اول ما حبيت كان شخص قريبي طول بعرض و كان زي القمر و خانني و مع ذلك بعدها ب سنه حبيت انسان تاني و قولت أنه العوض و اتقدملي بالفعل و حصلت مشاكل مع والدي و رفضه و الصدمه أنه بعدها ب اسبوع خطب انسانه تانيه و انا كنت مستعده اعمل اي حاجه بس يرجعلي و اخيرا شوفت التالت اللي جمع صفات الاول و التاني و فيه كل حاجه كنت اتمنيتها و قعدنا مع بعض ٤ شهور بس و كرهني ف كل حاجه ف حياتي و كان بيكرهني ف نفسي و قرارات طول الوقت و كلمه لا عنده كانت زي صباح الخير كده و بيختلق فيا صفات زباله مش فيا انا لمجرد اني ابقي غلط قعدت ٤ شهور عدوا عليا ٤ سنين من كتر السواد اللي شوفته فضل يضغط عليا عشان يجيب أخري ف انا ف الآخر بعتله مسدچ و قررت اني اسيبه و جيت بعدها ب شهر حسيت اني تعبانه لان كنت مقتنعه بيه اوي بعيد عن صفاته الزفت دي و قررت اكلمو تاني و ابعتلو قالي الفرصه كانت ف ايدك و انتي ضيعتيها و رفض أننا نرجع مع العلم أنه كان خاطب قبل كده و خانته و رجعلها عادي و لما قولتلو كده قالي ما انا اتعلمت بقا .. و ف عز كل ده ظهر انسان مش عايز اي حاجه من الدنيا غير اني اكون مبسوطه اعرفو بقالي سنه و مفتكرلوش اي حاجه وحشه بالعكس و عايز يتقدملي و انا اللي مأجله هو زي القمر بس طوله وسط ١٧٥ و رفيع و انا بقيت حاسه اني عندي مشكله نفسيه اللي هو مش عارفه احبه زي ما هو بيحبني يمكن عشان خلصت طاقتي كلها مع التلاته دول و يمكن كمان عشان كانو طوال و أجسامهم حلوه ف انا مش عارفه اتقبل اخر واحد ده مع العلم أن التلاته دول كانو اكبر مني ب ٩ و ٨ سنين و اخر شاب ده أخبر مني ب ٣ سنين اللي هو الطبيعي بس حاسه اني انا اللي مبقتش طبيعيه .. ف هل ادي فرصه و اتخطبتلو و يمكن احبه و اقتنع بيه مليون ف الميه ولا مظلموش معايا و اسيبه بس حتي دي حاولت معاه كذا مره اني اسئله رفض و قالي مش هقدر ف رايكم ايه
دي نتيجه طبيعية للي بيلخبط في الاكل التذوق عنده هيبوظ
تم النشر الجمعة، ١٩ أبريل ٢٠٢٤
بصى فى مثل حلو خد الى يحبك ومتخدش الى انت بتحبو ممكن الشخص دة يكون عوض عن كل تجارب الى انتى عديتى بيها وطالما بيحبك وشريكى أدى لنفسك فرصة انتى اه التجارب زى مابتقولى كانت مؤلمة يمكن ربنا يعوضك بشخص ينسيكى كل الفات ثانيا متختريش الشخص على طولة او كدا الشخص اخترى على اخلاقة طريقة تفكيرك طموح التربية على حاجة ثابتة مش بتتغير لاكن الشكل ممكن واحد زى مابيقولو قمر ويعيشك فى قرف وذل وممكن واحد عادى يعيشك وحبو ليكى يفضل ويكبر وصلى صلاه استخارة وربنا يكرمك
تم النشر الثلاثاء، ١٦ أبريل ٢٠٢٤
انتي ممكن تكوني اتعلقتي بس بالاشخاص التلاتة اللي ف الاول .. وطاقتك ومشاعرك استنزفت معاهم .. ومش معنى ان ده حصل يبقى فقدتي شئ ومش هتقدري تدي تاني. انتي بس محتاجه تطلعي لدائرة وعي افضل من اللي انتي فيها. يعني مثلا اخر واحد ده، انتي قولتي انك مشوفتيش معاه يوم واحد حلو اساسا، ومع ذلك كنتي متمسكة بيه، ف ازاي كنتي عايزة ترجعي له اساسا!! فيه مشكلة عندك ف اختار الاشخاص .. شوفي انتي بتختاري الاشخاص بناءا ع ايه بالظبط .. الشخص الاخير انتي هترفضيه علشان طوله؟ مع انه اساسا طويل هو مش قصير .. ف انتي محتاجه تركزي ف معيار اختيار شريك الحياة الاساسية .. انتي مركزة على حاجات مش مهمه اوي برضه! طالما مقتنعة وقابلة شكله، شوفي صفاته الشخصية .. عامله ازاي؟ وفترة الخطوبة ياريت متتعلقيش بحد، لان تقريبا دي كانت مشكلتك برضه. فترة الخطوبة معمولة علشان تعرفي الشخص ده مناسب ولا لا. لانه وارد 50% انه يكون مش مناسب ليكي. ف ركزي اكتر انك تتعرفي على الشخص، مش انك تحبيه! الحب مش اهم حاجه في الزواج.
تم النشر الثلاثاء، ١٦ أبريل ٢٠٢٤
ربنا يسرلك أموركم
تم النشر الثلاثاء، ١٦ أبريل ٢٠٢٤
صلي صلاه استخارة
تم النشر الثلاثاء، ١٦ أبريل ٢٠٢٤
الحب عمرة مكان بشكل اوبجسم ممكن تاخدي واحدة حلوة وبعد جوز يكون واحشة وبعدين يعني لإنسان يخدي اابيحب مش الهو الببحب
تم النشر الثلاثاء، ١٦ أبريل ٢٠٢٤
امين يارب
تم النشر الثلاثاء، ١٦ أبريل ٢٠٢٤
ميرسي لنصيحتك بجد هعمل كده أن شاء الله 🙏
تم النشر الثلاثاء، ١٦ أبريل ٢٠٢٤
لعرض السؤال في فدني اضغط هنا