السلام عليكم
انا بعانى مع اهلي بقالي سنين حرفيا ومشاكل وتفرقه وخلونى معقده نفسيا ومحتاجه دكتور ف سن صغير شوفت منهم حجات محدش يستحملها لو قعدت اقول من هنا لسنين مش هيكفي كل شويه بقولهم بكرهم بعد كده بقول دول اهلي بس بجد انا خلاص هشتغل وهعيش لوحدى المشكله مش كده ...
المشكله انى عاوزه ابعد ! ابعد عنهم وبالذات عن اختى بجد انسانه مريضه نفسيا ومعقدة بتحب تأذى وتوقع وبجد عقلها ده مش طبيعي غلبت الشيطان الفكره انى عاوزه ابعد ولكن قرأت أن ده من انواع قطع صلة الرحم وفيه عقوق للاهل كمان طب ازااااي ؟؟؟
فى مقوله شهيره بتقول ( لا يمكنك أن تشفي من البيئه التى جعلتك مريضاً ) يعنى ازاى انا هفضل اتواصل معاهم وانا اصلا عاوزه ابعد عشان مفتكرش صدمات الماضي واقدر اكمل حياتى بطريقه احسن ورغم كل ده الي مصعب الموضوع هو غضب ربنا عليا لما ابعد مع أن البعد راحه بجد اعمل ايه ؟؟؟
حاولي تشتغلي او تبعد عنهم وقت كبير ومنها متغضبيش ربنا بردو.. يمكن يجيلك ابن الحلال يخلصك من ده كله
تم النشر الجمعة، ٦ أكتوبر ٢٠٢٣
اى حاجه بنركز فيها اوى ... بتشتغل فكرنا اوى... هى بتبقى محور حياتنا سواء حاجه حلوة او وحشه عشان كده ركزى فى نفسك وفى حياتك ... فكرة انك تعيش وحدك وكده فكرة مش مقبوله فى مجتمعنا كمجتمع شرقى فاهمه.... كام واحد فينا اتولد لقى حجات كتير مش مبسوط بيها ومفروض عليه.... كلنا كده ركزى فى اللى يشغل دماغك... مذاكرة او شغل او رياضه... كونى صداقات جديده.... بس صدقينى فكرة انك تبعدي وتوابع القصه ديه بعيد عن قصه الحرام والحلال .... مش هتقدرى عليها وبعدين انا هقولك حاجه... مفكرتيش ان ممكن تكون المشكله فى نظرتك انتى للناس حواليكى؟؟؟. قد تكون المشكله جواكى انتى ...؟؟ جايز وله برضه أسبابه حبى نفسك وركزى فيها..... ومتبصيش لأى حاجه مضايقاكى حوليك...الحياه محتاجه مننا كثير من التجاهل عشان نعرف نعيش تجاهل فى البيت... تجاهل فى الشغل... تجاهل فى تعاملات... كل حاجه للاسف اشتغلى على نفسك.....
تم النشر الجمعة، ٦ أكتوبر ٢٠٢٣
انتي ممكن تسألي شيخ ف الموضوع ده هو هيفيدك او اكتبي علي اسلام ويب
تم النشر الخميس، ٥ أكتوبر ٢٠٢٣
اكيد فيه مخرج للخروج من البيئة الفاسدة المحيطة بك ولكن المخرج منها انتي إلا هتعرفيه علشان انتي إلا عيشه جواها. يعني مثلا لو انتي في دراسة ركزي فيها لو انتي بتشتغلي ركزي في شغل سيبك من إلا حوليك ركزي علي نفسك وبلاش لاحتكاك بيهم .. انتي إلا عرفه المخرج .
تم النشر الخميس، ٥ أكتوبر ٢٠٢٣
طبيب نفسي هيظبط معاكى حجات كتير
تم النشر الجمعة، ٦ أكتوبر ٢٠٢٣
وادعي ربنا دايما، اوقات كتير بنفضل نحل ونحاول ونتعب وننسى ندعي ربنا، فادعي دايما وقولي ربنا افتح بيننا وبين قومنا بالحق وأنت خير الفاتحين، واختك اللي بتئذيكي حاولو توقفيها عند حدها وتشوفي ايه اللي هي بتتعمد تعمله وتقطعيه عليها وادعيلها بالهداية لو مش عشانها يبقا عشان ربنا يكفيكي شرها
تم النشر الجمعة، ٦ أكتوبر ٢٠٢٣
اتعودي تتعايشي مع مشاكلك مش تبعدي عنها لإن دا مش هيكون متاح دايما
تم النشر الجمعة، ٦ أكتوبر ٢٠٢٣
دايما افتكري الحديث اللي بيقول ان اللي بيخالط الناس ويصبر على اذاهم خير من اللي مش بيخالطهم ولا بيصبر على اذاهم
تم النشر الجمعة، ٦ أكتوبر ٢٠٢٣
السلام عليكم بصي معظمنا لاسف بيبقا اكتر ناس مدمره هي الاهل بس لاسف هما دول اهلك وهي دي اختك وهو ده نصيبك وهو ده الا ربنا كاتبه بس الحل يا قمر انتي اقعدي كده اتكلمي مع نفسك بعد صلاه الفجر انت عمرك اذيتي حد طيب انتي عمرك عملتي حاجه وحشه طيب اتمنيتي حاجه وحشه لحد؟و الاجابات كلها هتبقي لا طب انتي ليه بيحصل معاكي كده عشان ربنا مقدر ليكي كده طيب ربنا بيعمل حاجه وحشه لا طيب يبقا الاجابه يعلمها الله ليه بيعمله كده طيب انا الاجابه عند ربنا ومعملتش حاجه وحشه ولا غلط يبقا انا ليه تعبانه نفسيا ليه انا اتعب نفسي ليه بسلم نفسي لا انا قويه قويه اوي وركعي لربنا وادعي كتيرررر قولي لربنا مين مضايقك قولي لربنا يارب انا راضيه بس انت خلقتني وعارف ان قلبي مش مستحمل قويني يارب وانا هستحمل بس اديني القوه يارب انا مظلومه مش ظلمه يارب قويني وعوضني بالخير يارب وربنا هيعوضك بالخير وبراحه علي نفسك هونيها علي نفسك ولاتشغلي نفسك ربنا شايف هما عاملين ازاي ركزي في دراستك او شغلك وقربي من ربنا وسمحي عشان ربنا ومعلشي لاسف احنا في ايام صعبه اوي واقرب ناس هما الكسر لقلبنا بس احنا احسن ربنا ابتلاكي في جزء والحمدلله ان صحتك كويسه وانك قادره تصلي وتروحي وتيجي وفوقي نفسك كده وقولي دايما انا قويه وركزي في مستقبلك وصدقيني ربنا هيعوضك بالخير وهيعوضك عن كل الايام الا كانت صعبه وقلبك فيها كان بيدمع من الزعل ربنا هيعوضك عن الحزن عن الظلم ربنا معاكي وبلاش طاقه ايجابيه لنفسك قوي نفسك
تم النشر الخميس، ٥ أكتوبر ٢٠٢٣
عاده سيئه ؟ وبقت ادمان ؟ عادة ايه حضرتك تقريباً انتى فاهمه السؤال غلط
تم النشر الخميس، ٥ أكتوبر ٢٠٢٣
لعرض السؤال في فدني اضغط هنا