كنت بكلم بنت عرفتها من ع الفيس حبينا بعض وارتبطنا وبقنا طول الوقت بنكلم بعض شات وعرفت حاجات كتبر جداً عنها وعن اهلها مع اني مكنتش بحكيلها عن نفسي كتير وكنت شخص بارد نوعاً ما معاها بس هيا كانت بتحبني اوي وانا بحبها اوي بردو وبدعي كتير اوي اني اتزوجها رغم ان في جزء مني حاسس اني مستهلهاش خالص وانها كتير جداً عليا لأن هيا حرفياً احسن مني ف كل حاجه، دينياً و دراسياً و شخصيتها و شكلها و مستواها الأجتماعي و اهلها ناس محترمين جداً وهيا بنت محترمه و طيبه و فطرتها سليمه بعكسي تماماً
المهم اننا قعدنا نتكلم فتره طويله وبعدين جينا ف يوم اتفقنا اننا لازم نبطل نتكلم مع بعض عشان حرام و انا سعات بنسى نفسي وبنسى انها لسه مبقتش زوجتي.. المهم اتفقنا و خدنا القرار بالفعل وقلتلها اننا هنكتفي بس ب اننا مش هنمسح ارقام بعض ومش هنعمل بلوكات وهنستنى لحد مانا اخلص ثانوي و اخش كليه واشتغل وابقى جاهز للزواح وبعدين اروح اتقدملها واحنا الأتنين وافقنا على القرار ده رغم انه صعب جداً وانا كل يوم بجاهد نفسي بصعوبه شديده عشان مخشس اكلمها وربنا بيثبتني الحمدلله
المهم انا دلوقتي عكيت ف الامتحانت بتاعة ثانوي وشكلي هجيب مجموع مش حلو و دا لو حصل ممكن فرصتي اني اتزوجها تروح... وغير كدا انا شخص فاشل مقارنةً بيها و مادياً مش احسن حاجه +هيا اصلاً ف محافظه و انا ساكن ف محافظه تانيه خالص الخ..
بفكر ادخل اكلمها دلوقتي و اقولها تنساني و اننا مستحيل نتجوز.... عشان لو مقدرتش اتزوجها ف المستقبل اكون على الأقل مفضلتش معشمها معايا مده طويله جداً وبعدها كسرت خاطرها وتكتئب او يحصلها حاجه بسببي.. بس خايف لما اقولها كدا تزعل وتكتئب بردو و يحصلها حاجه بسببي
ولا اصبر ومفقدش الأمل وممكن لو صبرت ربنا يجعلها من نصيبي رغم كل الظروف
ولا اخش انام؟
انتوا اخدتوا خطوة صح بانكم ما تتكلموش لحد ما تكون جاهز لانك تتقدم لها و لحد ده ما يحصل اعمل كل اللي عليك و ذاكر و اجتهد انك تكون افضل بس متوعدهاش بحاجة الا و انت واثق من تنفيذها و متنساش ان القلب من التقلب و المشاعر بتتغير مع الوقت يعني انت ممكن تشتغل على نفسك و تكون جدير بيها بس فجاة تحس انك مكنتش بتحبها او انك مبقيتش تحبها فالافضل انكم تحلوا بعض من اي وعود و تسيبوا الموضوع للنصيب مع بذل كل جهدك انك تكون جدير بيها او باي بنت تدخل بيتها في المستقبل
تم النشر الأحد، ١٤ يوليو ٢٠٢٤
أولاً، خليني أقولك إنك شاب شجاع جداً لأنك معترف بمشاعرك وبالتحديات اللي بتواجهها. الحب جميل، وكل علاقة بتمر بمراحل صعبة، ومهم إنك تبقى واقعي وتخلي ضميرك يكون صديقك. بخصوص موضوع الامتحانات والمستقبل، فاهم إنك ممكن تكون حاسس بالإحباط، بس دا مش معناه إنك تفقد الأمل تمامًا. دي بس خطوة في حياتك وممكن تتعوض. حاول تشتغل على تحسين نفسك سواء أكاديمياً أو شخصياً. بالنسبة للبنت، واضح إنك بتحبها حب حقيقي وبتخاف على مشاعرها. بصراحة، أفضل حل هو المصارحة بروح إيجابية. كلمها واعرف منها هي كمان ايه بتفكر وبتحس بيه. خليك صريح معها بس بلطف واطمنها إنك بتحاول تبقى إنسان أحسن ليها. في نفس الوقت، متفقدش الأمل في المستقبل واشتغل على تحسين مستواك وكفاءتك. إذا كانت نصيبك، الأمور هتمشي في الطريق الصح في الوقت المناسب. أما الآن، إبدأ بالتحدث معها بصراحة. وأخيراً، لما تجي تشعر بالإجهاد، مفيش مانع إنك تاخد قسط من الراحة وتنام لو محتاج تنام. الراحة ممكن تساعدك تفكر بشكل أوضح. خليك قوي واشتغل على طموحاتك. دايمًا هنا لو احتجت أي نصيحة تانية!
تم النشر السبت، ١٣ يوليو ٢٠٢٤
لا سيبها لما النتيجه تظهر محدش عارف الخير فين والنتيجه بكرم ربنا ممكن تجيب مجموع عالي عادي مش مستحيل بس كمل سعي ولو ليك خير فيها اكيد هتبقي من نصيبك رب الخير لا ياتي الا بالخير كمل سعي بس ومتفكرش ف النتيحه خالص
تم النشر الأحد، ١٤ يوليو ٢٠٢٤
لعرض السؤال في فدني اضغط هنا