انا كنت بتكلم مع دكتور نفسي على الواتساب وكنت بحكيله عن قصة اغتصابى والظلم اللى ف حياتى دلوقتى قالى إنه بيحبنى وكمان عمل بلاغ على الشخص اللى اغتصبنى وانا خايفه اهلى يعرفوا ومش عاوزه الموضوع يوصل للنيابة خايفه اووى وهو مش راضى يتنازل
اولا انتي مش مهددة بأي حاجة .. الجاني هو اللى متهدد و يستحق العقاب على الجريمة اللى عملها في حقك .. وانتي اللى على حق ، وانتي اللى مجني عليكي مش الغلطانة ثانيا ، اذا البلاغ فعلا تم واذا الشرطة جت ، متنكريش اي حاجة ، انتي قاصر اقل من 18 سنة ، تستحقي الحماية والدعم .. والكشف الطبي والطب الشرعي هيقدر يثبت انه الجاني حتى لو مامتك دلوقتي مش هتبقى مصدقة من الصدمة .. ثالثا .. لازم تتوقفي عن الكلام مع الشخص اللى بعتيله اونلاين دا ، انتي متعرفيش حقيقة شخصيته او بياناته الشخصية .. مافيش دكتور نفسي محترم بروفيشنال هيعبرلك عن اي مشاعر تجاهك ولا هيكون في اي مشاعر تجاهك الا محاولة مساعدتك ، لا حب ولا تعلق ولا اهتمام ولا افشاء اسرار الجلسة ولا التصرف من نفسه في حاجة تخص حياتك .. اخره هيوجهك لطرق الدعم والمساعدة اللي تساندك ، واللى مفروض بنفسك تتوجهي ليها عشان تحميكي وتجيبلك حقك .. في الغالب دا مش طبيب نفسي ولا حتى اخصائي نفسي .. فتوقفي خالص عن الكلام معاه لا انتي ولا صاحبتك واعمليله بلوك .. لانه هو اللى مصدر تهديد ليكي حاليا بس لسه نواياه مظهرتش ليكي رابعا .. لو مكنش كل اللى بيقوله دا مجرد "حوار" منه بيشتغلك بيه ... تقدري انتي بنفسك تتصلي بالخط الساخن للابلاغ عن حالات العنف ضد المرأة والطفل ، هما هيتعاملو مع الموضوع باحترافية من غير ما يعرضوكي لاي اذى من اي شخص .. واخيرا ، انتي في حالة صدمة ، فمحتاجة الدعم النفسي في اقرب وقت ، ويفضل تكون طبيبة او اخصائية نفسية سيدة مش راجل .. وبردو على الخط الساخن عن حالات العنف ضد المرأة والطفل يقدرو يوفرولك دا رقم خط نجدة الطفل 16000 - ويعمل خط نجدة الطفل طوال 24 ساعة ويتم التواصل معه من أي خط أرضي أو محمول رقم المجلس القومي للمرأة 15115 - يمكن الإبلاغ عن العنف ضد المرأة والطفل تليفونيًا، بالاتصال على رقم 15115 من أي تليفون أرضي أو محمول.
تم النشر الأربعاء، ٣١ يوليو ٢٠٢٤
صباح الخير اولا الف سلامه عليك وانا اسفه يعني للظروف. اللي انت تكوني عديتي فيها دي؟ قالهولك استاذ جاد في الاغلب هو الصح الشخص اللي انت بتتكلمي معاه على الواتساب. لو هو فعلا دكتور نفسي فهو هيعرف كويس قوي ان هو مهنيا وقانونيا مش المفروض يعمل اللي هو بيقول لك ان هو عمله ده وهو في الغالب بيضحك عليك بيقول اي كلام مفيش حاجه اسمها النيابه توصل الصبح ولا الكلام ده. لانه قانونيا لازم يكون ليه صفه يقدم بيها البلاغ. حتى لو هنقول ان هو بيقدم من باب انه شايف انك موجوده في خطر فالموضوع ده بياخد اجراءات ثانيه خالص يعني لو قلنا محضر ماشي لكن. بلاغ ونيابه توصل مفيش حاجه يعني بالشكل ده كده؟ ممكن يكون الشخص ده مش دكتور نفسي اصلا؟ ويكون الموضوع فيك. لانه لو هو مهني ودكتور نفسي فعلا مش هيتورط معاكي عاطفيا ويقول لك ان هو بيحبك وخايف عليك فيقدم بلاغه الا احنا كان عمل ده مع كل المرضى يعني. انت خليكي هاديه وكل اللي هتعرفيهوله ان انا عارفه انك خايف عليا لكن انا مش هقدر اتعامل مع الموضوع قانونيا وهخافي على نفسي اكثر فحتى لو جو ما سالوني انا هقول ان ده ما حصلش شوفي رد فعله ايه؟ وفي الغالب هو هيضايق جدا وهيقول لك ان هو يعني حط نفسه في مشكله بسببك وهيحاول ان هو يبعد زي ما في الاغلب عايز يقرب منك ويحسسك انه هو الملجا الوحيد اللي ليكي عشان تبداي تقربي منه هو عموما ده كله مش صح. اييي لكن خلينا نقول بقى في مساله اصلا اللي حصل معاكي من اعتداء ده ضروري جدا تتعاملي معاه صح لو مامتك مش بتصدق فانت محتاجه انك تتعلمي تحمي نفسك تتعلمي تثبتي. الشخص ده بيحاول ياذيكي وبيحاول يتعدى الحدود. لو بيحاول يكررها طبعا. فا دي الخطوات اللي انت محتاجه تاخديها لو محتاجه تفوقي الغيبوبه مش هتعمل لك حاجه محتاجه تدوري على حد ثقه يصدق فيخلع مامتك محتاجه تعملي حاجات تانيه كتير يعني استهلك الطاقه بتاعتك في اكتر من انك تتكلمي مع حد هو مش ثقه ومش هيفيدك يعني.
