اكتشفت أن والدتي علي علاقه كل فتره بحد وانا مش عارفه اتصرف أعمل اي ولا أواجهها ازاي
الموضوع صعب بكل المقاييس عليا مش عارفه أسكت عشان هو أول حاجه حرام تاني حاجه دي أمي اللي هي كل حاجه حلوه ف نظري وفجأه اكتشف كده
أمي مطلقه من يجي ٧ سنين
بس الأشخاص اللي هي بتكون معاهم متجوزين ف دا حرام بجد والله
وكانت قبل طلاقها من ابويا واحنا كمان كنا بنشتكي أن ازاي واحده تدخل حياة واحد متجوز ف هي ماشاء الله بقت بتعمل الحاجه اللي كانت بتستغربها
انا رأى الشخصى لازم يكون عندك الشجاعه الكافيه وتواجهيها لان اللى بتعمله اكيد هياثر عليكى انتى وأخواتك سمعت العيله يعن وهتفضل عار عليكم العمر كله لازم توجهيها بكل جرأة وشجاعة ولو وصلت تدخلى حد من اخوالك فى الموضوع ولو عايزه تتزوج تتزوج لكن اللى بتعمله دا حرام ومينفعش ابدا لازم تتكلموا معاها وتواجهوها وربنا يهديها يارب
تم النشر الاثنين، ٢ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة 🌷 أكيد إحساس مؤلم جدا ان قيمة الأم اتهدت قدامك كده ومش قادرة تواجهيها بس ممكن توصليلها الموضوع ده برساله علي صراحة اورساله من رقم جديد او اكونت تعمليه لده وتنصحيها وتقوليلها الكلام اللي جواكي ونفسك تطلعيه ليها بس سوال لووالدتك معملتش كده تاني هتسامحيها ؟
تم النشر الاثنين، ٢ أكتوبر ٢٠٢٣
إنصحيها و وعيها بأدلة من الكتاب والسُنة إن هذا غلط وإدعي لها فى صلاتك بالهداية وإن الله عز وجل يتوب عليها وأعانك الله وجزاك كل خير
تم النشر الاثنين، ٢ أكتوبر ٢٠٢٣
صارحي مامتك انو دا غلط ولازم توقف عند حدها وحرام شرعا.. وبما انو خواتك بيعرفو ف اجتمعو سوا وروحولها هو ما بدي احرجها بس عشان لما تلاقي كلهم بيعرفو رح تخجل وغالبا حتبطل وكدا كدا هما عارفين وحيعرفوا ايه الي حيحصل ف خليها ساعة مواجهة وروحولها واكيد عندها سبب للي بيحصل والي بتعمله ف تعرفكو عليه وانتو قلولها انكو راضيين انها تتجوز وما بهمكو كلام الناس يمكن هيا خجلانة منكو او من الناس وكذا... اعتبروها ساعة مواجهة وفضفضة اما لو حصل العكس وما همها حتكمل حاولو تهددوها مثلا انكو رح تحكو لاخوها او ابوها اذا عايش بس ما تعملوها وتروحو تحكو مجرد تهديد بس عشان تخاف وتبطل اما اذا زادت الامور وخرجت عن سيطرتكو بنشوف وقتها حل تاني. ربنا يكون معكو ويهديها يارب.
تم النشر الاثنين، ٢ أكتوبر ٢٠٢٣
انصحك بالله عليكى لا تواجهيها ولا تعرفيها انك عرفتى عشان متنكسرش قدامكم ادعيلها بالهدايه وسيبيها على راحتها واتصحيها تتجوز من باب حبك ليها انتى واخواتك انصحوها تتجوز بكل حب واحترام منكم ،، جايز تكون مريضه راعوا مشاعرها وادعولها بالهدايه
تم النشر الثلاثاء، ٣ أكتوبر ٢٠٢٣
بابايا متوفي الله يسامحه ويرحمه وانا وأخواتي بنات وحكيتلهم ومش عارفين نتصرف أو نواجه ازاي الله المستعان ولا مش غرض جواز اعتقد
تم النشر الأحد، ١ أكتوبر ٢٠٢٣
بصي لو مامتك هدفها الجواز ف دة مش غلط مع إني والله مبشجعش واحدة تتجوز واحد متجوز، لكن لو هدفها غير كدة فلأ أكيد وفعلا حرام، بصي أنتي واجهيها بشدة وعرفي حد من أخواتك لأن دة مينفعش وهي هتشوف أنها إللي ليها الحكم عليكي مش أنتي لو واجهتيها بحنية هتشد عليكي أنتي، أوقات لازم نشد علي الناس إللي بنحبهم عشان الرخاء بيبقي مفعولة زي مفعول عدم الكلام، المهم قوليلها إن دة مينفعش ووضحي كل إللي أنتي عايزاه، خديها خطوة بدون ما تراقبيها وفهميها إن الجواز عادي لكن دة إللي مش عادي، ناس كتير بتبقي خايفة تتجوز تاني عشان الناس متقولش عليها انها مسعتش لتربية عيالها أو عشان عيالها ميتاخدوش منها، ف فهميها دة عادي الجواز ودة حلال، لكن لو هي رفضت سيبي بيتها وعيشي مع بباكي جايز موضوع فراقك يفرق معاها، وربنا يهديها ويصلح الحال
تم النشر الأحد، ١ أكتوبر ٢٠٢٣
طبعا ما ينفعش تسكتى واجهيها وذكريها بالله بدون ان تعصيها و عليكى ببررها و عند حديثك اليها تكلمى معها بكل ادب واحترام
تم النشر الأحد، ١ أكتوبر ٢٠٢٣
لعرض السؤال في فدني اضغط هنا