انا طالبة تالتة ثانوي بعاني مشاكل وخناقات مع مامتي من أولى ثانوي أو ممكن من طفولتي يعتبر انا حساسة جدا وكلمة صغيرة بتفضل تتردد ف عقلي لسنين طويلة ، من طفولتي كتومة وكانو بيجرحوني بكلام كتير اوي وفاكره كل كلمة منه حتى اللى سمعته وانا سبع سنين ولازال الكلام مأثر فيا ، انا والصغيرة كانو اهلى متحكمين ف كل قراراتي مش كنت بقول بحب أيه أو بكره أيه بيحددو هما مين صحابي ومين لا أيه البس وايه لا أى اكل واى لا كل قراراتي ، وده خلاني انطوائية ومش بثق ف نفسي ذرة ، ولما دخلت أولى ثانوي ابتديت احاول اعبرلهم انا بحب أى بس لما بقول رأيي بيتقلبو عليا جامد ماما بتدعي عليا كتير وتزعق فيا لأى سبب بتعاملني بطريقة بتدمرني تماما مش بتدعمني فحاجه ومش واثقة ف نجاحي وبتقولي كلام سلبي كتير ف ده أثر على مستوايا جدا بدل ما كنت بطلع من الأوائل ف الإعدادي بقيت بنقص ف الثانوي اكتر من 100 درجة وجبت ملحق ف أولى ثانوي ومن وقتها لحد النهاردة مقتنعة انى فاشلة وبتذلني بيه اوى والسنة دي ابتديت اتضغط من تالتة ثانوي وعلى طول حاسه بضغط واعصابي مشدودة فهي بتتخانق معايا طول الوقت اكتر من زمان بصحى مخضوضة على صوتها وهي بتدخل تصحيني بزعيق وبنام معيطة من زعيقها وهي عارفة ان انا حساسة وكتومة برغم كده بتقول عني باردة ومش بحس وبتجرحني بكلمات كتير اوى ابتدى الموضوع يزيد وبقيت بخرج من البيت بعيط فجأة ف الشارع أو ف الدروس وبجرح جلد جسمي كله وكل ما بتعصب كتير باخد أى براشيم بلاقيها وكأنني بقنع عقلي أن هاخد البرشام ههدى وابقى كويسة ، ابتديت اتكلم مع نفسي ف الاوضة لوحدي وبصرخ كتير بزعيق لنفسي ف الشارع أن اسكت ومش بقيت بروح دروسي بغيب كتير وبروح امشي ف الشوارع وانا مش فايقة من زعلي وعياطي مش عندى شغف للحياة وبفكر كتير ف حاجات سلبية..حاولت أسأل حد اعمل اى بس مش معايا حد ..
مفيش حد هيدعمك غير نفسك وبس الاهل بتشوف النتيجة و بس مش بتشوف انتي تعبتي قد اي ادعمي نفسك وقدريها وكل حاجة هتعدي ومامتك حاولي ترضيها ومتزعليهاش لان ربنا وصي بي بر الوالدين حتي لو مامتك غلطانة حاولي ترضيها
تم النشر الأحد، ٢٦ نوفمبر ٢٠٢٣
حقيقي مش عارف اقلك ايه لاني كنت حاسس انك بتتكلمي عني حرفيا بسسسس بصي انا هحاول اقلك حلول ممكن تنفع معاكي بالنسبه لاهلك متخليش حد ياذيك حتى لو كانت امك حولي تكلمي باباكي او حد اكبر منها من اهلك يتكلم معاها حاولي تنسي الكلام اللي اتقلك في طفولتك لان ده وقت وعدى مش عيفيد الكلام فيه مع اني عارف انه صعب حبي نفسك متاذيهاش خليكي فكره انك جميله وكويسه تستحقي تتحبي حتى لو كنتي مليانه عيوب وحاولي تجتهدي في الدراسه لان بكره وبعده لو دخلتي كليه بتحبيها هتسبيهم وتقعدي مع صحاب جداد في سكن ولما تتخرجي منها وتعتمدي على نفسك وتعرفي تجيبي منها فلوس ساعتها لا اهلك هيتحكموا فيكي ولا حتى جوزك بعد كده وحتى لو منفعتيش في التعليم لا قدر الله او جبتي مجموع قليل ولا يهمك خشي الكليه اللي جابها مجموعك وشوفي حاجه بتحبيها تقدري تجيبي منها فلوس ولغاية مده يحصل خاولي تتعاملي معاهم على القد وتحطي حدود بينك وبينهم صدقيني انا حاسس بده كله لاني عديت ولسه فيه بس حاولي وهليكي فاكره انك الحل الوخيد للي انتي فيه انك تنجحي ساعتها مش هتحتاجيلهم وهتبقي معتمده على نفسك لكن لو فضلتي تاذي نفسك كده انتي اللي هتتضري وهتحكمي على نفسك تكملي بقية حياتك معاهم قربي من ربنا القرب منه بيطمن وحبي نفسك ❤️
