انا معاك ان مشاكل الطلاق كتير والمشاكل الاسريه بيروح ضحيتها الاطفال بس مش كل العلاقات سيئه ومش كل الاطفال مرضى نفسين يكفي ان يكون الزوجين مختارين بعض عن قناعه وحب وتفاهم وقعدوا فتره محترمه خطوبه يفهموا طباع بعض وميخلفوش بسرعه تدوا نفسكم فرصه تأسسوا البيت سوا وتختبروا المشاكل الي ممكن تحصل وهتعدوها ازاي وانكم قد ايه هتكونوا سند لبعض نفسيا وعاطفيا وماديا ..الفكره ان فعلا مش كل العلاقات بكون سيئه انا بيجي وقت بشوف كميه مشاكل وطلاق كتير وناس مش طايقه بعض وفجأه وكانها رساله من ربنا الاقي علاقه سويه وجميله جدا واحب اعرف تفاصيل عرفتوا بعض ازاي اتجوزتوا ازاي الاقي ان علاقتهم قايمه ع حب وتفاهم وانهم بيعشقوا بعض لدرجه انها لما تعبت كان قاعد جنبها ع السرير يعيط لان قلبه مفطور عليها واطفالهم متزنين وعلاقتهم حلوه كمان ع فرض حصل مشاكل عملوا حاجه اسمها المعالج الزواجي او الاسري عشان نحل المشاكل اول بأول من غير منوصل لطلاق وعقد للاطفال مش بقنعك بالجواز لانه ده رئيك حقك بس بقولك ان الدنيا كلها مش كده والعلاقات مش سيئه بالشكل ده خالص في كده وفي كده
ا/اسماء كلامك جميل واحتماليته كبيره وموجوده بس صدقينى لو حللتى كويس هتلاقى اغلب البيوت المفتوحه وكويسه قايمه على التنازل والتنازل هنا من الراجل اكتر وبتكلم ع الراجل مش المذكر وبردو مش بقلل من دور الزوجه بس بقالنا فتره كبيره الموضوع ماشى بعند وتعنت وراس براس من الزوجه الغبيه وبدلع وقمص من الزوجه الذكيه شويه بعيدا عن فرض سيايه الامر الواقع انا بعيدا كل البعد عن اسلوب سى السيد وشايف الحياه مشاركه ومقتدى برسولنا عليه الصلاه والسلام فى مساعدتها فى البيت والتخفيف عنها وعلى استعداد اشيلها من ع الارض شيل فانا فاهم دورى كويس بس بالنسبه لدورها وهنا دى المشكله هى عليها الطاعه والطاعه هنا فى كل حاجه صح مش فى الغلط يعنى لبس صحاب معامله مع ناس ند ب ند وراس براس وماترفعش صوتها وبكلمك فى اساسيات طبيعيه مش عايزها تبقى هيرو يعنى مابقاش موجود وتكون مع دول مثقفه طبعا والصفات دى بقت عمله نادره يبقى اصبح اختيار شريكه حياتى صعب بس عارف انى ماوصلتش لمرحله المستحيل لسه..الموضوع معقد بالنسبالى وانا معقد 😂 وشاكلى هامسح السؤال اصلا عشان معملش من البذره شجره فى دماغ غيرى بس تفكيرى مش من فراغ والله واللى شوفته مش قليل
تم النشر الاثنين، ١٠ أبريل ٢٠٢٣
لعرض الإجابة في فدني اضغط هنا