السلام عليكم ورحمة الله
اختي متجوزه ومعاها ولد وبنت ف المراحل التعليميه الاساسيه وجوزها مبيشتغلش وخلي أختي تقعد من الشغل من فتره كبيره
امي ربنا يديها الصحة والعافية بتساعد اختي بالفلوس عشان يعرفوا يعيشوا
جوز أختي كل ما يروح شغل مبيكملش شهر فيه ويرجع يقعد ف البيت وكل مشوار بينزله بياخد فلوس من أختي وتقوله دي فلوس أكل وشرب وماشين ع القد ويفضل يسم بدنها بالكلام ومفيش فايده فيه
فهي طالبه الطلاق لكن انا مش حابب اساعدها ف الخطوة دي قبل ما امشي ف الطرق السلميه الاول لانها بقت شايفه ملهوش لازمه ولا قايم بدوره
ممكن نصيحتكم
ربنا يصبرها .... اكيد في حلول سلمية زي ان حد يشوفله شغل مرتبها كويس ويتابعه لو مستمرش في الشغل اعملو قاعده كبار وكده واتكلمو معاه بالحسنى وان له عيال لازم يكون مسؤول لو منفعش خلو الزوجه تقعد عندكم فتره وغيرها بقا من الخطوات السلميه لو منفعش معاه يبقا الطلاق اخر خطوه لانه ابغض الحلال
تم النشر الأربعاء، ١٣ سبتمبر ٢٠٢٣
حاول فعلا امشي بالطرق السلمية الاول معاه .. وخلي الطلاق اخر حل يمعنى انكم تكونوا عملتوا كل حاجه في الموضوع ولو مفيش اي شئ نافع معاه يبقى الحل الطلاق.
تم النشر الثلاثاء، ١٢ سبتمبر ٢٠٢٣
وعليكم السلام ورحمة الله وبركاته الزواج تجربة كتبها الله على الجنس البشري لكي ينضج ويتطور ليس فقط للتكاثر والإنسان بينضج ويتطور ويصبح حكيما بالشدائد والابتلاءات ولذلك الأنبياء أشد الناس بلاء كونك تبحث عن طلاق أختك بمجرد الوقوع في مشكلة هو تفكير متعجل ومتسرع ليس حل المشاكل هو ا الانفصال والهروب الانفصال هو مشاكل لكن من نوع آخر , خاصة فيم يتعلق بنفسية الأولاد الحياة لا تخلو من المشاكل , هذه سنة كونية إذا اتفقت معي أن الانفصال ليس حل النقطة الثانية: لماذا زوج أختك لا يثبت في أي عمل؟ التفاصيل غير واضحة هل عنده مرض معين أو يتعاطى مخدرات؟ هل هو مسحور مثلا؟ أو تربى بشكل غير سليم هل هو صالح ويصلي ويصوم؟ أنا أرى الحل أن تعاملوا زوج أختكم برفق ولين وتنصحوه من باب الحب .. وتصبروا عليه والأمر يحتاج لوقت وليس من مجرد مرة أو مرتين عسى الله أن يرقق قلبه ويبصر مشكلته ويحلها
تم النشر الثلاثاء، ١٢ سبتمبر ٢٠٢٣
الف شكر جميعا
تم النشر الثلاثاء، ١٩ مارس ٢٠٢٤
استفدت الحقيقه من إجاباتكم
تم النشر الثلاثاء، ١٩ مارس ٢٠٢٤
لو بينهم الفه ووفاق روحي ده اولى سببا للمحاوله وليس لمجرد الخوف من الطلاق وحده ..لان الطلاق مباح في الحالات اللي زي كده ...لان الضرر في المستقبل مش هيكون عليها هي بس هيكون اب سئ ومؤذي لاولاده ...ولاحاجه لده...ويعتمد هل هو ده حاله من البدايه هل هو غير مسؤول من قبل الزواج ...ام انه حدث عارض اثر فيه وغير من سلوكه وطبيعته ....لو ده سلوك جديد عليه ....محتاج حد يحتويه ويحاول يخليه يتكلم ويطمنه ويقبله ...حد واعي وقدر الثقه ... يعرف ايه المشكله اللي مأثره عليه ....وليس على الزوجه اي دور الا لو كان المشكله بدايتها في علاقتهم ببعض وان ده سبب تغييره للاسوء لكنها مينفعش تحاول بأي حاجه معاه لانه مقصرش في فرعيات هو مقصر في واجبات عين ..وربنا يهدي الجميع
تم النشر الأربعاء، ١٣ سبتمبر ٢٠٢٣
خليها تستغفر كتير وتدعي ربنا أنه يصلح زوجها ويهديه دا هو اللي شق القمر ورزق العذراء بولد و طفي النار من علي ابراهيم عليه السلام
تم النشر الثلاثاء، ١٢ سبتمبر ٢٠٢٣
أولا حتى ولو مش بيكمل في أي شغل لازم يشوف شغل تاني ومش يقعد في البيت يشتغل أي شيء بحيث يقدر يصرف على أهل بيته ده شيء الشيء التاني بلاش تفكر في موضوع الطلاق تصرف تفكرها في الموضوع ده بكل ما تستطيع لحد ما تشوف هيعمل إيه هيغير من نفسه ولا هيفضل على كده ولو ليه أخ أكبر معاه أو والد أو عمه يتكلم معاه بحيث يكون كلامه معاه يحصل منه اثر ومش كل الحلول بتكون حلها الطلاق بس في حلول تانية قبل التفكير في الطلاق
تم النشر الثلاثاء، ١٢ سبتمبر ٢٠٢٣
خلوا الطلاق ده اخر حاجه فكروا ف الاطفال لازم تشوفوا حلول اقعدوا معاه فهموه ان اي حاجه بيعملها بتأثر ع عياله ف لو في حلول هتكون افضل من الطلاق
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا