ازاى ابقى محترفه فى الطبخ
انا مش شيف مطبخ ولا حاجة بس دى وجهة نظرى. ١. انك تتقنى الحاجات الاساسية الاول ٢. تبدأى تركزى فى التفاصيل اوى وخصوصا الاكل المحلى ...اللى هو اكل البلد اللى انتى عايشة فيها. ٣. ممكن تتابعى حد واحد الاول من الشيفات يكون بيشتغل بطريقة بسيطة وتمشي معاه واحده واحده. ٤. تهتمى اوى باوانى الطبخ لانها فعلا بتفرق فى الناتج النهائى وفى التسوية المظبوطة للاكل. ٥. نصيحة اخيرة : وانتى بتتعلمى فى الاول اتبعى المقادير بالمللى ومتنقصيش ولا تزودى ولا تبدلى حاجة... بعد كده ابدعى براحتك وانتى متمكنه
تم النشر الثلاثاء، ٢٨ فبراير ٢٠٢٣
لتكوني محترفة في الطبخ، يجب عليك الاهتمام بالتدرب والتعلم. إليك بعض النصائح: 1. تعلمي الوصفات الأساسية: يمكنك البدء بتعلم الوصفات الأساسية وتحضيرها بشكل جيد قبل الانتقال إلى وصفات أكثر تعقيداً. 2. قراءة الكتب والمجلات المتخصصة: تستطيعين الحصول على الكثير من الأفكار والوصفات المميزة من خلال القراءة المستمرة والإطلاع على ما يُنشر من وصفات جديدة ومن التجارب الناجحة للشيفات. 3. التدرب: لا تخجلي من التدرب على الطبخ والتجربة باستخدام وصفات جديدة. يمكنك التدرب وتجريب الوصفات مع الأصدقاء والعائلة، وذلك بما يساعد على اكتساب المهارة اللازمة وتطويرها. 4. الاستعانة بالفيديوهات: في المجالات الحديثة ، يمكنك الاستعانة بمشاهدة الفيديوهات المتخصصة في الطبخ والتدريب على تطبيقها وكأنك تتلقى دورة مجانية في الطبخ 5. تجربة الأطباق الجديدة: حاولي تجربة اطباق جديدة التي لم تكن لديك خلفية عنها من قبل. لن يساعدك ذلك فقط في اكتساب المهارات الجديدة، بل سيمنحك أيضا الشغف اللازم للبحث عن وصفات جديدة وجذابة.
تم النشر الثلاثاء، ٤ أبريل ٢٠٢٣
اشتغلي ف المطبخ كتير و افترجي على فيديوهات ع اليوتيوب
تم النشر الأربعاء، ١ مارس ٢٠٢٣
تابعي شيفات في اليوتيوب او الفيس مليانين شيفات كويسين جدا عندك مثلا اية حبيب او نادية السيد او محمد حامد او مروة السرجيني او مروة الشافعي لو متذكرة اسمها صح ممكن تكتبي الاكلة اللي انتي عايزاها في اليوتيوب واختاري اكتر فيديو عليه مشاهدات وكومنتاته كويسة ونفذيه
تم النشر الأربعاء، ١ مارس ٢٠٢٣
شوفي فيديوهات كتير لنفس الطبخه خلي بالك طويل متنتظريش النجاح من اول تجربه كل ما عملت الاكله اكتر من مرة كل ما عرفت تكاتها واسرارها وافكارها بشكل اكبر لما تجربي وصفه جربي نص المقدار الاول او اعملي كميه قليله عشان لو منجحتش متكونيش خسرت مكونات كتير ابعدي عن الوصفات ال فيها تكاليف كتير زي بعض الحلويات ال بتحتاج كراميل وقشطه وزبده وكريمه خفق ووووووو في وصفه واحده حاولي تتابعي الفيديوهات ال بيكون فيها الوصفه مع الملاحظات ال المفروض تاخدي بالك منها لنجاح الوصفه مش بس بتقول الوصفه وتقفل انا حاولت اعمل الزبادي كتير جدا في البيت وكل مرة تفشل واشوف فيديوهات كتير واعمل زيها وبرضه تفشل لغايه ما ربنا اكرمني شفت فيديو كان فيه ملاحظتين مهمين اني مغطيش الكوبايات جوه الفرن وقت التخمير وان لما اصب الزبادي في الكوبايات لازم تكون ناشفه تماما مفيهاش ولا نقطه مية ودول كانوا السببين بتوع فشل الزبادي معايا ادعي كتير اللهم احسن ما بين يدي وارزقني حسن الطبخ اذكري ربنا وانت شغاله في اي اكل بتطبخيه وادعي بالبركه فيه
تم النشر الثلاثاء، ٢٨ فبراير ٢٠٢٣
في دروس تعليم عاليوتيوب.. اكتبي الوصفات ولما تجربي جربي كميه قليلة دايما نص الكميه
تم النشر الثلاثاء، ٢٨ فبراير ٢٠٢٣
شكرا
تم النشر الثلاثاء، ٣٠ يوليو ٢٠٢٤
أهم شيء تجهيز الأدوات المُناسبة : استخدمي أفضل حلة جرانيت تركي وأفضل طاسة جرانيت تركي .. المقاس يكون كبير حتى لا تشتري أشياء صغيرة ثم لا تكفي كميات الطعام الكبيرة .. ولاحظي أن الجرانيت التركي أسعاره غالية .. فمن البداية وفري لتكوني طباخة ماهرة .. استخدمي أدوات عصا ومعالق خشبية أو سيليكون في التقليب لكي تحافظي على الحلة أو الطاسة بدون تجريح .. النظافة الفورية من أساسيات الطباخة الناجحة .. فلابد من تنظيف جميع أدوات الطبخ دائماً ..
تم النشر الاثنين، ٦ مايو ٢٠٢٤
لعرض السؤال في فدني اضغط هنا