السلام عليكم ورحمه الله وبركاته
انا كان لي سؤال ديني يريد حد ممكن يكون من اهل العلم يفيدني فيه.
معلش هو انا كان في مبلغ كنت حاطاه في البريد وبعد كده اخويا مثلا اداني مبلغ ثاني وقال لي خذي احتفظي لي بيه فانا خفت ان هو مثلا ان هصرف منه او كده فقلت عشان احفظه له فرحت برضه حطيته له في البريد معايا.
في وقتها جيت سألت الموظف البريد بقول له انا عايزه اعرف المبلغ ده عامل كم والمبلغ ده عمل كم من الفوائد راح قال لي لا احنا الفوائد بتاعتنا مش زي البنك لها نسبه ثابته.
احنا هنا بتبقى على حسب المشاريع اللي بنستثمر فيها سواء كانت كسبانه السنه دي او خسرانه فاحنا ملناش نسبه ثابته
فبناء على كلام وانا وقتها كنت صغيره في السن غير دلوقتي طبعا بناء على كلامه هو قلت خلاص تمام كده يبقى كده هو يعني طلعت من دايره إن تكون فوائد ربويه أو كده، وبناء عليه فانا كنت عادي بقى بلاقي فوايد بلاقي 200 زادت 500 زاد ما بقى ما بتكلمش
فدلوقتي كنت شايفه افتاء على احد الجروبات يعني قالت لا يعني بريد غير بريد هي برضه فوائد وبرضه هي ربويه ومحرمه
ودلوقتي مش عارفه اعمل ايه يعني هل هي فعلا محرمه؟ ولو هي فعلا محرمه طب انا اعمل ايه في اللي فات؟
انا مش هقدر افتكر كل سنه مثلا كان فيها قد ايه بس انا والله على طول والله يعني ربنا اللي بيعطي بس على طول ببقى فاكره يعني ان انا اراضي ناس تكون ظروفها تعبانه وكده فكنت عايزه اعرف يعني هل هو ده صح اللي انا بعمله ولا ده غلط ولا اروح مثلا البريد واوقف الفوايد اصلا ولا اعمل ايه واكفر عن اللي فات ازاي برضه يا ريت حد يفيدني يعني الموضوع مضايقني قوي
الأساس لاعتبار عوائد رأس المال ربوية هي أن تضمن الجهة المودع لديها المال رأس المال نفسه وعائد بنسبة ثابتة. بإجراء بحث عن نسبة العائد في البريد المصري وجدت أنها ثابتة بواقع 10٪، وهذا يجعلها ربوية على خلاف حديث موظف البريد. https://www.nqoood.com/2022/09/savings-account-interest-rate-in-bosta.html يمكنك استخدام بنك فيصل الإسلامي الذي يعلن أن إيراداته - وبالتالي الأرباح العائدة على أموال المودعين - ناجمة عن تجارة متوافقة بالكامل مع للشريعة الإسلامية، سواء من ناحية قيمة العائد أو من ناحية النشاط المنتج للعائد، بمعنى أنه لا يزاول أو يشارك في نشاط محرم يدر دخلا عليه وعلى المودعين. https://www.islamweb.net/ar/fatwa/34940
تم النشر السبت، ١٨ يناير ٢٠٢٥
حكم فوائد البريد يعتمد على نوع المعاملة. إذا كانت الفوائد ثابتة ومضمونة بغض النظر عن نشاط الأموال، تُعتبر من الربا المحرم، والدليل على ذلك قول الله تعالى: "وأحل الله البيع وحرم الربا" (البقرة: 275). أما إذا كانت الأرباح بناءً على استثمار شرعي (مثل المضاربة)، فلا تُعد ربا. الأفضل مراجعة دار الإفتاء للتأكد بناءً على التفاصيل الخاصة بحسابك.
تم النشر الجمعة، ١٧ يناير ٢٠٢٥
وعليكم السلام ورحمة الله وبركاته نعم ربا ويتخلص من الزيادة يعطيها للفقراء لأن تغيير الربح تلاعب وليس له علاقة بالمشاريع لأن البريد لا يستثمر مثل البنوك ولكن يدخل تمويل ربوي بفوائد وطبعا حسب الفائدة التي يأخذونها تكون الفوائد بالنسبة لك والقانون المصري يمنعهم من الاستثمار والدخول في مكسب وخسارة
تم النشر الجمعة، ١٧ يناير ٢٠٢٥
عليكم السلام ورحمة الله وبركاته نعم فإن فوائد البريد تدخل في الربا؛ ويجب أن تتوبي من ذلك، وتتوقفي عن أخذها إنما لك رأس المال فقط، وتصدقي بمقدار الفوائد السابقة وبما أنك لا تذكرين اسألي في البريد وأظن يكون ذلك محفوظ عندهم وسيخبروك وإن لم يكن فتحري المبلغ وقدريه قدر الإمكان وتصدقي به.
تم النشر الخميس، ١٦ يناير ٢٠٢٥
الافضل والاحسن أن انتى تروحي ل اماكن دار الإفتاء ليهم فروع كتير جدا وعلى الأقل هتبقي بتناقشي الموضوع ب التفصيل فروع دار الإفتاء بتبقا ساعات في مدارس الأزهر أو بيبقا ليها مقرات على حسب المكان ال حضرتك ساكنه فيه تقدري تسئلي على أماكن دار الافتاء ال قريبه منك واكيد إن شاء الله هتلاقي تقدري تسئلي على الأماكن عن طريق النت وهتلاقي مقرات ليهم كتير وزي ما بقلك الافضل تخدي الرأي منهم مش من اي حد والسلام
تم النشر الجمعة، ١٧ يناير ٢٠٢٥
من الاحسن تسألي حد فعلا من دار الافتاء لأن الي عارفه ان الفوايد حرام الا لو مش ثابته ولازم توقفي طبعا الفوايد دي وتدي لأخوكي حقه الحلال وطبعا حرام انك تطلعي فلوس حرام لله فهمتي المقصد نفس موقف قبيل وهبيل اكيد وصلت عايز اقول اي المهم شوفو دار الافتاء هيقولك تتوبي ازاي عن الذنب دا وربنا يهديكي ويوفقك وينورلك طريقك للطريق الصح
تم النشر الجمعة، ١٧ يناير ٢٠٢٥
للتواصل مع دار الإفتاء المصرية . يمكن ذلك عبر الموقع الرسمى. https://www.dar-alifta.org/ar/
تم النشر الخميس، ١٦ يناير ٢٠٢٥
إذا شئت ارسلي على موقع إسلام ويب أو أبعثلك رقم شيخ للفتوى
تم النشر الخميس، ١٦ يناير ٢٠٢٥
استثمار الاموال علي المكسب والخساره لا تقع ضمن الربا وبما ان المكسب غير ثابت هذا حلال..لانه ليس بفائده ثابته
تم النشر الخميس، ١٦ يناير ٢٠٢٥
الموضوع محتاج إلى شيخ يفقه فى الدين و الشرع . توجهى بسؤالك إلى دار الإفتاء المصرية. و استفتتى شيخا فقيها فى الدين . فهنا ليس مجالا للأفتاء بالحرام و الحلال
تم النشر الخميس، ١٦ يناير ٢٠٢٥
شكراً لكم جميعاً على ردودكم ممكن حد يبعتلى ازاي أوصل لصفحة دار الإفتاء
تم النشر الخميس، ١٦ يناير ٢٠٢٥
لعرض السؤال في فدني اضغط هنا