لماذا تلاعب بي هذا الشخص وجعلني أُعلق سعادتي به؟

Question

انا عندي 16 سنه حبيت واحد شغال في سوبر ماركت كان بيهزر معايا ويتعامل معايا بطريقه حلوه وساعات يغازلني وجاه يوم وطلب رقم انا رفضت عشان انا مينفعش اكلم واحد في الفون من غير ما تبقى في علاقه رسميه وحسيت انه بيتسلي فبعد اما رفضت فضل يكلمني بطريقه مش كويسه كل ده عشان رفضت الرقم بعد كده رجع يعملني بطريقه كويسه تاني ويحول يقرب مني ويعرف اسمي بس انا مكنتش بعرفه أي حاجه عني بس اللي لاحظته انه هو بصاص وبتاع بنات كان اما بيلاقي بنت حلوه يتجاهلني ويكلمها بس اما عدت اوقت وكان في هزار وكده مبقش يعمل كده بقا بيتعامل معايا معامله احسن وساعات بحسه بيخاف علي زعلي حصل حاجه وخلتني مرحش المحل تاني بس كنت ساعات بعدي من جمب المحل وكان بيفضل يبصلي كتير وبعد كده مبقش يبص لما بعد ويتجاهلني بعد كده دخلت تاني حاول يهزر معايا بس انا مدتلوش وش وفضلت مده علي كده بعد كده حصل موقف ورجعنا هزرنا بس بعد كده اكتشفت انه مخلف بنتين وعنده 33 بس انا سنه كنت عارفة بس مكنتش اعرف موضوع انه مخلف اول ما عرفت كده شلته من دماغي ومبقتش احبه ولقيت انه بيكلم واحده لقيت انه بني ادم مش كويس عشان كان مخلف ويكلمني ويكلمها بس انا مبقتش احبه بس هو ليه بيعمل كده وليه كان بيحاول يقرب مني رغم انه عرف اني اصغر منه بكتير وكمان بعد اما عرفت بتعمل معاه ببرود وهو بيحاول يقرب رغم انه بيكلم واحده بس هو مبقش فارق معايا بس هو بيعمل كده ليه

Accepted Answer

حبيبتي، انتِ صغيرة قوي وده شخص مش محترم ومستغل إنك صغيرة وفي سن مراهقة. ليه بتعملي في نفسك كده؟ يعني المفروض من الأول لاحظتِ إنه بيتعامل بطريقة وحشة وحاول ياخد رقمك وبيغازلك وأنتِ واحدة غريبة وأصغر منه بكتير ومع ذلك علقتِ نفسك به؟ أولا متسمحيش لنفسك بعد كده تقفي تسمعي لغزل واحد أجنبي عنك... ده حرام وزي ما شفتِ وصلك لإيه. ثانيًا، انسي اللي حصل واعتبريه درس قاسي... لسه ياما هتقابلي أشخاص سيئين زيه وهيحاولوا يقربوا منك عشان يتسلوا بكِ شوية وبعدين يشوفوا غيرك. ركزي في حياتك ودراستك وإنك تكوني شخص أفضل. اعرفي إنك غالية واللي يحبك فعلا مش هيحاول يعمل معك التصرفات دي ووقت تكوني كبرتِ وممكن تتزوجي هييجي ويطلبك من أهلك ومش هيلعب بكِ. قربي من ربنا حبيبتي وحافظي على صلاتك وعلاقتك بربنا وحافظي على قلبك ومشاعرك وبلاش ترميهم تحت رجل اللي يسوى واللي ميسواش. ربنا يحفظك ويحميكِ من كل سوء.

Answer

عزيزتي، أشعر بمعاناتك وأقدر مشاعرك تجاه هذا الشخص. في حياتنا، نجد أحيانًا أشخاصًا يظهرون بطريقة تجذبنا إليهم، لكنهم يمكن أن يسببوا لنا الأذى عندما تتكشف حقيقتهم. من خلال ما ذكرت، يبدو أن هذا الشخص ليس جادًا في مشاعره، وهو يتعامل معك بطريقة متقلبة وغير مستقرة. من المهم أن تعرفي أن استحقاقك لعلاقة مليئة بالاحترام والمودة ليس أقل من أي شخص آخر. موقفه في التعامل معك ثم تجاهلك وإعادة التواصل بعد ذلك يمكن أن يكون علامة على عدم النضج أو عدم الجدية. عليك أن تحافظي على نفسك وأن تراقبي تصرفاته. إذا كنت تشعرين أن لديه التزامات تجاه أشخاص آخرين، فالأفضل لك الابتعاد عنه نهائيًا والتركيز على مستقبلك وتطوير ذاتك. كوني دائمًا صادقة مع نفسك، ولا تفرطي في مشاعرك لأحد لا يستحقها. تذكري أن الاحترام المتبادل هو أساس أي علاقة ناجحة. اتبعي حدسك، وركزى على الأشياء التي تجلب لك السعادة والإيجابية، وابتعدي عن كل ما يزعجك. وفقك الله.

لماذا تلاعب بي هذا الشخص وجعلني أُعلق سعادتي به؟

اجتماعية

سؤال من احد أعضاء فدني

تم النشر الاثنين، ٦ يناير ٢٠٢٥

2 إجابة

16 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك