السلام عليكم، ألف سلامة على والدتك، شفاها الله وعفاها. ممكن سبب سخونة البول من حرارة الجسم نفسه أو فيه التهابات بمجرى البول، هل هي أخدت دواء واحد فقط اللي هو قرص تحت اللسان ولا أخدت أدوية تانية معه؟ "الكابتوبريل" اللي بيتاخد تحت اللسان لما بحثت ملقتش أعراض جانبية له زي دي، فممكن إذا أخدت أدوية تانية معه تكون أعراض جانبية منها، والله أعلم. عمومًا، إذا كانت مفيش أي مشاكل تانية زي حرقان مع البول أو ارتفاع حرارة الجسم أو ألم أو تغير في لون البول، أو كثرة التبول فهنا هتحتاج تتابع مع طبيب الباطنة عشان لو هتحتاج تعمل أي فحوصات تانية. تابعيها وإذا حصل أي حاجة تابعي مع الدكتور، ألف سلامة.
لعرض الإجابة في فدني اضغط هنا