اخواتي انا عندي قلق وتوتر غير مبرر ومستمر مع ضربات بالقلب سريعه والم بالكتف والظهر وخوف عند التعامل مع الناس وعند التحدث امام الجمهور اتهته في الكلام وبيحصلي الاعراض دي لدرجه مبقاش عندي اصدقاء وبقيت منعزله وبتجنب اتعامل مع اشخاص عشان محسش بكدا ايه الحل للتخلص من القلق النفسي الموضوع مستمر معايا بقاله سنه نفسي ارجع لطبعتي
انا حابه اقولك انو دا بيحصل مع ناس كتير بس الاهم انك متستسلميش لحاجات زي كدا وبتضرك والاهم انك تحاولي وفي طرق كتير ومنها انك تقربي من ربنا وتدعي انو يزيدك قوه وكمان ممكن تتعلمي تطوير النفس والتدرب ع الكلام مع النااس ولا ممكن تلاقيه من مصادر زي اليوتيوب وغيره اتمني انو تكون اجابتي مفيده ولو قليلا ولو كنت استطيع ان افيدك باكثر لكتبت ولكن هذا ما اعرفه
تم النشر الاثنين، ١٩ أغسطس ٢٠٢٤
اي اللي حصل مثلا وصلك لكده ممكن يكون حد دايقك حصلتلك صدمه اثرت فيكي ممكن يكون تعب نفسي انتي ضغطه نفسك اكيد ف سبب فهماني عاوزكي متقلقيش احنا هنا معاكي ونحاول نشوف حل نعرف طفولتك بردو كانت اي النظام وانتي عندك كام سنه كده فهماني وان شاءلله نلاقي حل
تم النشر الثلاثاء، ٢٠ أغسطس ٢٠٢٤
مارسي تقنيات التنفس والاسترخاء مارسي التامل الواعي وحاولي تركزي علي تنفسك بعدها هتبقي جاسة فعلا بالاسترخاء ولو امكن مارسي الرياضة بانتظام التامل الواعي بيديك شعور بالسلام النفسي وبيفيد في انه يحافظلك علي تركيزك وسلامك الداخلي باختصار كل اما مارستي الحاجات دي اكتر كل ما حسيتي بالهدوء وبدات فعلا تتعودي عليها
تم النشر الاثنين، ١٩ أغسطس ٢٠٢٤
حبيبتي، أول شيء حابة أقولهلك هو إن القلق والتوتر مش لوحدك فيهم، كتير من الناس بيمروا بتجارب مشابهة. وأنتي قادرة تتخطّي هذه المرحلة. بالنسبة للعلاج، فيه شوية خطوات ممكن تساعدك: التحدث مع متخصص : لو تقدري، حاولي تروحي لطبيب نفسي أو معالج نفسي. هما يقدروا يساعدوك في وضع خطة علاج مناسبة ليكي. تقنيات التنفس : جربي تمارسين تمارين التنفس العميق. لما تحسين بالقلق، خدي نفس عميق وحاولي تطلعيه ببطء. دا ممكن يساعدك تهدي أعصابك. ممارسة الرياضة : النشاط البدني مهم لتخفيف التوتر. حاولي تمارسي رياضة زي المشي أو اليوغا. ده هيحسن من مزاجك ويخلّي جسمك يفرز هرمونات السعادة. التواصل مع الناس : حتى لو كان صعب في البداية، حاولي تتواصلي مع الناس القريبين منك. اتكلمي مع عائلتك أو صديقاتك عن مشاعرك. تجنب المنبهات : لو كنت بتشربي قهوة أو مشروبات تحتوي على كافيين، حاولي تقللي منها لأنها ممكن تزيد من القلق. الاهتمام بنفسك : خدي وقت لنفسك واستمتعي بالأنشطة اللي بتحبيها، زي القراءة أو الهوايات. تذكري أن التغيير يحتاج وقت، لكن مع الجهد والصبر، هتقدر تتغلبي على القلق وترجعي لطبيعتك. إذا احتجتي أي دعم إضافي أو نصيحة، أنا هنا موجودة 😉.
تم النشر الاثنين، ١٩ أغسطس ٢٠٢٤
نبضات القلب دي يحببتي تكشفي لاكن أنتي نفسبتك مش مظبته قربي من ربنا شويا وحولي تبعدي عن اي دغط نفسي وربنا يوفقك بازن الله
تم النشر الثلاثاء، ٢٠ أغسطس ٢٠٢٤
انصحك تروحي لدكتور علشان ممكن الأعراض دي تكون غلط علي صحتك وحاولي تتعاملي مع الناس انا عارفه انو صعب بس لازم تحاولي وشيلي التوتر خالص من مخك كأن مفيش حاجه بتحصل. علشان لو حطتيه في مخك كل ما تيجي تتعاملي مع حد هتتوتري اكتر
تم النشر الثلاثاء، ٢٠ أغسطس ٢٠٢٤
هي تسرع في نبضات القلب بتحصل معي اوي فا روحت لدكتوره عشان بتعب منها كان مصاحب معها معدتي بتقلب وبحس بتعب شديد هي من التوتر والقلق نفسيتي كانت بتتعب اوي فا هي اغلبها من المشاكل وعدم ثقتي بنفسي واني معنديش صحاب ولحد الان كده
تم النشر الاثنين، ١٩ أغسطس ٢٠٢٤
لأزم يكون في ثقه بالنفس عشان تعالجي الموضوع والعاملين مع الناس وكأنهم أشخاص عاديين
تم النشر الاثنين، ١٩ أغسطس ٢٠٢٤
هل الضربات السريعة والخوف أعراض دائمة أم متقطعة؟ وهل كنت تتعرضين لمواقف ضاغطة أو مرهقة في الفترة المذكورة؟
تم النشر الاثنين، ١٩ أغسطس ٢٠٢٤
لعرض السؤال في فدني اضغط هنا