السلام عليكم ورحمة الله وبركاته لو سمحتوا حد يفدني انا طالبه سنه اولي اداب علم نفس إكلنكي محتاجه اطور نفسي في المجال دا انا بحبه بس مش عارفه ابدا ازاي ومنين اني اتعمق فيه فاالو حد يقولي مثلا احتاج اي علشان اعمل ترتيب علي الدفعه واكون كويسه ومتميزه فيه خصوصا اننا لسه الكليه بدأه يعني مأخدت حاجه يعني وشكرا
وعليكم السلام ورحمة الله وبركاته... بالنسبة للكلية، علشان ترتبي على الدفعة يبقى لازم تعملي مجهود قوي في الورقة بتاعتك ف الامتحان. اعرفي طريقة كل دكتور من الدفعات اللي قبلك، هتلاقي دكتور بيحب الكتابة الكتير وبالتفاصيل، وهتلاقي حد لازم يتكتب له من محاضراته مثلا. كل دكتور وبيحب يركز على حاجه معينه. وطبعا لا غنى عن المراجع، اكتبي مراجع ف الامتحان وباذن الله تاخدي تقدير كويس. هاتي كل امتحانات السنيين اللي فاتت هتلاقي معظم الاسئلة مكررة .. ف هتفيدك جدا. بالنسبة بقى للتطوير العملي في المجال، لو فيه مقدرة مالية انك تاخدي كورسات بره فخدي ولكن هي مش بتبقى معتمدة، الاعتماد الحقيقي بيكون من جهات معينه والكورسات بتاعتها بتتاخد علشان بعد كده تقدري تفتحي عيادة. اما الكورسات العادية اللي بتبقى في الاكاديميات ممكن عادي تخديها بس فكرة الاعتماد لا. عايزة تاخدي كورسات ومنها يبقى تطوير برضه فيه عندك منصة كورسيرا هتلاقي عليها كورسات ومجالات كتير ومن جامعات بره ومعتمدة. _الكورسات اللي في كورسيرا على ما اظن مش كلها مجانية .. ف لازم تقدمي على حاجه اسمها الدعم المالي وبيردوا عليكي بعد 15 يوم ده لو محتاجة الشهادة .. وده مقال هيفهمك كل التفاصيل عن الدعم المالي الدعم المالى من كورسيرا واجابات اسئلة وفيه عندك برضه منصة ادراك مجانية وبالغة العربية. بعد ما تخلصي الكلية شوفي انتي حابه تتخصي ايه بالظبط وخدي دبلومة في التخصص بتاعك وابدئي انزلي مستشفي علشان تدربي فيها. وياريت وانتي في الكلية تدوري على العيادات، او المراكز اللي بتكون بتقبل طلبة ك (تدريب). وده هيفرق معاكي جدا.
تم النشر السبت، ١٤ أكتوبر ٢٠٢٣
انا بحب علم النفس جدا بس مش متخصصه فيه اصلا ولا نفس مجالي بس ده ما معنيش اني اتعمق فيه قعد تقرا كتب كثيره جدا عن علم النفس ابحث عنها هتلاقيها سواء pdf او من محلات وسمعت دكاتره كثير جدا على النت وعلى التيك توك ناس تتحدث عن علم النفس واي معلومه بتشكك فيها اسال Ai
تم النشر الجمعة، ١٧ مايو ٢٠٢٤
لعرض السؤال في فدني اضغط هنا