سلام عليكم
انا من زمان بحب الرسم وكان حلمي الدخل فنون جميلة
و قدمت في اختبار القدرات و نجحت في الاختبار
بس مجموعي في ثانوي ما جبش الكليه
و دخلت كليه طفولة مبكرة علشان فيها بنشتغل شبه حاجات شبه فنون جميلة بس للاطفال
و انا بعمل كل جهدي علشان الشغل الفني بتاعي سواء كان رسومات او تصميم فنية تعجب الدكتور علشان هما شغلين في كليه فنون جميلة و قولت يمكن يدخلوني مسابقات او اي حاجة تبع فنون جميلة
لحد النهارده اختارت كام بنت معاده انا علشان يرحو معها كليه فنون جميلة
مع انا شافت شغلي و أعجبت بية جدا
و انا كل شويه بتعلم تقنيات رسم جديد علشان اخد فرصة
عوزه اعرف هل انا بحاول علي الفاضي و انا اصلا مش لازم احاول علشان هي مش مكتوبلي و معملش مجهود تاني
او افضل احاول علشان تعبت وحسه اني خلاص مفيش امل ولازم ابطل اللي بعمله
كل حاجه بأوانها ولما يأذن ليها ربنا سبحانه وتعالى انتي مطبطليش محاولات مافيش حاجه اسمها بحاول على الفاضي اكيد هتلاقي ثمار جهدك بعدين خليكي وراء حلمك وطموحك في انك توصلي للي عايزاه مستسلميش الندم علي حاجة عملتيها احسن من الندم علي حاجه معملتهاش بمعني لو لقدر الله موصلتيش ف اديكي حاولي وجربتي وجازفتي احسن ما تقولي ياريت كنت حولت تاني استمري وموفقه إن شاء الله
تم النشر الأربعاء، ٦ مارس ٢٠٢٤
عايزه أقولك إنك تقدري تروحي فنون جميلة بعيد عن الكلية خالص.. وكمان هل إنتِ بتتعلمي التقنيات الجديدة في الرسم والفن عشان تروحي كلية فنون جميلة ؟ ولا العكس؟ المفروض العكس.. المفروض إنك عايزه تروحي الكلية عشان تتعلمي التقنيات الجديدة .. اللي ما شاء الله إنتِ بتتعلميها من غير الكلية وبتقدري تبدعي فيها وفي مجالك كمان أنصحك تكملي دراسه وتعليم في مجال الفن لأن من الواضح ان دي الحاجه اللي بتحبيها ومنها هتقدري تبدعي في مجال دراستك أكتر من الباقي
تم النشر الخميس، ٧ مارس ٢٠٢٤
وعليكم السلام ورحمة الله وبركاته .. ليه شايفة انك بتحاولي على الفاضي ؟ اكيد حصل حاجه او حسيتي بحاجه معينه خلتك تسالي نفسك السؤال ده ..؟ انتي ما شاء الله على حد كلامك بتحاولي وكمان شغلك كويس .. وبتتعلمي ف ليه حاسه ان الموضوع مش مستاهل؟
تم النشر الأربعاء، ٦ مارس ٢٠٢٤
حبيبتي خليكي فاللي بتحبيه. هتنجحي. لانك مقتنعه بيه. خليني ورا حلمك. لانك لو فحته تانيه غير اللي انتي بتخليخا عمرك مهتبدعي فيها. حتي لو اتاخر شويه حلمك. بس انتي كفايه متعتك فاللي بتعمليه. صح ولا لا. وان شاء الله ربك لابضيع اجر من احسن عملا🤍🤍🌹
تم النشر الأربعاء، ٦ مارس ٢٠٢٤
لعرض السؤال في فدني اضغط هنا