السلام عليكم ورحمه الله وبركاته
انا في كلية عملية وفي الكليات العملية بيبقي في سكاشن وكده وطبعا المعيد بيسال وكده وحتي في الامتحانات بنتسال شفوي وانا بخاف كده من فكرة اني اتسال أو حتي أن المعيد يوقفني بخاف جدا حتي لو قومت مش بسمع هو بيقول اي ولا حتي بركز في الكلام والموضوع ده مضيقني جدا وخائفة حتي اني اروح الجامعة تاني وبفكر انقل من الكلية بسبب اني علي طول بعيط من الموضوع ده وعامل معايا عقده
ممكن حد يساعدني أو يقولي اعمل اي
وعليكم السلام ورحمة الله وبركاته. أفهم شعورك بالخوف من التحدث أمام الناس، خاصة في سياق المواقف الدراسية مثل السكاشن والامتحانات الشفوية. هذا أمر طبيعي ومشترك بين العديد من الطلاب، ولا داعي للشعور بالخجل أو الإحباط. سأقدم لك بعض النصائح التي قد تساعدك على التغلب على هذا الخوف: 1. الاستعداد الجيد: تأكد من فهمك للمواد الدراسية بشكل كامل. جهز نفسك للأسئلة المتوقعة وقم بمراجعة إجاباتك مسبقًا. تدرب على التحدث أمام المرآة أو مع صديق أو أحد أفراد العائلة. 2. تقنيات التحكم بالقلق: مارس تمارين التنفس العميق قبل المواقف التي تثير التوتر. استخدم تقنيات الاسترخاء مثل التأمل أو اليوغا. تحدث مع معالج نفسي أو مستشار مختص لمساعدتك على إدارة القلق. 3. تغيير طريقة التفكير: ركز على إتقان الموضوع بدلًا من الخوف من التقييم. تذكر أن المعيد موجود لمساعدتك على التعلم وليس لإحراجك. تحلى بالثقة بالنفس وكن إيجابيًا. نصائح إضافية: حاول الجلوس في مقدمة الصف حتى تتمكن من سماع المعيد بوضوح. اطرح أسئلة إذا لم تفهم شيئًا. تواصل بصريًا مع المعيد أثناء حديثه. تحدث بوضوح وبثقة. تذكر: التغلب على الخوف يتطلب وقتًا وممارسة. لا تتوقع أن تتخلص من الخوف تمامًا، لكن يمكنك تعلم كيفية إدارته والتحكم به. لا تستسلم ودع الخوف يمنعك من تحقيق أهدافك.
تم النشر الاثنين، ١٢ فبراير ٢٠٢٤
فرق معايا فى الموضوع ده جملة قالها الدكتور عبد الرحمن ذاكر الهاشمي وانصحك بمتابعته "الناس ليست آلهه" خايفة من الشخص اللي قدامك ليه؟ هو مش أحسن منك ! هو زيه زيك بالظبط ! لو شوفتيه ف الشارع ولا هيكلمك ولا يقدر يعملك أي حاجة فخايفة منه ليه! متديش حد أكبر من حجمه ولا اي حاجة عموما ! مفيش إنسان احسن من التاني في أي حاجة الا "بالتقوى" وده اللي قاله الرسول عليه الصلاة والسلام فأنتي زيك زي الدكتور اللى بيمتحنك وانتى وهو عايشين تحت السماء وربنا فوقك وفوقه فمتخافيش من حد إلا ربنا سبحانه وتعالى .. لو أدركتي ده كويس هيفرق معاكي جدا جدا وعن تجربة
تم النشر الأحد، ١١ فبراير ٢٠٢٤
وعليكم السّلام ورحمةُ اللَّهِ وبركاته شوفِي انتِ محتاجةة تخُوضي التجربةة بجد وعادي اول مره لو حصل حاجةة غلط مثلا هتتعلمِي مِنه خوضِي التجرُبةة ومتقلقيش هو وقت وهيعدِي بس اهدي اكيد مش اول مره هتكون مثاليةة وكده بس وارِد هه، محتاجةة تجربي عشان تتعلمِي وتتمكنِي فاهمةة بالتوفيق ان شاء اللّه 💗🤲🏻.
تم النشر الاثنين، ١٢ فبراير ٢٠٢٤
شكرا بجد ليكوا وعلي كلامكم جزاكم الله كل خير
تم النشر الأحد، ١١ فبراير ٢٠٢٤
شكرا جدا.
تم النشر السبت، ١٠ فبراير ٢٠٢٤
بالعكس متحوليش من الكليه.. وحاولي تتغلبي علي خوفك ده.. لان مافيش حاجه تخوف فعلا.. ده مجرد مثلا سؤال او امتحان.. يعني لو غلطي م هيحصل حاجه وتتعلمي من غلطك.. وكمان م انتي بس اللي بتتسألي فيه غيرك بيتسأل و حاولي تشاركي ف الكلام مع اصحابك وتهزري.. وحاولي متحطيش الموضوع ف دماغك او تفكري فيه كتير..
تم النشر السبت، ١٠ فبراير ٢٠٢٤
لازم متفكريش كتير تفكير سلبي بان دا هيقولك عليا ايه ودي هتقول ايه لو غلطت في كلامي والدكتور يهديني كام متفكريش في اي حاجه من الكلام دا ، واعرفي أنك بتتعلمي يعني وارد جدا الواحد يغلط عادي مش هيكون واقفلك بسكينه لحظه عاديه جدا هتمري بيها في حاجات كتير ولازم تكوني متقبلاها الاول عشان تقدري تواجهيها
تم النشر الأحد، ١١ فبراير ٢٠٢٤
لازم تواجهي خوفك عشان تقدري تواجهي اي حاجه بعد كده يعني لو حولتي وروحي كليه تاني هيحصل نفس الموقف بردوا انتي كده بتهربي من مشكله بدل ماتحليها ، لازم تواجهيي المشكله دي بانك تحضري قبلها كويس لو بريزنتيشن لو اسئله تكوني مذاكره يكون عندك ثقه بنفسك وتكوني عارفه أن دي مش نهايه الدنيا دي لحظه وهتعدي يعني ، لو مواجهتيش هتفضلي خايفه من حاجات كتير هتقابلسها زي بعد كده الانترڤيو وكل الحاجات اللي بيتوجهلك ليها اسئله
تم النشر الأحد، ١١ فبراير ٢٠٢٤
لعرض السؤال في فدني اضغط هنا