تم النشر الأربعاء، ٣١ يوليو ٢٠٢٤
السلام عليكم ورحمه الله أولا لا اعلم كيفية الطريقة التي تتواصلين بها مع الدكتور النفسي هل هي عن طريق الواتساب فقط أم لا إلا أنني ما أعلمه جيداً أنه انتهك شرف مهنته ويجب أن يعاقب على ذلك لأن الطبيب والمعالج والمرشد النفسي ليس من حقه نهائياً التصرف بالنيابة عن المريض مهما حدث إلا في حالة واحدة فقط وهي أن يكون معرض للموت فيمنعه ،، ثانياً انت اخطاتي في حق نفسك عندما سمحتى للدكتور بتخطي حدوده اين شرف العلاقه المهنية وهل يحبك كمريضه ام كزوجه ،، كل ما أعلمه أنه يجب عليكي معرفة حقوقك وواجباتك مع من تتعاملين معه ،،
تم النشر الأربعاء، ٣١ يوليو ٢٠٢٤
أنا آسفة جدًا إنك حاسة بالقلق والضغط بسبب الوضع ده. بس خلي بالك إنه مهم تحمي نفسك وتتأكدي إن حقوقك محفوظة. إذا كان الدكتور فعلاً مهتم بحالتك، المفروض إنه يكون عنده أخلاقيات مهنية تمنعه إنه يعمل كده من غير رضاك. لو كنت حاسة بالخوف أو بالتهديد، حاول تتكلمي مع حد تثقي فيه، سواء كان صديق أو فرد من عائلتك، أو حتى مستشار تاني. دايمًا في حلول، وفي حقك إنك تعملي اللي يريحك ويدعملك. لا تترددي تتخذي خطوات لحماية نفسك، سواء بوقف التواصل مع الشخص ده أو بتحذير جهة مختصة. صحتك النفسية والجسدية هي الأهم.
تم النشر الثلاثاء، ٣٠ يوليو ٢٠٢٤
احتمال الدكتور النفسي يكون كاذب وبيحاول يعمل عليك "نمرة" فرجاء الابتعاد عن إقامة أي علاقة عاطفية معه من أجل دينك أولا ومن أجل الحفاظ على نفسك ثانيا
تم النشر الأربعاء، ٣١ يوليو ٢٠٢٤
انا كمحامي بقولك ان لو عمل كده بدون موافقتك هيتجازي هوا قانونيا وهيمنع من مزاولة المهنة وهتبقي إفشاء اسرار وخيانة قسم هو حلفه في يوم من الايام ففهميه انك مش موافقه والا هتاخدي اجراءات قانونيه صارمه ضده
تم النشر الثلاثاء، ٣٠ يوليو ٢٠٢٤
قولي له انك رفعتي عليه بلاغ عشان افشاء الاسرار هيخاف
تم النشر الأربعاء، ٣١ يوليو ٢٠٢٤
انا مش عاوزاه يتأذى ولا حد يتأذى انا مش عاوزه حد من البيت يعرف خالص لانى لسه 17 سنه وكمان فوقت من الغيبوبه من يومين وتعبانه اووى بدخل ف غيبوبه كتير اوى هى مثلا بتاخد معايا بالكتير اسبوع بس كل ما اخاف او انهار ادخل ف غيبوبه معرفش ليه
تم النشر الثلاثاء، ٣٠ يوليو ٢٠٢٤
المشكله للاسف إن الشخص ده جوز مامتى وانا معنديش اخوات ومامى بتصدقه ف كل حاجه حتى لو جبتلها ادله ممكن متصدقنيش بالنسبة للدكتور هو موارنيش اى ورق قانونى أو اى حاجه هو بس بيبعتلى أنه عمل بلاغ
تم النشر الأربعاء، ٣١ يوليو ٢٠٢٤
لو اللي بتحكيه ده حصل فعلا فانتي جبل انك عايشة اصلا ده بلاء صعب اوي واسأل الله انه يعديكي منه ع خير . دي نقرة ...... النقرة التانيه اهلك ازاي مخدوش بالهم طاب والدكتور ازاي هيتصرف التصرف ده اصلا وهو ملهوش صفه هيقدم البلاغ بصفته اي ومين في حاجات كتير ملهاش تفسير ومش هينفع اتكلم فحاجات حساسة زي كدا ع الملأ
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا