تتقى الله فى كل افعالك ...تصون قلبك ومتخليش المشاعر تطلع فى اى حته ولا لاى حد تبحث عن الحب اللى بيجى بطريق الحلال تبقي محدد فى افكارك عشان لما تقابلها تقدر تحدد انتوا متفاهمين فى ايه ومختلفين فى ايه. تعرف ان السعاده فى انك هتتقبل الاخر وتراعيه فى كل الاوقات ...السعاده مش اتفاق بس ولا ضحك وفرح بس اتمنالك ييسر ربنا ليك انك تلاقيها بنية طيبة باذن الله
تم النشر السبت، ١٧ ديسمبر ٢٠٢٢
الاول قبل ما تلاقيها اتعرف على نفسك الاول .. اعرف طباعك الحلوه والوحشه وراقب نفسك وتصرفاتك وحسن من نفسك عشان تكون شخص أفضل مما انت عليه دلوقتي .. وده عشانك انت مش عشان حد خالص. ادعي ربنا يرزقك الزوجة الصالحة وييسرلك أمورك اللي تقدر تتزوج بيها سواء المادية أو المعنوية زي ما قلنا فوق في نقطة الصفات. كون فكره عن المواصفات اللي انت عايزها ف شريكة حياتك .. مش الشريكة المثالية لأ .. الشريكة المناسبة ليك انت. لما تلاقي بنت فيها مواصفات من اللي انت عايزها .. اتقدم لها وابدأ اتعرف عليها وشوف اذا كانت مناسبه ليك ولا لأ بعيداً عن المشاعر.. يعني بتعرفوا تتكلموا .. بينكم حاجات مشتركة.. متفاهمين في اختلافكم.. متقبلين بعض باختلافاتكم وعيوبكم ومشاكلكم. وأهم حاجه تواظب على صلاة الاستخارة عشان تتطمن إنك مع الشخص المناسب ولو مش مناسب ربنا هيظهره ليك. بتمنالك التوفيق.
تم النشر السبت، ١٧ ديسمبر ٢٠٢٢
قصدك ازاي تكتشف أن الإنسانة ديه هي اللي تصلح تبقى شريكة حياتك؟ لو قصدك كده، يبقى تحدد صفاتك في الشخصية اللي حابب انها تكون شريكة حياتك. طب ازاي احدد الصفات ديه؟ ده شئ خاص بيك انت، لازم تكون عارف نفسك كويس جدا، علشان تعرف تختار انت محتاج ايه في الشخص اللي قدامك يكون موجود او متاح فيه.
تم النشر السبت، ١٧ ديسمبر ٢٠٢٢
لعرض السؤال في فدني اضغط هنا