السلام عليكم.
اولا انا عندي 14 سنه.. من كم سنه يمكن سنتين امي شكت ان مخي فيه حاجه. فراحت عند دكتور مخ واعصاب وقالت له اني بعلي صوتي ومش مؤدبه وبغلط في ابويا وامي. وده مش حقيقي انا مش كدا. بس طبيعي اي حد بيتعصب. وعالطول كانت تفضل هي تستفز فيا لحد ما أتعصب. يعني حاجه طبيعية اظن يعني.
المهم انا طلعت سليمه ومطلعش فيا حاجه. ومن وقتها وانا بقيت اكرهها بس لما اتذكر بس اكن تعاملي معاها عادي ومع كل الناس عادي. وفي المدرسه لان مليش صحاب فعلطول مختصره وقاعده في حالي. فبقيت في نظر البنات اللي في فصلي اني كئيبه او عندي توحد. وبالبيت عالطول امي تقولي اني مجنونه اني مش هنفع وعلطول تضربني وبحس انها بتفرق بيني وبين اخويا ومش بتخلص كلام وبتقارني بدي وبدي
يعني مثلا مش عشان دي طلعت من الاوائل او ختمت جزء من القرآن.. لا دي بتقارني باللي اطول مني واتخن مني(مع ان انا طولي طبيعي جداً وعادي وجسمي عادي وكل حاجه بس عندي نقص في الڤيتامينات) تقارني بوحده لابسه مثلا دريس او جيبه.(مع اني بلبس بنطلون جيبه زي الجيبه برضو وبلبس اسدالات وقت الصلاة ووقت ما بطلع وكمان محجبه). تقارني بوحده اتخطبت (😂🥺🥲 متستغربوش. بتدور علي طوب الارض تقارني بيه)
تقارني بوحده بتروح مع امها مشوار. تقارني ببنت عمي اني مش كل شويه ناطه عند بيت عمي زي ما بنت عمي بتعمل. تقارني بإني مليش صحاب او بمعني اصح مش بعرف اصاحب. تقلي شايفه البنات دول اصحاب...
مبترضاش تخلي اخويا يجبلي اي حاجه معاه من برا لو راجع البيت. تقلي روحي هاتي لنفسك هو مش خدام عندك (اانا معنديش مشكله اروح اجيب الحاجه لنفسي بس مفيش مانع لو كان راجع من برا يجبلي حاجه معاه. لاني بعمل كل اللي تقول عليه في البيت) تتقارني اني ببنات تاني بيضحكوا ويعلوا في صوتهم في الشارع.
المهم خالي متجوز واحده تاني غير مراته. وهيا عالطول بتزعل وتروح بيت اهلها. ومطلقة كمان من جوزها الاول. فالمهم امي كل ما تروح عند خالي تيجي تقولي انا خايفه تطلعي زييها. اقولها ليه بتقولي كدا (تقولي تصرفاتك زيها). مع ان ده غلط... فالمهم خوالي بما ان النهارده العيد فجايين بيعيدوا علينا فأنا داخله من برا فخالي مادد لي ايده عشان اسلم عليه وبعده لقيت خالي التاني مادد ايه بيقولي تعالي سلمي عليا انا للحظه راحه امد ايدي اسلم عليه.
فأدركت اني واقفه عند خالي التاني روحت سلمت عليه وسلمت على خالي التاني. فخالي قعد يديني العيديه ، قلت له لا بس بعدين ادهالي عادي.. فبيقولي انا خايف تطلعي زييها(علي مراته اللي قلتلكم عليها) فبقوله لأ ايه اللي هيطلعني زيها. يقولي امال مجتيش العزومه ليه🥲. ولاد خوالك وخالاتك كلهم راحوا..(أنا بطبيعتي اني مبحبش اكل عند حد حتي لو بيت خالي. ده كان برمضان.. لان بابا الله يرحمه عالطول كان يقولي متاكليش عند اي حد غير بيت ابوكي. امك اخواتها يعزموها متروحيش هي تاكل في بيت ابوها وانتي كلي في بيت ابوكي...
