انا بقيت اسأل نفسي هو انا اللى وحشة وهما مس عارفين يتعاملوا مع شخصيتي ولا هما اللى وحشين
لو سألتي نفسك الاسئله دي اعرفي انك عايشه وسط فئه لاتشبهك تمام هم مش قادرين يفهموكي ولا انتي قدره تفهميهم حل المشكله هو عدم الدخول في أي جدال أو نزاع معهم ولاكن يكفي السؤال عنهم فقط
تم النشر الأحد، ٢٧ نوفمبر ٢٠٢٢
طب وبعد ما يطلعوا هما وحشين او انا وحشة ...ايه اللى هيحصل بعدها. اكيد المشكلة مش هتتحل بالاجابة دى بس. ممكن تكونى حاسة بالاذى....بس انا دايما بشوف ان كل واحد مننا شايل جزء من الغلط....يعنى لو اللى حواليا بيأذونى وانا ساكته ...يبقي غلطتهم افعالهم وغلطتى سكوتى على حقى وعدم استخدام رد فعل مناسب لافعالهم عشان تتوقف او عشان ارد حقى. الوحش والحلو ده بيتحدد على مقياس معين. مثال يعنى هما لما يضغطوا عليا عشان اذاكر وانجح ويصحونى من النوم بعد ما نمت ١٢ ساعة ( هقول هنا عليهم وحشين ) .....هنا المقياس بتاع المصلحة هيحدد ان انا اللى وحشة مش هما. طيب ولو بيصحونى وانا مخدتش كفايتى من النوم عشان العب واهزر رغم انى عندى امتحان الصبح ( يبقي هنا هما اللى وحشين ( بناءا على مقياس المصلحة بردوا) كلنا وحشين بدرجة ما وبشكل ما ...كلنا حلوين بدرجة اخرى ....خلينا نتحمل بعض من المسؤولية فاحساسنا بالاذى هيقل بشكل كبير.
تم النشر الأحد، ٢٧ نوفمبر ٢٠٢٢
طوري من نفسك وقدراتك وشخصيتك وادعي ربنا يلهمك. الصواب وعامل الناس علي قدر عقولهم لكن طالما مؤمنه بطريق ربنا راضي عنه وهو الصح مش مهم اي حد حواليكي بقي
تم النشر الأحد، ٢٧ نوفمبر ٢٠٢٢
ولا انتي وحشه ولا هما وحشين انتي بس فاهمه الحياه غلط ودا عادي ممكن يتصحح لان مش كل الناس بتفهم بعض ودا صعب اصلا فعلم النفس قراءة البشر شئ ممكن يقارب المستحيل لأنك لو اخذت بالقوانين هتوصل لنسبة ضئيلة من تفكير الشخص اللي قدامك قصدي أن اصلا نادرا مهاتلاقي حد فاهمك فانتي لا زم تدركي انك لازم تتعبي حبتين علي ما تلاقي حد فاهمك وفاهماه وغالبا في الحالات دي بننصح بالصلاه وبلاش النكد ده بقي والبؤس😂
تم النشر الاثنين، ٥ ديسمبر ٢٠٢٢
سؤال جي بعد عناء أو تعب، أو على حسب ما فهمت سؤال صاحبه تائه. طيب وبما سألتي نفسك السؤال ده وصلتي لأيه، أو عايزة توصلي ل إيه بعد ما تعرفيه؟ عارفه ليه قولت السؤال ده سؤال صاحبه تائه، لأنه لو مكانش تائه كان عرف الإجابة. اعرفي نفسك، لو عرفتي نفسك هتعرفي ساعتها ايه اللي بيحصل بالظبط. هتعرفي هل ياترى ممكن عامل السن اللي بيني وبينهم هو اللي عامل كده ولا لأ، لأن فيه فجوة كبيرة جدا ما بين الأهالي والأبناء، لأن أوقات كتيرة الأهالي لا يعرفون كيفية التعامل الجيد مع الأبناء، ولا الأبناء قادرين يفهموا إن الأهالي بيعملوا كده علشان هما اتربوا كده. علشان كده ممكن ميكنش فيه حد وحش، هو الموضوع بكل ببساطة كل واحد بيتعامل على حسب النطاق اللي مقتنع بيه هو، وكلنا فينا الوحش والحلو، بس احنا اللي بنقرر هنظهر امتى انهي واحد فيهم، وامتى يظهر. اعرفي نفسك، وافهمي اللي حواليكي، افهمي هما ليه بيتصرفوا كده، وعلشان ايه. اتمنى ليكي كل التوفيق
تم النشر الأربعاء، ٣٠ نوفمبر ٢٠٢٢
لو لسة ليكي كلام معاهم اعرفي منهم ملاحظاتهم عليكي يمكن فيه مشكلة محددة مثلا محتاجة تتصلح ودة مش عيب لو انتي متاكدة انك تمام خلاص ميهمكيش كلام حد بس بردو الواحد كل فترة والتانية محتاج يراجع نفسه
تم النشر الثلاثاء، ٢٩ نوفمبر ٢٠٢٢
الحل الامثل هنا نرجع لي ربنا ربنا حرم الكذب الخيانه الخداع السرقه وهكذا انا بعمل ايه في كسر لي قلب غيري او ظلم ليه اسألهم عن تفاصيل واراجع نفسي
تم النشر الأحد، ٢٧ نوفمبر ٢٠٢٢
لعرض السؤال في فدني اضغط هنا