انا اتخطبت كتير جدا وكلهم هما اللي بيسيبوا مش انا نادرا لما انا اللي بسبب لما احس ان أخلاقه مش كويسه المهم أن أغلبهم لما بيجوا يسيبوا بيقولوا كلام صعب زي اني مريضه ومعقده وصعبه ف المعامله وأنهم مشافوش حد بمعاملتي قبل كده
اعرف ازاي اتاكد من كلامهم اني فعلا فيا حاجه غلط ومحتاجه اغير من نفسي ولا لا أنا بقيت منهاره وحاسه اني وحشه فعلا واني انسانه مؤذيه
بصي لو هما كلهم قالو الكلام دا يبقا حاولي تسألي اقرب الناس ليكي عن التعامل بتاعك و المميزات و العيوب بتاعتك و هل انتي كدة صح او غلط وهما اكتر حد هيعرفو يجاوبو السؤال دا اما بقا لو انتي كنتي ماشية معاهم صح وهما اللي شايفين انك مزوداها و مش بتحبي التجاوزات والكلام دا يبقا هما المرضى وانتي الصح وربنا اللي بيشيلك منهم
تم النشر الخميس، ٢٧ يونيو ٢٠٢٤
السلام عليكم. بصي يا رب تتخطبى مليون مره هو ده هدف الخطوبه. هدفها انك تشوفي اذا كان الشخص ده مناسب ولا لا؟ في نقطه مهمه جدا هل انت بتبقي شايفه ان الشخص مش مناسب وان هو زي ما انت ذكرتي فيه شويه من التعليقات كده انه بيحاول ان هو يتعدى الحدود الشرعيه بتاعه الخطوبه انت يعني بتعدي الموضوع ده فبتشوفني اني مش دي حاجه تسيبيه علشانها ومع ذلك هو بيسيبك عشانها لو ده الوضع يبقى اعرفي ان هي دي المشكله الحقيقيه المشكله انك بتسيبي الوضع لحد ما الشخص اصلا اللي هو المفروض انت اللي تقولي لا انا اللي مش عايزه اكمل قولي انا اللي مش عايز اكمل ما تحطيش نفسك في ايه قليله وما تشوفيش انك مش من حقك انك ترفضي او توقفي المشروع الجواز ده للسبب ده لا انت من حقك لاي سبب. وخصوصا الاسباب اللي هي اخلاقيه ودينيه وشرعيه حتى يعني لو المجتمع بيقول لك لا يعني يا ستي ده مش سبب تسيبي حد عشانه ملكيش دعوه حد خليك في حدودك الشخصيه انت وفي اللي انت فاهماه وعافيه كويس قوي ومتاكده منه واثبتي عليه وسابتك عليه بياكد ان انت عندك مبدا ما تخليش الموضوع يتقلب عليك زي قلب الترابيزه كده بالظبط يعني هو الشخص هو اللي غلطان هو اللي المفروض اصلا يتقال له لا انت كده مش مناسب لانك عمال بتتعدى الحدود ونسيبه لحد ما هو اللي يقول لا ده انا بقى اللي شايف انك مش مناسبه. وكلهم بيبعتوا لك وبيقولوا لك كده اتاكدي ان انت شخص مميز جدا وقيمتك عاليه جدا وهم رغم ان هم اللي خدوا بعضهم ومشيوا لانهم كان نفسهم يكملوا لكن هم اللي مستحملوش الحدود. طبعا في تفاصيل انت مش قايلاها واكيد في حاجات انت كنت غلطانه فيها وكان ممكن التعامل يكون افضل ما انت تعاملتي لانه ما فيش غلط بيبقى من طرف واحد يعني. ولكن انا بستنتج من كلامك انه لو ده الوضع فانا قلت لك الجزئيه دي لو انت في عندك ردود افعال قويه فمعيشي ممكن بقى احنا نكتفي ان احنا يكون عندنا رد فعل حازم وقوي ولكن ما يكونش صارخ او ما يخليش اللي قدامي يقلب الترابيزه علي لا انا اعمل رد الفعل بكل احترام ويكون الامور واضحه جدا واللي قدامي يفهم ان ده عواقب تصرفهم. ده لو هي حاجه تخصك انت لكن والله يا بنتي لو كل اللي حواليك قالولك انت اللي غالب عشان خاطر انت عايزه تحافظي على حدود الخطبه فما تخليهمش يحسسوا كميه الا غلط هم اللي غلط حتى لو كلهم اتجوزوا وانت لا قدر الله جوازك اتاخر ما تشوفيش انه ده العيب فيك انت لا ده مش عيب ولا اي حاجه ولا دي علامه على ان انت الغلط.
تم النشر الثلاثاء، ٢٥ يونيو ٢٠٢٤
مع تكرار المواقف والكلام من كذه حد بيدينا مؤشر إن ممكن احنا عندنا مشكلة في جزئية معينة. وده بيخلينا نقف مع نفسنا ونعيد حسابتنا. والخطوة الأولى إن نعتبر الأحداث دي مرحلة ودرس مش نهاية الطريق، وإننا بنتعلم منها وإن الإنسان دائماً قابل للتغيير. فالحل إنك تشوفي إيه الأسباب الي هم بيقولوها، فلو نفس السبب أو مشترك تبدأي تدرسي السبب ده وايه تأثيره عليكي عامة. وتبدأي تتعلمي ازاي تعدليه وتغيريه. وممكن استشارة حد قريب منك ومصدر ثقة هل فعلا المشكلة دي موجودة أو لا، وممكن اللجوء لمتخصص نفسي أو علاقات.
تم النشر الاثنين، ٢٤ يونيو ٢٠٢٤
أولاً، خليني أقولك إنك مش لوحدك في المشاعر دي. كتير من الناس بيمروا بتجارب مشابهة وبيحسوا بعدهم بنفس الحيرة والقلق. المهم إنك تبقي هادية وتفكري بعقلانية. استعيني برأي قريب أو صديقة موثوقة: حبذا لو تتكلمي مع شخص يعرفك كويس ويقدر يعطيك رايه بصدق. الشخص ده ممكن يساعدك تشوفي الأمور من زاوية تانية. تقييم ذاتي: افكري في طباعك وسلوكك مع الآخرين. هل بتسمعي الطرف التاني؟ هل بتحترمي مشاعرهم؟ أوقات ممكن تكون في تصرفات بسيطة، ولكن ليها تأثير كبير على العلاقة. تعلمي من الماضي: حاولي تفتكري الأحداث اللي فاتت وحلليها بهدوء. ايه التصرفات اللي كان ممكن تكون بتثير المشاكل؟ وأيه الأمور اللي فعلاً محتاجة تعديل؟ استشارة متخصصة: لو لقيتي نفسك مش قادرة توصلي لحل، متخصص نفسي أو مدرب حياتي (لايف كوتش) ممكن يكون ليه دور في مساعدتك. هما مدربين على التعامل مع المشاكل العاطفية والسلوكية وبيعرفوا ازاي يساعدوك في تحسين ذاتك. مدونة مشاكلك وأي تطورات: اكتب المشاكل اللي بتحس بيها وأي تطورات إيجابية أو سلبية بتحصل. ده هيساعدك تشوفي الأمور بوضوح وتعرفي تتحسني. فاكرة يا ستي، مافيش حد مثالي وكلنا بنخطئ ونتعلم. والمهم اننا نكون مفتوحين للتغيير والتطوير. انتِ مش لوحدك، ودايماً في مجال للتحسن.
تم النشر الاثنين، ٢٤ يونيو ٢٠٢٤
لعرض السؤال في فدني اضغط هنا