انا مشكلتي بقا اني مش لقيه حد يفهمني انا صح ولا غلط واديما متردد وخايفه من الفراق مع اني الفراق اوقات بيكون راحه اللانسان بذات لو بعد عن شخص بيهينو وبيزعله وبيرجع يقول انو بيعمل كدا عشان خايف عليا انا بابا وماما الله يرحمهم ليا اخوات بس بعيد عني ماليش اخوات من نفس الاب والام مش شقيق مخطوبه لي شخص بحبه جدا عمري مخبيت عليه حاجه بعمل المصيبه والمشاكل وبحكيله دايما مطمنه وهو يمكن صعب شويه وبيخلني اعيط كتير لي دارجه اني بقا يصعب عليا نفسي عشان مش بيهون عليا دايما بيهني ماحسسني اني ماليش حد غيرو واني عايشه ليه متحكم فيا بالكامل وميت مره اخترات ابعد بس قلبي رافض يسمعني مكنتش حبه اكمل في حاجه انا حرفيا مش مرتاحه فيها مجرد لما بسمع صوته وبشوفه بنسه اني كنت زعلانه منو بيقول عليا ديما غبيه ومش بفهم ومعنديش ثقه ف نفسي وبكلامه دا انا فعلا بفقد كل حاجه واديما مش بحب اتكلم مع كتير عشان مش يزهق مني او يقول كلام تضيقني ومش عارفه اتصرف واعمل اي وانا بحبه ومش عارفه ابعد ومتاكده اني بعدين هتعب اكتر من كدا ف حياتي لو كملت في حاجه مش مرايحني ودا بس عشان قلبي تنصحوني اعمل ايه
انتي قولتيها بنفسك، انتي لو اختارتي تكملي هتتعبي اكتر .. طيب تعالى نحسبها شوية .. تختاري تبعدي دلوقتي، اه هتتألمي شوية، بس بعد شوية الجرح ده هيلم وهتبقى احسن من الاول. مش زي الاول لا .. احسن من الاول. لان التجارب هي اللي هتقدر تقوي الواحد وتخليه احسن من الاول مش زيها ابدا. وب ايدك انك تقعدي معاه، وهو شايفك زي ما بتقولي (غبية، ومش بتفهمي، ومش واثفة في نفسك) .. تخيلي واحد بيكون شايف واحدة بالطريقة دي .. هو شايفك ضعيفة، بل بالعكس عايز يكسرك .. انتي شايفة ان واحد زي ده هيكون بيحبك؟ انتي شايفة ان الللي بيحب حد بيكون عايز يكسره، ويهينه، ويشوه ثقته في نفسه بالطريقة ديه. طيب ده ياترى هيعمل فيكي ايه بعدين؟ مش بعيد يمد ايهده عليكي بعدين .. تخيلي معايا كل اللي بيحصل ده بعدين، وهو متاكد انك لوحدك وملكيش حد يدافع عنك .. لانك بعيده عن اخواتك، يعني فرصة ذهبية جدا لأي واحد مريض زيه يقدر يعمل اللي هو عايزه. ايه رايك .. هتكملي برضه. بس لو اختارتي تكملي تمن الفاتورة هتكون اكبر مما تتخيلي .. لانك ل اما هتخسري صحتك النفسية والجسدية اكبر بكتير من دلوقت، ل اما هيطلقك، وساعتها ل اما يهكون معاكي بيبي او لا .. والموضوع هيكون اسوء بكتير مما تتخيلي. اهربي من دلوقتي واختاري كرامتك اللي فوق اي حد مهما كان .. واشتري نفسك ومتشتريش الرخيص. علشان تلاقي الشخص اللي يكون شاريكي يحافظ عليكي بعدين. وربنا معاكي يوفقك
تم النشر الخميس، ٢٥ أبريل ٢٠٢٤
طلاما خايفه ابعدى وهو لو بيحبك هيتغير ويرجع ونصحيه ابعدى بجد خالص اختفى من الحياه اشتغلى حتى شهر او انزلى اعملى اى حاجه اشغلى نفسك شهر لقتيه اتغير ورجع كويس وندمان كملى مرجعش كويس اديله حاجته وبالسلامه وعلى فكره تجربه شخصيه مفيش حد بيتغير انا قعدت ٤ سنين مع شخص على امل انه يتغير متغيرش وانا اللى اتغيرت ودفنت نفسى بالحياه عشانه وفى الاخر سابنى بردو متقبليش بحاجه وحشه عشان بتحبيه احنا نستاهل احسن من كدا ولو حتى مجاش الاحسن فقعدتنا فى بيت اهلنا ارحم بكتير من جوازه فاشله
تم النشر السبت، ٢٧ أبريل ٢٠٢٤
الحل انك تصلي استخاره هو عشان ضامن وجودك بينما كدا حاولي تبعدي
تم النشر السبت، ٢٧ أبريل ٢٠٢٤
🎤 إجابة صوتية
تم النشر الجمعة، ٢٦ أبريل ٢٠٢٤
هل شايفه نفسك هتقدري في المستقبل تتحملي الضغط النفسي المستمر من علاقه مؤذيه بالشكل ده ؟ شخص مش بيقدرك وبيقلل منك و بيفقدك ثقتك في نفسك ومش مرتاحه معاه.. في الحاله دي مشاعر الحب مش كفايه للزواج .. نصيحتي تتخطي مشاعرك وتحافظي على مستقبلك وصحتك النفسيه. فمن يعاملك بشكل سيئ لا يستحق أن تعطيه قلبك ليحافظ عليه.. وكوني واثقه بالله أنه سيعوضك بمن يقدرك ويعاملك معاملة طيبه حسنه
تم النشر الخميس، ٢٥ أبريل ٢٠٢٤
فيه حلقة اسمها امتى نفسخ الخطوبة لشخص اسمه رابح حقيقي الحلقة تاخد عشرة من عشرة هتساعدك كتير ♡ ربنا يوفقك
تم النشر الجمعة، ٢٦ أبريل ٢٠٢٤
هو خلاص اتحكم فيا بالكامل وانا بكابر مع نفسي اني اكمل ف حاجه مش عوزه عشان بحبه وعشان فعلا مليش حد واهلي بيقولو اهي هتتجوز وتبقا ف بيت جوزها هنكون متطمنين عليها بس انا مش هكون مع مرتاحه فاعشان كدا هختصار كل الاموار دي وهصلي واستغفر ربنا وابعد عنه وكانو مدخلش حياتي وشكرا اوي ياقلبي 🤍🤍
تم النشر الجمعة، ٢٦ أبريل ٢٠٢٤
بصي يعمري حاولي انك تقعدي مع نفسك وفكري كويس هل هتستحملي. اسلوبوا دا بعدين ولا هو حماس انك بتحبيه ومستعده تضحي بس نصيحه حسسيه انك مشغوله او مش هو اول اولوياتك ركزي ع حاجات تانيه طوري من نفسك خلي اهتمامك يقل خليه بحس انك متغيره علشان كده هو ضامت وجودك
تم النشر الجمعة، ٢٦ أبريل ٢٠٢٤
- ابعدي 🙂✅.
تم النشر الخميس، ٢٥ أبريل ٢٠٢٤
حاضر
تم النشر الجمعة، ٢٦ أبريل ٢٠٢٤
حاضر هعلق قلبي بربنا والقران 🤍
تم النشر الجمعة، ٢٦ أبريل ٢٠٢٤
لعرض السؤال في فدني اضغط هنا