السلام عليكم ورحمة الله وبركاته،
أنا عندي مشكله بالنسبة للشغل في القطاعات الخاصه يعني... انا عارف ان هي كلها قرف وكده بس انا عندي مشكله وحابب اسال اي احد لو له علاقة بالاتش أر... يعني اشتغل اتش ار قبل كده.
واحد انا اخذت جزاء وانا شغال على مكنه من غير اي ذنب.
يعني كنت شغال عليها قبل كده.. المكنه ثقيله جدا وصعبه ان انا اشتغل عليه يومين ورا بعض وكلمت عليها مهندس قبل كده يعني وقال لي هحاول اخليك تريح، وفي الآخر طنشني... المهم ان انا جيت على آخر الورديه ما كنتش قادر اشتغل خالص غصب عني بس دوست على نفسي شويه واشتغلت.
بس طبعا كنت شغال بطيء شوية لوالمكنة سريعة أنا كنت أبطأ شوية فالمكنة عمالة تكوم... احنا تلات أنفار عليها... فغصب عني المكنة عمالة تكوم وطبعا التهزيق، عمال أتهزق وأتشتم من الفني اللي ماسكنا...
وفي الاخر اداني جزا يعني ان أنا مهمل في العمل... وضربني في كتفي ضربه خفيفه كده بس ضرب يعني.. فاهمين قصدي... قدام العمال طبعا وقلة قيمة والكلام ده...
فانا كنت عايز لو في اي حل للاتش آر... هل في اي حقوق اقدر اخدها باي اجراءات اقدر اعملها عشان الغي الجزا ده وفي نفس الوقت اخذ حقي ان الشخص اللي ضربني ولا لا وشكرا جدا لكم.
انا HR لو أمكن تواصل معي بس مبدئيا .. هل تم التحقيق معك وسماع أقوالك ؟ قيمة الجزاء كام يوم ؟ هل قمت بالتوقيع على نموذج للجزاء؟ هل الشركة مأمنة عليك اجتماعي وصحي؟ شركتك فين ؟
تم النشر السبت، ١٣ يوليو ٢٠٢٤
حاول علي قد ماتقدر تسايس اللي معاك وتمشي امورك معاهم وتفهمهم كام مرة ان الوضع مؤذي ليك وحاول دايما تدور لحد ماتلاقي شغل احسن منه وبعد كدا سيب دا وبردو كل شغل وفيه عيب اكيد فلو دا العيب الوحيد حاول تصلح الموضوع لو معرفتش يبقي حقك متقبلش
تم النشر الاثنين، ٨ يوليو ٢٠٢٤
وعليكم السلام ورحمة الله وبركاته. والله آسفة على اللي مريت بيه، واضح إنك بتواجه مشكلة فعلاً كبيرة. خليني أحاول أساعدك بخطوات بسيطة وواضحة: تقديم شكوى لإدارة الموارد البشرية (HR) : من أول الإجراءات اللي لازم تعملها هي تقديم شكوى رسمية لإدارة الموارد البشرية في الشركة. لازم توضح فيها كل التفاصيل اللي حصلت، من أول الظروف اللي اشتغلت فيها لغاية الحادثة اللي حصلت. الوثائق والشهادات : لو تقدر تجمع أي وثائق أو شهادات من زملائك في العمل اللي شافوا اللي حصل، ده هيساعدك كتير في دعم الشكوى بتاعتك. التواصل مع نقابة العمال : لو في نقابة للعاملين في شركتك، ممكن تروح لهم وتقدم شكوى. النقابات عادة بتدعم العمال في الحالات زي دي وبتحاول تحل النزاعات. استشارة قانونية : لو الأمور ما اتصلحتش بالطرق الداخلية، ممكن تحتاج تستشير محامي متخصص في قضايا العمل. ده هيعرفك إيه الحقوق اللي ليك والإجراءات القانونية اللي ممكن تتبعها. رعاية نفسك : في النهاية، صحتك أهم حاجة. لو الشغل بيسبب لك ضغوط جسدية أو نفسية كبيرة، ففكر في البحث عن فرصة عمل تانية تكون ظروفها أفضل ليك. فكر في نفسك وحقك، وما تتنازلش عنه. ربنا يوفقك ويريح بالك يا رب. 💪🌟
تم النشر السبت، ٦ يوليو ٢٠٢٤
المهم تلقي اي شغل احسن من بلاش لحد ربنا ما يبعتلك
تم النشر الأحد، ٧ يوليو ٢٠٢٤
لعرض السؤال في فدني اضغط هنا