انا عندي مشكلة الثقة بالنفس وشخصيتي ضعيفه وحساسه شديد وبعاني من التفكير ساعدوني🥺🥺💔
ثقتك بذاتك وبقدراتك هي اول الطرق اللي لازم تعالجيها عشان توصلي للمرحله اللي تتخلصي فيها من كل دا لازم كدا يكون عندك وقت خاص بيكي تتكلمي فيه مع نفسك وعن اي انتي بتعرفي تعمليه ومتميزه فيه عن غيرك عن أي عملتيه قبل كدا وكان الكل مبهور بيه ومعجب بإنجازك دا كل دا هيخلي عندك طاقه ايجابيه وثقه بالذات حاولي تتعلمي حاجه جديده تصاحبني ناس جديده وتكثري من التعاملات مع الاخرين دا هيخلي عندك ثقه اكتر بنفسك وبأن ليكي مكانه عند الاخرين طلعي من تفكيرك اي حاجه بتقولك انتي مش مقبوله او انك مش هتعرف او مش هتقدري لازم تقوي ثقتك بنفسك الاول وتحسني من مهاراتك كل حد لي موهبه ربنا خلقه بيها اعملي علي انك تحسنيها لان دي من اهم طرق الوصول للثقه بالنفس وحب الذات وربنا يوفقك ويسعدك دايما يارب ♥️♥️
تم النشر الاثنين، ٥ أغسطس ٢٠٢٤
فى البداية كده.ممكن تكونى مريتى بمواقف صعبه أو المحيط اللى بتعيشى فيه أدى لوصولك للمرحله دى. احب اقولك أن إرادتك مهمه جدا علشان تقدرى تخرجى من المرحلة دى لازم تكون إرادتك قويه وعندك صبر علشان التغيير بياخد وقت فكونى صبورة على نفسك خلى ثقتك بنفسك قوية وادي لنفسك فرص انك تعبرى بحرية عن افكارك ومشاعرك الرياضه بتزود الثقة بالنفس جدا وبتخلي الإنسان يفكر بشكل مختلف فحاولى تمارسى رياضه بتحبيها هتفرق معاكى جدا. اكتبى كل اللى جواكى باستمرار وحددى ايه هدفك اللى نفسك تحققيه وازاى ممكن توصلى ليه سامحي نفسكعلى اى موقف عدى واديها الثقة أنها تتعامل بحرية شوفى ايه الحاجات اللى ممكن تلاقى نفسك فيها وانتى بتعملها وبتحسي بإنجاز ونجاح فيها وارجعى اشتغلى عليها تانى حاولى تقرائى روايه أو كتب وممكن تسمعى بودكاست لو بتحبيه واعرفى ايه الموضوعات اللى ممكن تتحاورى فيها بثقة وزودى معلوماتك فيها لو فى تجمعات أصدقاء أو أقارب حاولى تنضمى ليهم وشاركيهم الحوار بالتدريج هتلاقى فى اختلاف. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسي مهم جدا . وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأحد، ٤ أغسطس ٢٠٢٤
بصي اولا لازم تنمي ثقتك دي في انك تشوفي ضعفك فين وتقويه ونقط ضعفك نبقى قوه وشوفي مواقف اللى كسرتك وخليها تقويكي ونمي نفسك وفكرك وبس
تم النشر الأحد، ٤ أغسطس ٢٠٢٤
يا حبيبي، أول شي عايزة تقولي إن مش لوحدك، كتير من الناس بمروا بنفس المشاعر. لكن في شوية خطوات ممكن تساعدك تزيدي ثقتك بنفسك وتعرفي تتعاملي مع حساسيتك. اعرفي نفسك : حاولي تفكري في الأشياء اللي بتحبيها، المواهب اللي عندك. لما تتعرفي على نفسك بشكل كتير، هتحسي بثقة أكبر. ثقي بنفسك : كل يوم قولي لنفسك جمل إيجابية. مثلاً: "أنا قوية وقادرة على التعامل مع أي حاجة." هالجمل بتساعدك تبني ثقتك. تعاملي مع مشاعرك : إذا حسيتِ بحزن أو قلق، جربي كتابة مشاعرك في دفتر. الكتابة بتساعدك تطلعي مشاعرك وتخففي من الضغوط. خدي خطوات صغيرة : جربي تبدي بمهام صغيرة ومتدرجة، مثل التحدث مع شخص جديد أو الخروج لوحدك. مع الوقت هتحسي بتحسن. حافظي على نفسك : مارسي رياضة، تناولي أكل صحي، واهتمي بحياتك اليومية. الصحة الجسدية بتأثر على الصحة النفسية. اطلبي المساعدة : إذا حسيت إنك مش قادرة تتعاملي مع الأمور لوحدك، ما في عيب تطلبي مساعدة من متخصص. تذكري، كلنا بنمر بلحظات ضعف، لكن بالقوة والإرادة تقدر تتجاوزيها. 💖
تم النشر الأحد، ٤ أغسطس ٢٠٢٤
كم عمرك وما هى ظروفك الاجتماعية ؟
تم النشر الأحد، ٤ أغسطس ٢٠٢٤
كيف بدأ الموضوع؟
تم النشر الاثنين، ٥ أغسطس ٢٠٢٤
حاولي تنمي نفسك وتقرأي كتير عن تنميه الذات والثقه بخصوص التفكير دي بتبقي واسوس من الشيطان اعتقد انو دي سبب من الأسباب اللي مش مخليكي تثقي ف نفسك استعيني بالله العلي العظيم. وقربي منه 💗💗
تم النشر الاثنين، ٥ أغسطس ٢٠٢٤
كنت بعاني من نفس الموضوع وعدم ثقة في نفسي وكنت بكره نفسي الحاجة الي رجعت لي ثقتي اصدقاء جدد جددي من محيطك شوفي ناس يعرفو قيمتك ويخلوكي تحسي بيها (عيشي حياتك وحبي نفسك)
تم النشر الأحد، ٤ أغسطس ٢٠٢٤
بس انا تعبت شديد والله عايزه شخصيتي تكون قويه شديد فكرت اقابل طبيب نفسي 😭😭
تم النشر الأحد، ٤ أغسطس ٢٠٢٤
لسه صغيرة وده طبيعي في السن ده خصوصا التفكير الكتير خليكِ مع حد أكبر منك بتثقي فيه يوجهك ويكون معاكِ وقت ضعفك او وقت م تحتاجي اي نصيحه م هتتقبليها الا منه ويا عمري شخصيتك حاليًا يدوب بتتكون فمتخليش صورتك قصاد نفسك تتهز شوفي نفسك اللي انتِ عاوزه تكوني عليه ورسخيه ف ذهنك وحاولي تطبقيه 🤍
تم النشر الأحد، ٤ أغسطس ٢٠٢٤
عمري 18
تم النشر الأحد، ٤ أغسطس ٢٠٢٤
بلاش التفكير الكتير بالليل نامي ع اصوات مريحه نفسيًا ز أصوات موج بسيطه أو القرآن بصوت شيخ هادي أو بتحبيه. حبي نفسك وثقي فيها لأن ضعفها بييجي من انعكاس صورتك لنفسك من الناس فمتدهومش فرصه يشوفوكِ ضعيفه ده جهاد نفس وقد اي صعب وكلنا كدا والله م انتِ لوحدك فتمسكي بالمريح بالنسبالك لانه امتحان دنيا واحنا فيه
تم النشر الأحد، ٤ أغسطس ٢٠٢٤
لعرض السؤال في فدني اضغط هنا