انا متجوزه من ٤ اشهر وكانو الاهل متفقين ان انا هعيش مع مع حماتي ولكن بعد جوازي فضلت في شقتي ومنزلتلهاش
وكلنا اتعودنا علي كدا
دلوقتي جوزي اتكلم معايا ان احنا ننزل ناكل ونطبخ كلنا سوا ونقعد معاهم ..اعمل الغدا تحت واتغدا معاهم وبعد كدا نطلع شقتنا بس انا مش حابة كدا وعاوزه طريقه اقوله بيها اني مش هعرف اعمل كدا لان مامته شديده وانا مبعرفش اتعامل معاها
عزيزتي، أشعر بما تمرين به من توتر وصعوبة في التعامل مع هذه الوضعية. من المهم أن تعبرى عن مشاعرك بصراحة مع زوجك، لكن بطريقة لطيفة ومبنية على الاحترام. يمكنك البدء بالحديث عن شعورك بالقلق نحو التفاعل مع حماتك بدون أن تجعلي الأمر يبدو كأنك ترفضين الفكرة بالكامل. مثلاً، يمكنك القول: "أنا أشعر ببعض التوتر بشأن قضاء الوقت مع والدتك، لأنني لا أشعر بأنني قادرة على التعامل مع شخصيتها بشكل مريح." حاولي أن تشرحي له أنه قد يكون مِن الأفضل البدء بلقاءات قصيرة، أو دعوة والدته إلى منزلكم في أوقات معينة حيث تشعرين بأنك أكثر راحة، بدلاً من الاجتماع بشكل دوري. تذكري أن التواصل هو المفتاح هنا، وأن التعبير عن مشاعرك سيعزز العلاقة بينكما وبين عائلته. الأهم أن تحافظي على توازن بين الاحترام لعائلته واحتياجاتك الشخصية. وفقك الله لما فيه خير، ولا تترددي في البحث عن الدعم إذا احتجت لذلك.
تم النشر الخميس، ٥ سبتمبر ٢٠٢٤
السلام عليكم ورحمه الله وبركاته عامل ازاي ما كنتش عارفه اذا كنت هتقدري عليه ولا لا كل شيء وارد وعموما الاتفاقات ممكن تتغير بس عشان تتغير هو لازم يكونوا الاطراف اللي اتفقوا برده هم الاطراف اللي غيروا الاتفاق ما ينفعش انا اغير الاتفاق لوحدي تمام فخلينا نقول دلوقتي انه بما ان جوزك يتكلم معاكي في ان احنا هنعمله اللي هو الاتفاق اللي اتفاقته عليه فانت تقدري تقولي له طبعا احنا متفقين على كده واحنا مش هنسيب ااا ماما واحده اللي هي حماتك ااا بس خلينا نبقى ايه بنعمل ده مثلا ااا في ايام الاجازه بتاعتك هيكون كده احسن هيكون كلنا متجمعين هنكون كلنا ملمومين وهي بتحب وجودك يعني دي ممكن تكون طريقه لطيفه تبدئي انك تفتحي معاه مساله تغيير الاتفاق هو طبعا احنا متفقين على كده فانت تقدري تقولي له انه مثلا وقت الاتفاق انا ما كنتش عارفه انه انا بالنسبه لي دي مش هتكون احسن حاجه او انا حابه كده احسن عشان الخصوصيه علشان تقدري تقولي كل اللي انت عايزاه يعني يا رب اكون سعادتك بحاجه كده بسيطه تقدري يعني تكون مدخل علشان.
تم النشر الأحد، ٨ سبتمبر ٢٠٢٤
طالما اتفقتي علي كده من الاول ورضيتي من الاول مينفعش دلوقتي تخلفي كلامك كنتى المفروض تعترضي من الاول مش دلوقتي! انك تنزلي وتاكلو سوا ده وضع غلط ومفهوش استقلال وبيعمل مشاكل كتير فا المفروض كان الرفض يكون من قبل الجواز عشان كل حاجه تبقي علي نور انتى غلطتي طالما اتفقتي لازم تنفذي اتفاقك لأن لو هو اللي كان متفق معاكي علي حاجه وغيرها كنتى هتزعلي جدا صح ولالا ؟ يبقي تلتزمي باتفاقك معاه وحاولي تكسبيها قدر الإمكان وبس..
تم النشر الأحد، ٨ سبتمبر ٢٠٢٤
شوفي يوم هو يكون رايق ف اوووى وانتى حضرى سهره ف البيت وفيلم وبعدين قوليلو أسألك ف حاجه كده احسن لما نكون انا وانت لوحدينا براحتنا ولا لما ننزل ناكل تحت وانتى عايزه أن كل وقتك واهتمامك يبقا بجوزك وبيتك وتعملي الاكل اللي جوزك يحبه وحاولي تخليه يوافق بلاش اكشن خدى الموضوع ب سياسه واكسبي عقله
تم النشر الأحد، ٨ سبتمبر ٢٠٢٤
لعرض السؤال في فدني اضغط هنا