لو في اقارب موذين في عيلة واصحاب كانوا قريبين مني بس انا بعدت عنهم مش بيحبوا لي الخير وده بيكون واضح جدا في تصرفاتهم ويعني لو نجحت او ربنا اديني اي حاجة حلوة يعاملوني وحش وببقي في نظرة شر وحقد في عينهم وبعدها لما يحصلي ظروف صحية واتعب او مفرحش بالخير اللي بيجيلي وبحس اني مضايقة او مش مبسوطة او حاجة متكملش ويفضلوا يسالوا في كل حاجة زي مرتبك كام وجبتي ايه ولو قلت حمد لله يفضلوا بسالوا اكتر ويعرفوا تفاصيل كل حاجة ومنهم ناس يفضلوا يكرهوني في كل حاجة بعملها يعني كان ليا واحدة صاخبتي انا كنت خسيت شوية تفضل تقولي لا انتي كدا مش حلوة بكرة تتخني وبعده بشهر لاقيتها عملت عملية تكميم وخسيت انا عارفة ان هي عملت كدا بدافع الغيرة بس كلام ده كل لما افتكره بيضايق وانا مبردش عليهم وبتجاهلها ولو خرجت او نزلت صورتي علي الواتس مثلا الاقي واحدة من صحابي جاية تقولي انت بقيتي حلوة كدا ازاي انتي وبعدها الاقيها منزلة استوري وهي لابسة نفس طقم ونفس لفة طرحة لعند ما بقيت انطوايه وبقيت ببعد عن الناس .ازاي احمي نفسي من ااناس الموذي اللي بتستكتر اي حاجة عليك
السلام عليكم اهلا بيكي يوجد امثله كثيره في مجتمعنا زي العين متحبش اللي احسن و بشوفوه واقعي جدا ، في ناس مؤذيه كتير و مش شرط تكوني عملت ليهم حاجه وحشه بالعكس نجاحك و شكلك الحلو بيتعبهم ، بيخليهم يشوفوا نفسهم قليلين و وحشين و علشان كدا راحت عملت تكميم و جابت لبس زيك و هكذا. اهم حاجه تحمي نفسك بوضع حدود ليهم زي الاسئله المزعجه ليكي زي بتقبضي كام ؟ تقولي دا شئ يخصني أو يهمك في ايه ؟ او اللي ربنا بيرزقني بيه اتكلمي و دافعي عن خصوصيتك و خليكي علي علم أن آراء الناس مجرد آراء خاصه بيهم لا تعني لكي شئ. و كوني صداقات جديده و اتعرفي علي ناس تستاهل محبتك ليهم ، و اي حد هيخليكي تتعبي نفسيا من تصرفاته و حاولتي معاه مره و اتنين التالته سيبيه فورا و شوفي اصدقاء تستاهل ، لان الصداقه مش بالإجبار. و ربنا يسعدك و يوفقك مع ناس تستاهل. تحياتي
تم النشر الأحد، ٩ يونيو ٢٠٢٤
عادي الغيرة والحقد شئ وارد مش هتقدري تمنعيه، كل اللي عليكي حصني نفسك بالأذكار واعملي اللي انت عايزة تعمليه ومالكيش دعوة بالناس. ثقي في نفسك ومالكيش دعوة بالناس. صدقيني الناس هتتكلم ومهما كنتي على قدر من الكمال هيتكلموا عليكي برده وهيطلعوا فيكي أي حاجة ويشوفوا فيكي اللي مش موجود أصلا. فعادي ماتحطيش في بالك يعملوا اللي يعملوا ويقولوا اللي يقولوه طالما انتي واثقة من نفسك وماشية صح ومابتعمليش حاجة غلط فكك منهم
تم النشر الأربعاء، ١٢ يونيو ٢٠٢٤
الاشخاص المؤذيين دول مش بيكون قصدهم اذيه ليكى هو ضعف منهم عشان شايفينك اقوى واحسن وبتعملى اللى مفكروش حتى لوحدهم يعملوه ولا قدروا ينفذوه من غير ما يكون فى حد يقلدوه بصيلهم بعين شفقه انهم متلهفين يلاقوا حد يقلدوه ( بس طبعا مش هيقولوه ده بشكل صريح ولا حتى هيعبروا عن نقطة ضعفهم ) دى افضل طريقة تتعاملى معاهم خصوصا القريبين منك ابتسمى ولما تلاقى حد بيقلدك او نفسه فى اللى عندك ..احمدى ربنا على نعمته واتمنى وادعيلهم يرزقهم زيك
تم النشر الاثنين، ١٠ يونيو ٢٠٢٤
حبيبتي، فهمت جدًا قد ايه الموضوع ده مؤلم ومتعب. في البداية، خليني اقولك إنك قوية عشان عرفتِ تتعاملي مع الناس دي لحد دلوقتي. وازاي تحمي نفسك أكتر؟ تعالي نشوف مع بعض خطوات ممكن تساعدك: الحدود الشخصية : لازم تحطي حدود واضحة وكويسة مع الناس دي. لما يسألوا أسئلة محرجة زي مرتبك وكده، حاولي تغيري الموضوع بحكمة أو تقولي بتحب كذا حاجة تانية وتبعدي عن الرد الصريح. الطاقة الإيجابية : حاولي تحيطي نفسك بأشخاص إيجابيين اللي بيرفعوا من معنوياتك وبيحبوا ليك الخير. دول اللي هيشجعوك ويدعموك. أوفس المرح : لما تنشري حاجة تفرحك على وسائل التواصل، فكري مرتين قبل ما تقلبي للدائرة دي. الحاجات الحلوة مش لازم تكون معلنة، خدي وقتك واستمتعي بيها لنفسك وبس. قلة التواصل : قللي من الوقت اللي بتقضيه مع الأشخاص المزيين. دي خطوة مهمة عشان تقصري دايرة الضغط النفسي. الثقة بالنفس : حبّي نفسك وآمني دايمًا إنك تستاهلي كل الخير اللي بيجي لك. مش خدي رأي الناس المؤذية عنك بجدية. التجاهل والردود الذكية : تجاهلي التعليقات السلبية أو ردّي عليها بحكمة وسخرية لو لزم الأمر. أوقات التجاهل بيحرق أكتر من الردود. التأمل والتنفس : لما تحسي بضيق أو توتر، خصصي وقت لنفسك تعملي حاجة بتحبيها زي التأمل، التنفس العميق، أو حتى المشي. وأهم حاجة، افتكري إن ده حياتك وإنتِ اللي مسؤولة عنها وعن سعادتك وسلامك النفسي. ماتخليش حد يسرق منك اللحظات الحلوة أو يسبب لك تعب وضيق. إنتِ القوية دايمًا!
تم النشر الأحد، ٩ يونيو ٢٠٢٤
لعرض السؤال في فدني اضغط هنا