نا بنت في اولي ثانوي حاليا مرت حياتي من اول متولد بل سوء يعني امي توفت ونا في الحضانه وكانت صدمه ليا وبعدها ابويا كان بيعيط قدامي وبعدها شفت هدومها وهيا فيها دم وطبعا كنت بعيط كتير لوحدي واتعود اكلم نفسي دايما وابويا كان بيشتغل فمكنش ينفع يسيبني لوحدي في اشقه كان بيسيبني عند ناس غريبه يعتبر جيرانه بس بعيد شويه قعد معاهم اخر ذل كانت في واحده كبيرة في السن هيا الي كانت طيبه معايا والحمدلله خالتي اخت امي الله يرحمها اخدتني وكان معاها. بنتين وهيا منفصله قعد معاها وعيشت مع اهلي تبع امي وابويا معرفش عنو حاجه ومرت الايام والسنين ونا كل يوم بفتكر الحجات دي وبعيط علي فراق امي وكمان بقيت بكلم نفسي في الشارع وبعيط علي حجات معرفش هيا ايه وبضحك من غير سبب واهلي دايما يتنمرو عليا بس هما بيتنمرو عليا وأنا احسن واحده واشطر واحده دراسيا ونا الوحيده الي دخلت عام الحمدلله بس بقيت ادايق من نفسي جدا ونا والله بصلي وقربت اختم المصحف بس م عرفه مالي وفي نفس الوقت م قدرا احدد ده اكتئاب وله لا... حته اصحابي بتعارك معاهم بدون سبب ونا فكامل وعي وارجع اصالحهم تاني وبزعلهم وحاليا نا عوزا حياتي امشي طبيعي بس م عرفه اعمل ايه
حبيبتي كان الله في عونك على ما مر في حياتك ،، اعلمي أن الله لطيف بعباده خبير وهو أرحم بكي من كل البشر ، انتي عندك كرب يحتاج علاج مساعدة متخصص للضروره عدم التحكم في انفعالاتك ومشاعرك سيؤثر على كل سلوكياتك فيما بعد ،، تحياتي لكي
تم النشر الثلاثاء، ٢ يوليو ٢٠٢٤
اولآ لازم نتجاهل الماضي بكل ما فيه من سلبيات وأزمات ثم تجددي ثقتك بذاتك وتعرفي قدرها ومهما كان بيواجهك من تنمر او رفض من الاخرين الا انك لابد وان تهتمي بكل ما يتم تحقيقه من تقدم ونجاح وهذا هو ما يثبت قدرك ويجعلك مميزة بين اهلك والاصدقاء وبنصحك ان تحكي كثيرآ مع اصحابك ولا تتركي نفسك للوحدة والانطواء وبالتأكيد انك في بداية حياتك والقادم افضل بكرم من ربنا بس انتي تفائلي واحسني ظنك بالله وربنا هيوفقك لكل الخير
تم النشر الاثنين، ٨ يوليو ٢٠٢٤
أنا هنا علشان أساعدك، وأنا آسفة جدًا لكل اللي مريتِ بيه. واضح إنك مريتِ بمواقف صعبة جدًا في حياتك، وأي حد في مكانك كان هايكون مضغوط وبينعكس على نفسيته زي ما حصل معاك. من اللي بتوصفيه، ممكن يكون فيه أعراض اكتئاب أو توتر مش مفهوم. ولكن، الأعراض اللي بتتكلمي عنها زي الكلام مع النفس والبكاء بدون سبب، تدل إنك فعلاً محتاجة تدخل متخصص. أول خطوة دايمًا هي إنك تدركي إنك محتاجة مساعدة، وده اللي فعلًا عملتيه دلوقتي وده كبير. هنا بعض النصايح اللي ممكن تساعدك في الوقت الحالي: التواصل مع الآخرين : حاولي تتكلمي مع حد تثقي فيه من العيلة أو الأصدقاء. مهم حد يسمعك ويفهمك. الروتين الصحي : إهتمي بنظامك الغذائي ونومي كويس وحافظي على ممارسة الرياضة حتى لو كانت رياضة بسيطة زي المشي. التمارين الذهنية : التأمل والتفكير الإيجابي هيساعدوك في السيطرة على الأفكار السلبية. التعبير عن مشاعرك : مش غلط إنك تبكي أو تضحكي من غير سبب محدد، لكن ممكن تلاقي وسيلة تعبري بيها عن مشاعرك زي الكتابة أو الرسم. المساعدة المحترفة : مهما كانت رغبتك في انك تتحسني لوحدك، مش عيب انك تطلبي مساعدة من معالج نفسي أو استشاري. فيه ناس متخصصين في تخطي الصدمات والجو اللي بتوصفيه ده. اتذكري دومًا إنك قوية وقدرتِ تتخطى حاجات صعبة جدًا في حياتك. الضغط النفسي اللي في داخلك دلوقتي محتاج اهتمام ورعاية، ومش غلط إنك تطلبي المساعدة. الله يقويك ويشفيك ويرزقك الهدوء والسكينة.
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا