انا عارف ان المشكلة دي تافهة ليكوا وحتي فكرة اني اتكلم فيها مستقلها اوي لكن بصراحة محتاج افضفض فيها ومحتاج رد يريحني. انا شاب عاش حياته دايما بيحس بالضعف والهوان وبيوصل للقهر النفسي. مش بهول الموضوع والله بس الاحساس غير اني احكي بجد. انا مشكلتي اني من وانا صغير وففترة تكوين شخصيتي كنت دايما بلاقي رأيي بيتكتم ومبيتاخدش بيه واني مبقدرش حتي ادافع عن رأيي لاني معنديش ملكة الكلام او شرح فكرتي. دايما لما بقول رأيي بقول الناتج الاخير مثلا لو حاجة حتحصل ببقي عارف ايه اللي حيحصل بالظبط وبقول حيحصل كذا لكن لاني زي مقولت مبعرفش اقول ليه او عشان ايه او ادافق عن فكري بلاقي رأيي بيقابله استهزاء او سخرية. ودا طبعا خلي شخصيتي تتبني علي ضعف وبعد مكنت بحس اني اذكي من اللي حواليا (بدون تنمر او تعالي) بقيت بحس بالغباء واني فاشل فكل حاجة وحرفيا مقدرش انجح فحاجة. واللي زاد الموضوع عندي اني عيشت كتير علي معرفت اجمع اصحاب فكانت خلاص شخصيتي اتكونت ودا طبعا بيظهر عليا فالمعاملات اليومية مهما حاولت اني اداري....واهلي حاولوا يصلحوا مني لما لقوا ناتج تربيتهم دي لكن خلاص كنت كبرت.....انا بعد كل دا والرغي دا كله انا مش قاصد اني اطول عليكوا اوي كدا بس انا كنت عايز حل وضاقت بيا السبل. فكرت اروح جيم لكن بعرف بطرق غير مباشرة ان دي شخصية وياما ناس بعضلات لكن شبه القطط. انا مش حابب احساسي بالضعف دا. اعمل ايه؟
شوف الماضي عدى وحصل خلاص لو هنفضل نندم ع الي حصل فيه مش هنتقدم انت لسه معاك الحاضر ومعاك المستقبل انت قلت انك قدرت تكون اصحاب ايوه اخد وقت بس قدرت وقلت كمان ان افكارك كانت بتبقا صح بس كانت المشكله فيهم دول احسن فكرتين تحطهم ف دماغك عشان تمشي بيه حياتك الي جايه وهتبني عليهم انجازات كتير ف زي معرفت اكون صحاب هعرف اساعد نفسي وابقا من جوه زي من برا واثق من نفسي وزي ما افكاري كويسه وبعرف افكر واحل المشاكل حتى لو مع نفسي يبقا هقدر اعلن عنها واحده واحده وازود ثقتي بنفسي انا عندي كل الامكانيات الكويسه محتاج شويه تدريب بس انك تروح الجيم حلو جدا مش غكره ناس بعضلات بس من كوه قطك لا الجيم هيساعدك انك تتجرأ وتلعب مع ناس وتتناقش وتتكلم معاهم وتاخد خبره تفاعل مع الناس وناس مختلفين هتزود ثقتك ف نفسك جدااا
تم النشر الثلاثاء، ٢١ مارس ٢٠٢٣
معلش انا عندي سؤال بس ليه علاقة بالموضوع انت كتبت البوست ده في اد ايه تقريبا؟
تم النشر الأربعاء، ٢٢ مارس ٢٠٢٣
مرحبًا أخي الكريم، أولًا أود أن أقول لك أني فخورة بك لأنك تجري حديثًا صريحًا معي، وأنا هنا لمساعدتك في الحصول على طريقة للتعامل مع هذا الشعور بالضعف. أولاً ، من المهم مواجهة الأفكار والمشاعر التي تعاني منها والتأكد من أنك تعترف بها لنفسك. عليك أن تدرك أن الشعور بالضعف يمكن أن يكون شعورًا طبيعيًا من حين لآخر، لذلك عليك أن تكتشف سبب هذا الشعور وتحلله. ثانيًا، البحث عن طريقة لتحسين ثقتك بنفسك، عن طريق تذكير نفسك بإنجازاتك السابقة، والبحث عن مصادر المساءلة والدعم. يمكنك البحث عن مجموعات دعم في منطقتك أو إجراء علاج على شكل دروس خصوصية مع معالج نفسي مؤهل للحصول على المساعدة المناسبة. ثالثًا، التحدث مع الآخرين ، على سبيل المثال، عائلتك أو أصدقاءك الذين يمكنهم تقديم الدعم المطلوب. تذكر أن أي شيء تشعر بشأنه، فإن البحث عن المساعدة المناسبة يمكن أن يكون له تأثير كبير على شعورك بالضعف. أخيرًا، حاول العثور على الأنشطة التي تمنحك الشعور بالقوة والشجاعة، على سبيل المثال الرياضة، يمكن أن يساعدك ذلك على المحافظة على نفسية صحية. في النهاية، عليك تذكير نفسك بأنك تستحق التحلي بالثقة والقوة، وعليك اتخاذ الخطوات الإيجابية للمساعدة على الوصول إلى هذا الهدف.
تم النشر الثلاثاء، ٢١ مارس ٢٠٢٣
اتمنى تكون ياصاحب المشكله بخير وسلام واتمنى لك الشفاء إن شاء الله هقولك شويه خطوات تتبعها غيرت حياتى للأحسن مليوووون درجه ..اول وقبل اى حاجه خليك عارف ان كل الناس إلى ربنا خلقها كلها دى مفيش حد فيهم كامل وفى ناس كتير عندها مشكله الثقه بالنفس مش انت لوحدك بس آلى مدارى الهدوم كل منا عند ناقص يعنى انت مش اقل من حد تيقنها كويس وخلى عقلك يصدقها ..تانى حاجه العقل البشرى بيصدق اى حاجه بتترد وبيتبنها الشخص سواء كانت سلبيه او ايجابيه لزمن تبدل كل الكلام إلى جواك من سلبى لايجابى قول لنفسك كل يوم انا واثق من نفسى انا قوى صدقنى عقلك ف يوم هيصدك اوعا تمل ابدا ..ادعى ربنا بالشفا وياخد بإيدك اخرج صدقه ككل يوم في علبه خصصها ف مكان معين حط فيها كل يوم ولو جنيه بنيه ربنا يشفيك واخر الاسبوع اخرجا لا ى حد غلبان اتمنى ليك الشفا وعدم الاستسلام اعرف كل إلى جواك دا والشعور بالضعف مترسخش فيك من يوم وليله لاء دا تراكم من تربيه وكلامك على نفسك جوالك تقدر زى مابنت جزا نفسك كلام وحش وعقلك صدقه تقدر تبنى تانى عن نفسك فكره حلوه عقلك فيوم من الايام هيصدقه اوعا تيأس
تم النشر الثلاثاء، ٣ أكتوبر ٢٠٢٣
لعرض السؤال في فدني اضغط هنا