ي جماعة اقسم بالله انا مدايقة من نفسي جدا مبفكرش ابدا ف الكلام قبل مقوله ومش عارفة اعمل كدا اسلوبي مش مرن ابدااا يعني ي ابيض ي اسود معنديش الرمادي خالص بزعل ناس كتير بكلامي منهم اهلي براحتي الشديدة انا بحس اني دبش عايزة حلول ي جماعة انا بدعي دايما يحسن خلقي بس عايزة حاجة تاني اعملها بحاول متكلمش خالص ف اي موضوع واصمت كتير بس لسه بدرب نفسي ارجوكم عايزة اعرف ازاي ابقى مرنة الموضوع مأثر عليا حتى ف الجواز لو عندي عيب فيا ممكن اقوله ع طول لأي حد متقدملي مش ادي مقدمات ولا اقوله بطريقة لطيفة ماذا أفعل
بصي لو حطيتي قدام عينيكي الآيات الي بتتكلم عن الكلمة الطيبة وأثرها هتتقدري تتحكمي في لسانك ولو تمعنتي في آيه ولو كنت فظا غليظ القلب لانفضوا من حولك هتقدري تتحكمي ومفيش حاجة اسمها صراحتي الزائدة في حاجة اسمها لما يطلب رأيي أقوله بإحترام ورقي وأحاول أوجد إيجابيات في الشخص الي قدامي الاول بعدين أقوله علي الشئ السلبي فكري في الكلمة قبل ما تقوليها لأنها سهم لو انطلق وجرح مش هيرجع ولا هينفع معاه اعتذار
تم النشر الثلاثاء، ٦ ديسمبر ٢٠٢٢
معرفتك للمشكلة خطوة كبيرة ف حلها برافو عليكي. نعدل بس جزء بسيط دي مش صراحه زيادة .. احنا محتاجين نحسن من طريقة تفكيرنا .. ممكن تقرأي في أخطاء التفكير وطرق التعامل معاها.. هتلاقي مشكلتك وهتعرفي أكتر عن ليه انتي بتعملي كده وهتعرفي ممكن تغيري من ده ازاي. ممكن كمان نزود من مهارات الذكاء الاجتماعي وهتلاقي كورسات كتير على منصة إدراك أو رواق أو كورسيرا وغيرهم. متزعليش من نفسك إنك بتعملي كده بالعكس تقبلي نفسك وتصرفاتك عشان تقدري تعدلي أو تغيري فيها. في مشوار التغيير ده لو احتاجتي مساعدة هكون ف انتظارك.
تم النشر الخميس، ٨ ديسمبر ٢٠٢٢
فى طريقة حلوة اوى انك تجربى تردى على اى حاجة جوا نفسك الاول وتتوقعى نتيجته يعنى بينك وبين نفسك فى لحظات (لو قولت كذاا) هتبقى النتيجة ايه ...وبناءاً عليه ممكن تقولى كلامك أو تغيريه XXX تم حذف رقم الهاتف بواسطة الأدمن XXX مدرب مهارات حياتية
تم النشر الثلاثاء، ٦ ديسمبر ٢٠٢٢
لعرض السؤال في فدني اضغط هنا