انا اتقدملي عريس سال عليه الناس اللي حولي كل الناس بتقول محترم جدا وكويس جدا وانا كشكله مش عجبني مش متقبلة شكله بس هو مش وحش بس انا مش حابه شكله هو شاريني اووي ومستعد يعملي كل اللي انا عايزاه مش عارفة اعمل ايه اوفق والشكل مش مهم ولا أستنى شويه انا صليت استخاره وبرضو محتاره مش عارف اعمل إيه
بصى لو الشب كويس و محترم و مستوى كويس و المشكله في شكله انتى لو شايفه أن مشكله شكله ممكن تروح بتعود و انكم تشوف ا بعض اكتر تمام كملى انما لو شايفه أنه لا حاسه ان الموضوع انتى مش عارفه تتقابليه خالص فى نصحيه بلاش علشان متاذيش نفسيتك و نفسيته هو كمان فى شوفى تانى و تكلموا و حددى انتى اى الأصح بنسبالك
تم النشر الخميس، ١٩ سبتمبر ٢٠٢٤
هو فيه فرق بين الشكل الظاهري والقبول. فيه ناس شكلها عادي أو حسب مقاييس الجمال السطحية مش حلوين أو شكلهم مش قد كده لكن روحهم بتنعكس على ظاهرهم وتصرفاتهم وتعاملهم بيخلي فيه قبول لهم عند الناس. وممكن الشخص الوسيم جدًا عادي لما تقعدي معاه تحسي مفيش قبول عندك فدي ترجع لك انتِ. القبول بيبقى ارتياح للشخص لما تقعدي معه، مش بتحسي بنفور أو ضيق نفسي وبتبقي عاوزة تنهي الحوار. الشكل عامة بنعتاد عليه بعد فترة من الوقت واللي بيبقى هو الشخصية والأخلاق. الشكل مهم في الاختيار لكن مش هو المعيار الأساسي اللي المفروض أختار عليه إذا أقبل الشخص ده كزوج أو لأ. المعيار الأساسي أولا دينه وأخلاقه. الشكل بعد كده ما دام فيه دين وما دام فيه قبول نفسي، هتعتادي عليه ومع الوقت والعشرة والمشاعر ممكن يكون في نظرك أفضل من ناس كتيرين الناس مصنفاهم حلوين بمعايير الجمال السطحية. فانتي لو مكنش فيه خنقة ورفض نفسي شديد جواكِ ناحيته ممكن تطلبي تقعدي معه مرة واتنين لو لسه محتارة وتشوفي دينه وأخلاقه. ممكن تصلي استخارة كذا مرة إذا لسه محتارة وهو لو فيه خير ربنا هييسر الموضوع ولو كان محترم وكويس وشاريكِ زي ما انتي بتقولي فممكن تعطي نفسك فرصة للخطوبة وتدرسيه وتشوفي معاملته لك وهل فعلا هو اللي هيقدر يسعدك كزوج ولا لأ. ولو وافقتِ على خطوبة مهم جدًا تعرفي إن لها ضوابط وكمان مش معمولة عشان كلام الحب، معمولة عشان تدرسي الشخص ده وتشوفي هل يصلح زوج ولا لأ. بالتوفيق إن شاء الله.
تم النشر الخميس، ١٩ سبتمبر ٢٠٢٤
بصي حابه اقولك ان مفيش حد كامل غير الله عز وجل ومفيش انسان كامل المواصفات الي هتتمنيها مهو مش الفارس الي هياخدك علي الحصان الأبيض ولازم يكون كويس ومحترم ومرتاح ماديا وجميل وكل ده مستحيل وغير كده والله مش بالجمال الخارجي خاااالص بصي لجوهره بصي للحلو الي فيه انتي بتقولي انسان شاريكي ومحترم وبيتمنالك الرضي ترضي يبقي كتر خيره الصراحه مساله الشكل دي مش حاجه بايده معذرة انتي اتولدتي لقيتي نفسك شكلك كده سوا حلوه او وحشه مع ان ربما مخلقش حد وحش ربنا خلقنا كلنا في أحسن صوره لو كنتي انتي مثلا شكلك مش احسن حاجه كنتي هتقدر ي تغيري حاجه زي كده اكيد لا هكذا هو مش بايده ولكن نبص للحاجات الي بايده هتلاقيها كلها حلوه علي حسب كلامك يبقي ده شخص كويس ومن راي نركن التفكير السطحي علي جمب وتفكري لو في قبول تمام يبقي خلاص صلي صلاة استخاره مره كمان وتوكلي علي الله لو ارتحتي وان شاء الله ربنا يقدملك الي فيه الخير يا جميل 💗
تم النشر الخميس، ١٩ سبتمبر ٢٠٢٤
أهلاً بك، سمكة محمد. من الواضح أنك تواجهين وضعًا محيرًا في اتخاذ قرار مهم في حياتك. من المهم أن تأخذي بعض الوقت للتفكير في جميع الجوانب المتعلقة بهذا العريس. إذا كان الشخص يتحلى بالصفات الإيجابية مثل الجدية والاحترام، ويظهر استعدادًا لتلبية احتياجاتك ورغباتك، فهذا أمر يجب أخذه بعين الاعتبار. العلاقات الناجحة غالباً ما تعتمد على التفاهم والاحترام المتبادل أكثر من المظهر الخارجي. ومع ذلك، فإن الانجذاب الجسدي أيضًا له دور مهم في العلاقات، لذا من الطبيعي أن تشعري بعدم الراحة تجاه شكل الشخص. إذا كانت لديك مشاعر سلبية قوية تجاهه من هذا الجانب، فقد يؤثر ذلك على العلاقة مستقبلاً. الحمد لله أنك صلّيت الاستخارة، فهي وسيلة طلب العون من الله والتوجيه. أنصحك بأن تتحدثي إلى بعض من تثقين بهم، وتقدمي على الموقف بشجاعة ووضوح. عموماً، ثقي بأن الله دائمًا يوجهنا لما فيه الخير إذا كانت نوايانا صادقة. وقبل اتخاذ أي قرار، تأكدي من أن هذا القرار يتماشى مع ما ترغبين فيه في قلبك. النجاح في الحب والزواج يعتمد على الارتياح الجسدي والعاطفي مع الشريك. بارك الله لك ورزقك الخير في خياراتك المقبلة.
تم النشر الخميس، ١٩ سبتمبر ٢٠٢٤
لعرض السؤال في فدني اضغط هنا