عندي مشكلة اني دايما بهتم بآراء الناس السلبية عني مهما حاولت اتجاهل الموضوع للأسف بزعل برضو خصوصاً لو حد قريب مني لإني شخصية حساسة بس مش عارفة هل ممكن ابقي حساسة ومهتمش برأي حد ولا لأ
اخر موقف حصل هو اني ادارية في مكان ما وبتعامل مع الموظفين اننا كلنا واحد وليا صديقة بعزها جدا ولكنها كذا مرة تقلل مني يعني لو حاجة ممنوعة في المكان وشوفت حد بيعملها بطلب منه انه ميعملهاش بالذوق والادب لكن مبروحش اعمل خصومات وهي بقالها فترة كل ما اقول لحد حاجة تقولهم اعملوا عادي او تعملها قدامي بعد ما اقول واعديها واكبر دماغي لحد ما وصلنا لمرحلة ان حتي الموظفين بقوا يعملوا زيها ويطنشوني ويقولولي اصل هي اللي قالتلنا اعملوا عادي فا حسيت انها بتقل مني فا جيت ف مرة طلبت برضو بأدب ومشيت ورجعت بعد فترة لقيتهم بيعملوا نفس الحاجة وهي قاعدة معاهم فا زعقتلهم كلهم من غير ما اوجهلها كلام قالولي ان هي اللي قالتلهم ووقتها هي خدت بعضها ومشيت وزعلت وتاني يوم شافتني راحت باصة الناحية التانية وكإنها بتتجاهلني وكنت منزلة ستوري هزار لواحد بيقول ان احسن شخص قابلته ف حياتي هو انا فا شغلتها وقعدت تضحك عليها بإستهزاء وشايفة ان انا وحشة ومتعاشرش ونظرتها دي مزعلاني جداً لإني لو كنت بسكت كان عشان بعزها اوي لدرجة اني دايما كنت بقفلها ف اي مشكلة وادافع عنها وهي ف اول موقف قلبت عليا
مش عارفة مهتمش بنظرة الناس او رأيهم فيا ومش عارفة هل انا غلطت وقتها فعلا ولا لأ
كنت بعمل زيك كده بس دلوقتي عرفت اني بأذي نفسي، ومعتش بعمل كده تاني اهتميت بنفسي وطالما انا علي حق مزعلش🫡♥
تم النشر الاثنين، ١٦ أكتوبر ٢٠٢٣
انتي نظرتك كانت صح فيها، ان هي فعلا بتقلل منك، بس ده وراه حقد او غيره. فكرة انك تبقى في موقع مهم ليكي في الشغل ولقيتي حد بيتعامل معاكي بالطريقة ديه اعرفي ان فيه حاجه غلط، والصداقة ديه مزيفة من ناحيتها. ف انتي هنا لازم تاخدي موقف، اعرفي ان نظرتها ليكي ديه مش هي قيمتك، لان انتي اللي بتدي القيمة لنفسك مش الناس، ولو هي استهترت بيكي ف ده ناتج عن حد اساسا مش واثق في نفسه وغيران منك. ف حاولي انك تتجاهلي الاشخاص اللي زي ديه. وربنا يبعد عنك الاشخاص المريضة.
تم النشر الثلاثاء، ١٧ أكتوبر ٢٠٢٣
الغيرة بتعمل أكتر من كدا من واقع تجربة لمواقف مشابهة للي ذكرتيها للأسف 😅 بصي حاولي تتجنبيها على قد ما تقدري وماتفكريش فيها ولا في وجودها اعتبري وجودها زي عدمه لأنك لو استمريتي مديالها نفس القدر من المعزة والحب فأنتِ اللي هتتعبي وهتهيني نفسك أما بقى لموقعك كإدارية فاستمري في منع الغلط وتحذير اللي بيتعدى حدوده واثبتي إنك قد المكانة اللي فيها
تم النشر الثلاثاء، ١٧ أكتوبر ٢٠٢٣
اسألي نفسك لو هي اللي مكانك وانتي مكانها كانت عملت معاكي ايه رأي الناس فيكي دي حاجه تخصهم هما دليل علي اللي جواهم وتفكيرهم مالوش علاقه بيكي انتي محتاجه تعملي حدود واضحه خدي القرارات الصح ومتسمعيش لحد وخلي بالك ان الناس هتشوفك بعنيكي كل ما كانت ثقتك بنفسك عاليه وشايفه انك بتعملي الصح هما كمان مع الوقت هيشوفوا ده
تم النشر الاثنين، ١٦ أكتوبر ٢٠٢٣
فى منصبك اى خطأ لازم يكون عقاب او تحذير و بعدها إجراء رسمى
تم النشر الثلاثاء، ١٧ أكتوبر ٢٠٢٣
سيبك من كل الناس
تم النشر الاثنين، ١٦ أكتوبر ٢٠٢٣
سيبك من الناس هتتعبي لو خدتي عليهم وعلي كلامهم والله ، طالما أنتي بترضي ربنا وماشية صح وكويسة تغور الناس ويغور كلامهم في داهية كله متخليش الكلام يأثر عليكي كله عايز مصلحته ولما ياخدها هيديكي ع قفاكي
تم النشر الاثنين، ١٦ أكتوبر ٢٠٢٣
معاكي حق كله بيتكلم حتي لو انا كويسة انا لسة فاكرة ان كان فيه واحدة بتحكيلي عن ظروفها الصعبة وان عندها ٤ بنات ومش عارفة تجهزهم ازاي فا قولتلها لو ربنا كرمني هجهزلك بناتك الاربعة وبعد كام يوم عرفت انها بتتكلم عني وحش اصلا 😂 وان كل واحد بيفكر في مصلحته فعلا الا انا قاعدة افكر في مصالح الناس وسايبة مصلحتي 😂💔
تم النشر الاثنين، ١٦ أكتوبر ٢٠٢٣
عامليها في الشغل ع إنها مش صديقتك كأنها موظف عادي و شدي عليها وعلي باقي الموظفين كويس عشان محدش يستهزء بيكي ، سيبك من نظرة الناس محدش بيحب حد كويس وطيب وناجح وكله بيتريق ويستهزء باي حد ويقلل منه عشان يخليه يحس أنه وحش وميتعاشرش والله اللي متتعاشرش هي صديقتك دي ، بلاش تخلي حد يقلل منك ومن مكانتك خليكي شديدة شوية في التعامل معاهم آراء الناس لا بتقدم ولا بتأخر وكده كده كله بيتكلم حد لو انتي كويسة جدا ومفيش فيكي غلطة عشان كدا خليكي واثقة من نفسك وسيبك منهم أنتي عسولة وطيبة ومحترمة
تم النشر الاثنين، ١٦ أكتوبر ٢٠٢٣
لعرض السؤال في فدني اضغط هنا