بتخرجو من الاكتئاب ازاي ؟!
طيب مينفعش نشخص نفسنا بنفسنا ونقول اننا عندنا اكتئاب بدون ما يكون في اخصائي شخص ليكي الامر ده. طالما مفيش حد شخص لكي الامر يبقى تعاملي معاه على انها مشكلة نفسية ولكن متقوليش انا عندي كذا او كذا، علشان العقل ميستقبلش الكلام ده على انه حقائق بالفعل. تاني شئ .. قرأت في تعليقاتك انك خايفة .. خايفة من كل اللي جاي، ومش عارفه تتعاملي مع اللي فات. ممكن تقولي لنا شئ من هذا القبيل .. يعني ايه اللي حصل بالظبط علشان نقدر نقدم اجابة وافية .. ولكن خلينا نتكلم في العموم دلوقت .. اللي حصل زمان من تراكمات لازم يتعالج وتتعافي منه الاول علشان تقدري تعدييه وتبدأي حياتك من جديد. هل ينفع وانتي بتلعبي لعبة معينة في المستوى 2 .. وانتي في نصها كده، هل هتعرفي تعلبي في المستوى 3 ؟ اكيد لأ لازم الاول تخلصي المستوى اللي انتي بتلعبيه. وعلى فكرة هي الحياة كده اصلا .. لعبة وفيها مستويات كتير .. لازم تخلصي المستوى اللي انتي فيه علشان تقدري تفتحي اللي بعده. الخروج من الازمة النفسية مش هنقول بقى اكتئاب .. حتى كمان لو كان اكتئاب ( مش هيبقى بخطوات عايمة) لأ لازم نعرف المسسبات علشان نقدر نطلع بمعلومات تفيدك. فياريت تقولي لنا اكبر مشكلة كانت في حياتك وسببت ليكي الشعور ده حاليا.
تم النشر الأحد، ٢٢ يناير ٢٠٢٣
الاكتئاب له درجات اولا سلامتك الف سلامة من اى شعور واحساس وحش. نعرف الاول هو حزن ولا اكتئاب دى اهم خطوة ..اننا نسمى المشاعر صح عشان نتعامل معاها صح مفيش مشكلة انى اشعر بالحزن ...ده صحى على فكرة. بس الاكتئاب بالذات هو درجة نفسية سلبية بزيادة من مشاعر الحزن ولذلك بتبقي مختلطه اعراضها مع الحزن. ممكن توصفى الاعراض اللى حاساها عشان نصنف الشعور اذا حزن أو اكتئاب الاول؟
تم النشر السبت، ٢١ يناير ٢٠٢٣
لو قصدك مرض الاكتئاب فدا علاجه في العيادة النفسية
تم النشر الجمعة، ٢٧ يناير ٢٠٢٣
لعرض السؤال في فدني اضغط هنا