بقالي فتره كبيره جدا بمر ب فتره اكتئاب ومهما حاولت مش عارفه ارجع زي الاول ومع العلم اني رحت لأكتر من دكتور . ودا بيأثر عليا بطريقه سلبيه مع كلو أهلي وصحابي وكل الي فحياتي زهقو مني لاني مش بتغير ف بقيت احس أني عبئ عليهم . وطبعاً مفيش شغف لأي حاجه .
اولا لو ال عندك اكتئاب مرضي ف ده بيكون نقص هرمونات فالجسم محتاج أدوية و لو فترة معينة تحت إشراف دكتور و باذن الله تكوني كويسة أما لو هو اكتئاب نفسي ف عارفة أن اي كلام هقوله هيكون مبتذل جدا بم انك روحتي لاكتر من دكتور و تعرفي اكتر مني كمان بس صدقيني مفيش اي حاجة تستاهل زعلك قومي قربي من ربنا و احكيله عالل مزعلك اقري كتب زي كتب دكتور محمد طه أو استراحة نفسية أو جلسات نفسية مثلا هتساعدك شوفي فيديوهات لاحمد عامر دي شخصيا فرقت معايا و اسمعي بودكاست شوفيلك هواية أو اي حاجة تحبي تعمليها و اعمليها اخرجي شمي هوا و اكتبي كل ال جواكي فنوت و شوفي حد قريب و تحكيله و لو ملقيتيش احكي هنا و احنا معاكي ربنا يريح بالك
تم النشر الأحد، ٢٣ يوليو ٢٠٢٣
ماتخافيش يا حبيبتي، الاكتئاب دا مرض بيجي و بيروح، مافيش حاجة بتفضل على حالها. خديها ببساطة و شوية شوية ربنا هيفرجها. سيبك من الناس اللي زهقوا منك، هما مايعرفوش يتعاملوا معاك بالطريقة الصح. المهم انت تهتمي بنفسك دلوقتي و تعملي اللي يريحك. و بالنسبة للشغف، ماتقلقيش هيرجعلك تاني لما تبتدي تتحسني. كله بييجي بوقته. ربنا معاك يا صديقتي
تم النشر الأحد، ٢٣ يوليو ٢٠٢٣
هل الدكتور اللي بتروحي له .. هل هو طبيب ولا معالج؟ ولو طبيب هو بيتعامل معاكي ب ادوية فقط، ولا برضه بيتكلم معاكي؟ وايه اسباب الاكتئاب؟
تم النشر الاثنين، ٢٤ يوليو ٢٠٢٣
عليكى بالقرآن فإنه علاج للقلوب وحاولى انك تبعدى شوية عن الفون وتخرجى مثلا مع صحباتك وتقللى سوشيال وتقعدى مع اهلك عيشي حياتك والأهم انك تقربي من ربنا
تم النشر الاثنين، ٢٤ يوليو ٢٠٢٣
أقتنع عزيزي السائل ، أن الله نجاك قبل ذلك من كرب .. وسيفعل في كل كرب .. ، ثق تماما أن ما أصابك لم يكن ليخطأك .. وعليه تحسس النعم التي تحيط بك مهما كانت صغيرة " لا تستحقرن صغيرة أن الجبال من الحصى " وتذكري أن أزدراء النعم تزول ، وأنها تدوم بالشكر ..
تم النشر الأحد، ٢٣ يوليو ٢٠٢٣
هو انا بقالي فتره كبيره وجربت اساعد نفسي وجربت اخد وقتي وجربت دكتور جربت معظم الحاجات . دلوقتي حاسه الي هو خلاص انا مش عايزه اعمل حاجه ومش عايزه احاول تاني . بفكر اني عايزه اموت وارتاح بس .
تم النشر الاثنين، ٢٤ يوليو ٢٠٢٣
بصى حاولى تتقبلى مشاعرك دى واتقبلى انك مكتئبة وخدى فترتك وحاولى تعملى الحاجات اللى بتحبيها هتلاقى نفسك بدأتى تطلعى من الاكتئاب واحدة واحدة
تم النشر الاثنين، ٢٤ يوليو ٢٠٢٣
لعرض السؤال في فدني اضغط هنا