ازاي اعرف ان الشخص الي قدامي دا مناسب ليا وهعرف اتعامل معاه فيما بعد هو فيه حب بس الحب طبعا م كل حاجة عايزة اعرف اي الحاجات الي من خلالها اتاكد أنه مناسب ووقتها ممكن اتقبله بكل ما فيه وابقي معاه
إضافةة للإجابات الموجوده فِ فترة الخطوبةة هتساعدِك التعامُل معاه بحدود الشرع ومع أهله هتكتشفي حجات وتشوفي نفسك هتتقبليها ولا
تم النشر الأربعاء، ١٤ فبراير ٢٠٢٤
عشان تتاكدى انك هتعرفى تتقبلى التعامل معاه بصى على عيوبه واسألى نفسك هل هعرف اتعامل مع العيوب دى على المدى الطويل ولا لا اسأل نفسك هو ايه هدفك الأساسي من الجواز.. وشوفى اذا كان هو هيحقق معاكى الهدف ده فعلا بالشكل الصح ولا هو ليه اتجاه وهدف مختلف عنك.
تم النشر الأربعاء، ١٤ فبراير ٢٠٢٤
أسمع دورات عن اختيار الأشخاص وعن الزواج عموماً في دورات البشمهندس أيمن عبد الرحيم اسمها بيت مسلم كذا دوره، وفي كتاب جميل جداً جداً أسمه العلاقة الزوجية والصحة النفسية في الإسلام وعلم النفس لدكتور كمال إبراهيم مرسي كتاب شامل من اول اختيار الشخص ومعرفة هو مناسب ولا لا والخطوبه الزواج والطلاق وكل حاجه.. بجد الحاجات دي بتفرق في أنك تعرفي هل الشخص ده مناسب ولا لا، وصفاته صفات سليمه ولا غير سليمه، أو عنده أفكار مريضه ولا سويه.. فعلاً في حاجات كتير هتعرفيها، ومواقف في الكتاب والدورات هتفهمك الموضوع ده فعلاً..
تم النشر الأربعاء، ١٤ فبراير ٢٠٢٤
لعرض السؤال في فدني اضغط هنا