السلام عليكم ورحمة الله وبركاته
انا مش بعرف ارجع لطبيعتي مع شخص كنت بحترمه وكان عزيز عليا وف الاخر طلع بيتكلم عليا كلام وحش او يجرح حد من أهلي وبقعد احلل المواقف واربطها ببعضها لحد ماببقى مش طايقة الشخص دا
وممكن توصل اني اجتنبه تماما ودا اللي حصل من حوالي تلت شهور مع بيت خالي لانهم من ورانا بيتكلمو علينا ومن قدامنا بيحبونا العلاقة بيني وبينهم مجرد سلام
مش عارفة انا غلطانة ولا لا بس بجد انا تعبت نفسيا جداااااا منهم وكنت كارهة نفسي بسببهم وبسبب اني ماكنتش بعرف اتصرف قدامهم واكون على طبيعتي
هو طبيعي الانسان بيقفل من شخص اكتشف انه بوشين او انه يأذيه ويأذي حد قريب منه وياخد منه حذر ويتعامل معاه بحدود رسيمه وبسيطه ف بما انهم اهلك محدش جبرك تسامحي وترجعي تتعاملي بنفس الود القديم بس على الاقل حافظي على علاقه صله الرحم بس
تم النشر الخميس، ٢٦ يناير ٢٠٢٣
لا يكلف الله نفسا إلا وسعها انتي لو مش قادرة تتعاملي بالشكل الودود معاهم متتعامليش كده. مفيش حاجه بالغصب. مثلا .. في اقتناعي الشخصي لو حد كان مؤذي مثلا وأذاكي وانتي بعد فترة انتي عن نفسك بقيتي كويسة وتمام. بس شايفة إن الشخص ده ميستحقش أنك تسامحيه .. هل ده غلط ؟ لأ حقك .. انتي مش عايزة انتي حرة .. حقك مش عايزة تتكلمي معاه انتي حرة .. انتي اللي متضررة اصلا .. ف حقك . لو انتي عايزة الموضوع يمشي سلام .. سلام وخلاص عادي مفيش اي مشاكل .. بس انتي في الاخر لازم ع الأقل نفسيتك تكون كويسة. غالبا الموضوع مسبب ضغط عليكي بسبب أنك مش عارفه تتعاملي ولا عارفه متتعامليش .. ولكن قولتلك رأي .. أهم حاجه انك تكوني كويسة. وزي ما قولتلك لا يكلف الله نفسا إلا وسعها.
تم النشر الأربعاء، ٢٥ يناير ٢٠٢٣
طبعا اعتزلى ما يؤذيكى ...بس البشر كلهم فيهم عيوب ...ولو كل ما هنشوف حاجة وحشه فى حد هنوقف تعامل معاه يبقي هننفصل عن كل الناس...ممكمن نكتفى اننا نقلل مسافات او نحدد العلاقات فى اطار يبعدنا عن العيب ده وتأثيره علينا. انتى اكتر واحده عارفه نفسك واللى بيضايقك واللى تتحكليه واللى متتحمليهوش ..محدش يقدر يحكم عليكى بما لا تطيقى ولكن بس راعى ان كل الناس بتغلط وممكن يكون مش قصدهم اذى .
تم النشر الجمعة، ٣ فبراير ٢٠٢٣
هو في مثل في الشارع يقولك اعارف صاحبك وعلام عليه مش انك تعوره لا ابقي عارف انو واحش ومعلش انك تقبلهم تاني اولا ده اختيارك مش إجبار بس مش لزم تنافق
تم النشر الأربعاء، ٢٥ يناير ٢٠٢٣
لعرض السؤال في فدني اضغط هنا