيه دوا ومحتاجه دعم فقط
تم النشر السبت، ٤ مارس ٢٠٢٣
لعرض السؤال في فدني اضغط هنا