المهم بقوله. انا كلت في بيتنا. فخالي التاني قاله دي بنت ابوها كلت في بيتهم فيها ايه.. يقول اه بيت ابوها بس كانت جت العزومه..
المهم. امي ما صدقت فضلت تتكلم وتقول انتي مش طبيعيه انا لازم اروح اكشفلك علي مخك زي ما خالك راح كشف لمراته وطلع عندها حاجه في مخها (مطلعتش مجنونه طبعاً. بس هيا الدكتور قال هيكون حصلها حاجه من الاتنين يا انها وقعت علي راسها في الحمام او جتلها حمي وهي والده.)
امي مصممه انها تروح تكشف لي عند نفس الدكتور وكمان تاخد خالي عشان مش عارفه الدكتور.(بصوا انها معنديش مشكله لاني من كلامها بقيت بشك في نفسي والله. بس متاخدش اي حد لاني مش مستعده تطلع عليا اشاعه.. مش عارفه انا اعمل ايه دلوقتي اروح ولا لا ولا ايه
وعليكم السلام ورحمة الله. أولاً، أشكرك على ثقتك في مشاركة مشاعرك وتجاربك. يبدو أنك تمرين بفترة صعبة للغاية، وأنا هنا لدعمك. من الواضح أن هناك العديد من الضغوطات والتوقعات التي تتعرضين لها من عائلتك، وهذا قد يسبب لك شعورًا بالقلق والتوتر. فهم المشاعر : من الطبيعي أن تشعري بالغضب أو الإحباط عندما لا يشعر الآخرون بقيمتك أو يقدّرون ما تفعلينه. مشاعرك هي جزء من التجربة الإنسانية التي نمر بها جميعًا. يجب أن تتذكري أن التعبير عن المشاعر ليس خطأ، بل هو جزء من كونك إنسانة. التواصل مع والدتك : حاولّي التحدث مع والدتك بشكل هادئ عن مشاعرك. قد تكون غير مدركة لكيفية تأثير كلماتها وسلوكها عليك. حاولي التعبير عن حاجتك للدعم بدلاً من المقارنات، واطلبي منها أن تتفهم شعورك. تقدير الذات : لا تقبلي المقارنات السلبية، سواء من والدتك أو من الآخرين. التركيز على ما يجعلك فريدة ومميزة يمكن أن يساعد في بناء ثقتك بنفسك. قومي بتدوين صفاتك الإيجابية والنجاحات التي حققتها. البحث عن الدعم : قد تكونين بحاجة إلى أصدقائك أو فرد من العائلة يمكن أن يفهمك ويدعمك. إذا كنت تشعرين بالعزلة، فقد يكون من المفيد محاولة التواصل مع أقرانك أو الانخراط في أنشطة اجتماعية تعزز شعورك بالانتماء. الزيارة الطبية : بشأن ذهابك إلى الطبيب، من المهم أن تشعري بالراحة. إذا كان ذلك سيساعدك في إزالة الشكوك التي تراودك، فقد يكون من الأفضل الذهاب. لكن تأكدي من أن هذا القرار مستند إلى رغبتك في الحصول على تقييم موضوعي لحالتك النفسية وليس فقط بسبب الضغط من العائلة. التفكير من منظور إيجابي : تذكري أن الحياة مليئة بالتحديات، ويجب أن تكوني صبورة مع نفسك. قد تواجهين الكثير من الظغوط، ولكن حاولي التفاؤل والتركيز على الأشياء الإيجابية في حياتك. أنا هنا إذا كنت بحاجة لمزيد من التحدث حول أي من هذه الأفكار أو لمساعدتك في استكشاف حلول أخرى. تذكري أنك لست وحدك في هذه الرحلة.
تم النشر الاثنين، ٣١ مارس ٢٠٢٥
انا مروحتش العزومة لاني مش باخد راحتي وعلشان برضو ابويا كان بيقلي، بس كلامك صح، شكراً
تم النشر الخميس، ٣ أبريل ٢٠٢٥
أسف للاطالة بس فيه الخلاصة
تم النشر الخميس، ٣ أبريل ٢٠٢٥
تم النشر الخميس، ٣ أبريل ٢٠٢٥
لعرض السؤال في فدني اضغط هنا