تم النشر الأربعاء، ٦ ديسمبر ٢٠٢٣
والله اتا نفس مشكلتك وانا خلاص كرهته مبقاش أحبهم هم كرهونى فى حياتى ونفسى وشكله كرهونى انى بنت على طول شك شتيمه وحرفية بدل مكان معها بيزعلنى بقيت أقول أمين مثلا يارب مكنت خلفتك يا رب ربنا يأخذك يا رب بقيت بارده تجعله بقيت مياه والموضوع ده متلاحظ اوى نفسى تكون زى اى أم تدعمنا انا بقيت اسأل نفسى هو ايه حنان الأم إلى انا مش فاكره آخر مره حسيت بيه كان امتى
تم النشر الثلاثاء، ٢٨ نوفمبر ٢٠٢٣
"اعتزل ما يؤذيك" دي المفتاح وهقولك ليه بعد ما نحلل مشكلتك. اولا مين اختار اهلو المشاكل الي بينك وبين والدتك بتحصل في اي مكان وعند اي حد ودول شوية حلول .. مهما كان دي امك خليكي انتي الاحسن وهنا انا عيزك تشوفي مقابلة الحسنه بالسيئه من ولدتك شكلها هيبقي اي مهما تعملك قوليلها كلام حلو بوسي ايديها حسسيها انك اتغيرتي وبقيتي تحبيها وهي انشاء الله تغير اسلوبها . دا حل تاني لو الموضوع صعب مع الام هنضطر نستخدم التفادي والانعزال عن المشاكل تجنبي المشاكل ركزي في حجات اهم من الدخول في المشاكل دي نقطة تنيه كونك حساسه دي حاجه حلوه اوي والماضي الي كلو احزان بسبب طيبتك دي اقعدي مع نفسك ووجهي وفتكريه كويس وحليه مع نفسك متسيبهوش ، اهم حاجه متحطيش نفسك مكان الضحيه لان لو صدقتي دا هتفضلي ضحيه طول عمرك ، تحكم اهلك فيكي دا لانك بنت ولسه صغيره واتاكدي ان دي فتره مؤقته هتنتهي مع الوقت ، حتت انك محتاجه الدعم لو امي مش هتديني الدعم الي محتجاه شوفيه مع ولدك شوفيه مع صديقه امينه ليكي مفيش خالص ادعمي نفسك اكسبي انتي لنفسك ، خليكي فعلا بارده زي ما ولدتك بتقولك لان الشخص الي علي طول بينتقدك انتي مستنيه اي منها قصدي انو تزعلي بجد من حد واثق فيكي ونتي خيبتي ظنه اما لو حد شيفك فشله بكل بساطه اثبتي عكس دا ، ونيجي لاهم نقطه انك تعوري نفسك ونصيحه من واحد جرب حاجه زي كدا فلنفرض ان العالم دا كلو بيكرهك وبيئذيكي مين الي هينصرك ... "انتي" فلما تيجي الاذيه من نفسك دي صعبه اوي قولي لنفسك يعني كلهم بيئذوني ونا كمان هئذي نفسي؟ اعتزلي الي بيئذيكي حتي لو مؤقت فوقي لنفسك واتكلمي كتير معهاه صلي واشكي لربنا كتير عايزك تقتنعي زي منا مقتنع انو اي فتره وحشه لازم ييجي بعديها فترات حلوه وانتي انشاء الله الي جي كلو هيبقي حلو
تم النشر السبت، ٢٥ نوفمبر ٢٠٢٣
حولي تقريبي منها
تم النشر الثلاثاء، ٢٨ نوفمبر ٢٠٢٣
طب حولي اتفهمي معناها
تم النشر الثلاثاء، ٢٨ نوفمبر ٢٠٢٣
بصي يا اميرتي سيبك منها خلااااااص متخليش حاجه تاثر عليكي
تم النشر الأحد، ٢٦ نوفمبر ٢٠٢٣
لعرض السؤال في فدني اضغط هنا