من مده تقع بين الشهرين تقريباً و أنا ماسح أى تطبيق فيه سوشيل ميديا و بمعنى كلام هنا أى تطبيق أنا أقدر أسأل حد فيه أو أكلم حد فيه شات أو حتي اسال السؤال ده مسحتوا (إنستجرام ،تويتر،فيسبوك، ماسنجر، حتي الواتس اب )كلهم مسحتهم و اقطعت علقتي بيهم ، لحد هنا مفيش مشكلة المشكلة ظهرت بعد كده
من بعد كده و أنا كلوا بدون إستثناء شايف إن ده غلط و إني لازم انزلهم و معتمدش على أني ارن على الناس بس حتي أخواتي معترضين على كده و مشوفتش حد موافق على كده
هل من الأفضل إني انزلهم ولا أفضل كما أنا ؟
مع العلم إن اللي يجاوب يعمل فى الاعتبار سلبياتهم قبل إيجابيتهم
و من باب الاحتياط للي هيسأل طب ليه أنت منزل التطبيق ده
أنا نزلتوا علشان هو ظهر فى اقتراحات و أنا بدور على تطبيق ما فقولت انزلوا و أسأل السؤال و امسحوا تاني .
لو عندك امتحانات فأنت صح على الأقل لغاية ما تخلص امتحاناتك! لو ماعندكش امتحانات فالأمر يعتمد على مدى استهلاكك أو إدمانك لهذه التطبيقات - لو كان وقت ضايع على الحاجات التافهة فيها فأنت صح والناس هيتعودوا يوصلوا لك بالتليفون عادي زي زمان! أنت أدرى الناس بنفسك وأنت اللي تحدد أولوياتك وما يصلح لك وما لا يصلح
تم النشر الثلاثاء، ٦ يونيو ٢٠٢٣
انت لو عامل على الناس وزعلهم ف رضا الناس غاية لا تدرك لو انت مرتاح كده فمفيش اي سبب يخليك تنزلهم تاني ارضاء للناس لان كل شخص ادرى بنفسه وبراحته لكن التطبيقات دي انت ممكن تنزلهم وتستفيد منهم في مجالات حياتيه كتير .ممكن لو مش حابب تتواصل مع نفس الاسخاص تاني تعمل حساب باسم مستعار ومتضيفش عليه حد تعرفه وتتابع فقط الصفحات المهمه والمفيده وخلاص ده لو عاوز تستعملهم فيما يفيد بس لفت نظري السطر الاخير تطبيق زي فدني ايه ال يخليك تنزله عشان تسال سؤال وتمسحه تاني ؟ هو مش زي وسائل التواصل ال بتسرق الوقت بالعكس انت ممكن تستفيد من ردود الناس هنا ده يعتبر البديل الامن والافضل لوسائل التواصل هل انت حابب تقطع علاقتك بكل الناس ال تعرفها او حابب يعني تحجم العلاقه وتخليها في اضيق الحدود ولا حابب تبعد عن وسائل التواصل بمميزاتها وعيوبها في الحالتين انت حر ومش بتعمل حاجه غلط بس شوف راحتك فين والناس هتتعود ان شاء الله على اسلوبك الجديد عادي
تم النشر الثلاثاء، ٦ يونيو ٢٠٢٣
كل حاجه لها مميزاتها وعيوبها .. ولكن الإجابة هنا تعتمد على هل التطبيقات ديه كانت بتمثل ليك مشكلة أو عائق في حياتك؟ يعني مثلا هل بتعطلك عن أداء مهامك اليومية؟ لو كانت التطبيقات ديه مش مخلياك تتعامل في حياتك الواقعية، ولقت التطبيقات ديه هي كل حياتك وحسين إنها بتمثل مشكلة وعائق يبقى انت أدرى واحد بمصلحتك واقفلها، لو كانت قادر أنك توسط الأمور شوية وشايف إن الأمر يحتمل إنك تفتحها من تاني وتنظم وقتك ف ده انت برضه ادري حد بيه. ولكن حاجه أخيرة ومهمة .. متعملش حاجه علشان خاطر حد، وانت مش عايز .. لأن الناس مش مكانك، ولا عارفه المشكلة اللي انت بتعاني منها. لازم انت تكون مقتنع بااحاجه اللي هتعملها سواء تقفلهم أو لا.
تم النشر الثلاثاء، ٦ يونيو ٢٠٢٣
اكيد قرارك ده كان بناءا على انك اتأثرت بسلبياتهم كتير. اذا كان انقطاعك عن استخدام التطبيقات هو الحل لعدم تحكمك فى استخدامك ...فانت حر حريتك فى اختياراتك متتاثرش فيها باراء الاخرين لان طبعا هما نظرتهم مختلفة. وهما بعد فترة هيتعودوا ويتعاملوا معاك باختياراتك انت . اذا كان بقي الغاءك التعامل مع التطبيقات مصعب عليك امور حياتيه فانت ممكن تفكر فى حل اخر....زى انك تحملهم على جهاز بعيد عنك ولو احتاجتهم يبقي الموضوع لاستخدامه وبس...زى الايميل مثلا ...مش بتدخل عليه الا لو محتاجة.
تم النشر الأربعاء، ٧ يونيو ٢٠٢٣
ملكش دعوه بحد كل شخص غير التانى اللي يناسبنى ممكن ميناسبش غيرى والعكس انا عملت زيك ومكمله رغم اللي بسمعه وبعد فترة كلهم اتعودوا على ده وبقي الطبيعي بتاعي ومحدش بيلح عليا تانى ... ليا سنه عالقرار ده ومرتاحه جدا
تم النشر الأربعاء، ٧ يونيو ٢٠٢٣
انت ممكن تنظم وقتك بينهم اللى هو مثلا تعين نص ساعه في اليوم ترد على مسجات الواتس و كدا
تم النشر الثلاثاء، ٦ يونيو ٢٠٢٣
خليك وسط وخير الأمور الوسط
تم النشر الثلاثاء، ٦ يونيو ٢٠٢٣
أنا شايفة أن حسب راحتك وقدرة أستغنائك عنهم، لكن لو شايف إنك مش عارف توازن ب القرار ده ف تقدر تنزلهم وتنزل أبلكيشن تقدر من خلاله تحدد وقت معين ومدة معينة فاليوم تفتحهم فيه
تم النشر الأربعاء، ٧ يونيو ٢٠٢٣
لعرض السؤال في فدني اضغط هنا