متجوزه ف بيت عيلة وحصل مشكله بيني وبين اهل جوزي وهما اللي كانوا غلطانين فيا وفالاخر قعدت لوحدي ف شقتي بقالي شهرين المهم انا دلوقتي زيارة عند ماما وجوزي بيكلمني بيقولي هصالحكم ع بعض وتنزلي تحت من تاني.
انا اضايقت جامد واتعصبت عليه وقولتله طبعا عايزني انزل وارجع اشتغل ليهم خدامه من تاني وفالاخر مش مشكوره وبيقولوا دي مبتعملش حاجه وصاحية ونازلة متأخر وفعلا يا جماعه دا اللي بيحصل والله وحلفتله اني هفضل عند ماما ومش راجعه
سؤالي دلوقتي من رأيكم ارجع شقتي ومنزلش واعمل حجة المذاكره لاني لسه بدرس اخر سنه جامعه ولا اخليني عند ماما؟ حد يفيدني حاسه دماغي تايهه
ونصيحة بلاااش تتجوزي ف بيت عيله وتقولي دي ناس طيبه وكويسين والله ما بقي حد طيب لازم هيطلعلك حاجه تعكنن عليكي عيشتك
اهلا وسهلا بيكي عزيزتي أنصحك بالرجوع الي بيتك والاتفاق مع الزوج في وضع حدود في المعامله بس بأسلوب هادئ علشان هما برده اهله وهيزعل عليهم وحاولي تتجنبي المعامله المباشره او الأكثر من اللازم معاهم ودايما قولي لزوجك انك مشغوله في منزلك ومذاكرتك وانزلي تحت بحدود وفي وجود زوجك افضل وحاولي متركذيش في الكلام السلبي اللي بيقولو متسمحيش ان حياتك تتقلب من كلمه حد وربنا يسعدك ويبعد عنك كل شر
تم النشر الاثنين، ٤ نوفمبر ٢٠٢٤
السلام عليكم و رحمة اللّٰه و بركاته ارجعي بيت جوزك ، متفضليش عند مامتك لإن جوزك ممكن يزعل و يدايق ، كويس إن واقف في صفك متزعلهوش منك بالنسبه لأهل جوزك ف قولي لجوزك انك عايزه حياتك الخاصه و متتعامليش معاهم بشكل مستمر انتي مش مُطالب منك تخدمي حد ولا حتى دينياً مجبوره على كدا ف اتعاملي معاهم بكل احترام و تجاهلي اي كلام بيقولوه عليكي ولا حتى تردي على الكلام ده خلي جوزك هو الي يتعامل و قوليلو كدا وقتها هو الي هيرد و يدافع عنك بطريقه متزعلش اهلو منو و تراضيكي ، و عادي اتصالحي معاهم عشان جوزك مش اكتر لإن هو مضطر يصالحك عليهم حطي نفسك مكانو كدا كأنك بتخيريه بينو و بين اهلو و دي حاجه صعبه ، و أخيراً اتمنى لكي التوفيق
تم النشر الأحد، ٣ نوفمبر ٢٠٢٤
عزيزتي، أقدر تمامًا مشاعرك وما تمرين به من صراعات داخلية وعائلية. العلاقات العائلية، سواء كانت مع أهل الزوج أو الزوج نفسه، يمكن أن تكون معقدة ومؤلمة. من المهم أن تدركي أنني هنا للاستماع لك ودعمك. أولًا، حاولي التفكير في ما هو الأفضل لك في هذه اللحظة. إذا شعرت بعدم الارتياح في العودة إلى بيت زوجك، فلا تترددي في البقاء عند والدتك لفترة أطول حتى تشعري بالاستقرار والراحة. دراستك أيضًا لها أهمية كبيرة، ويبدو أنك تواجهين ضغطًا بسبب الأمور العائلية. حاولي أن تتواصلي مع زوجك بوضوح بشأن مشاعرك. يمكنكِ إبلاغه بأنك بحاجة إلى مزيد من الوقت لتفكري في العودة وأنك تريدين بيئة إيجابية تدعمك في دراستك. يمكنك أيضًا أن تبيني له كيف أثر صراعه بينكما على مشاعرك وسعادتك. إذا كان لديك أي قلق بشأن ما قد يحدث عند العودة، أو إذا كان شعورك بعدم الراحة يتزايد، فقد يكون من الأفضل لك إغلاق هذا الفصل في الوقت الراهن حتى تحصلي على القوة اللازمة لمواجهة التحديات. في نهاية المطاف، يجب أن تختاري ما يجعلك تشعرين بالأمان والسعادة. بارك الله فيك ورزقك الراحة في قرارك.
تم النشر الجمعة، ١ نوفمبر ٢٠٢٤
الحل عشان المشاكل تتعزلي خالص في شقتك وسلام عليكم وعليكم السلام كتر الخلطه بيعمل مشاكل اصلاا
تم النشر الأربعاء، ٦ نوفمبر ٢٠٢٤
لعرض السؤال في فدني اضغط هنا