منذ 3 سنوات، لدى شعور يزداد مع الوقت بكره كل البشر وحتى جميع الكائنات الحية،أنا لا اتمنى الشر لأحد أو أأذى أحد فقط أكرهم ، كنت أفكر لماذا؟ جاوبتنى نفسى لأن الناس ظلمتنى كثيراً و تأذيتى كثيراً
أنا بطبيعتى دموعى قريبة يعنى بمجرد أن أحد يظلمنى أو حتى يسيئ معاملتى
في الحقيقه الناس تنقسم لنوعين في حياتي اما زملاء معي بالمدرسة اصدقائي جميعا يكرهونني انا لا ادافع عن نفسى لكن والله والله والله وانتم لا تعرفونني فلا اضطر ان احلف ولكن لقول الصدق احلف انا لا اؤذي احدا قط ، انا دائما وبفضل الله الاولى على المدرسه ومدرسيني يحبونني لكن اصدقائي لا يحبوننى على الرغم من تعاملى الطيب مع الجميع زملائي كثيرا ما اتهمونى بأفظع الأشياء دون حتى مبرر لذلك وكانوا يقولون للمدرسين وبقية زملائى ليكرهوننى و كثير من الأحيان يوقعوني بأشياء لا اعرف عنها شيء ويتحدثون عني بسوء و ويخوضون فى عرضى ويقولون انى أحب شاب حتى كرهوا العالم كله بى ومن كثره اذاهم لي وكرههم لي أبى قال لي انك سيئه اكيد ان هؤلاء الناس جميعا غير مستهدفينك ويكرهونك بدون سبب وحتى انا لفتره كرهت نفسي و ظننتنى سيئة انا اعلم ان هذا اختبار من ربي ولكني لا اتحمل كره جميع الناس لي وظلمهم لي فلذلك اكرههم جميعا واكره من ظلمني القسم الاخر هو اهلي وهم اناس طيبون ولكن الاحظ حبهم لاخي واختي الكبار فقط لكونهم اطباء مازالوا بالكلية ما شاء الله وانا مازلت صغيره فيفرقون في معاملتهم لنا ويحبونهم ان ياكلوا و إن أكلت أنا يحاسبوننى بكل ما دخل فمى و يصرخون على وكذلك يكرهون ان ياتون بشيء ما لى ولكن يكونوا سعيدون أن جاءوا لإخوتى بأشياء وحتى اخوتي حينما يكون لدي اي شيء ياخذونه مني ولا عمري رايت منهم شيء انا كثير ما فكرت التخلص من حياتي ولكن خوفى من النار أكبر وما باليد حيلة وحتى في الفتره الأخيرة أبى اعتقل لأسباب سياسية كالعادة وكل شئ جاء علي، اعمل اى ؟😭اتمنى الرد لإنى فى حالة سيئة جداً
لازم تحبي نفسك و تحبي الحياة عشان كلو يبقي كويس ، انا زيك و لكن فرق معايا لما عملت ده
تم النشر الاثنين، ١٥ يوليو ٢٠٢٤
فى البداية كده. واضح من اسلوبك لسرد المشكلة انك بنوته حساسه جدا ولابقه فى الحديث ومثقفه جدا. لكن التعامل مع المحيط اللى حواليكى سبب ليكى أذى نفسى كبير.كلنا بيجى علينا وقت وبنتعرض لمواقف صعبه وبتأثر علينا وعلى نفسيتنا جدا لكن درجة استجابة كل واحد فينا للمشكلة بتختلف عن التانى.وانتى شخصية هاديه وحساسة والمواقف اللى ذكرتيها أثرت عليكى نفسيا. المواقف اللى بنتعرض ليها مش بتنتهى وبتكون مختلفة لكن احنا لازم نقوى نفسنا علشان نقدر نتحمل المواقف دى وتأثيرها علينا بالسلب ممكن يخلينا نفكر بطريقةاندفاعية. فى البداية دايما تحافظ على صلتك بربنا وتعلقك بيه لأن ده بدايه كل حاجه صح فى حياتنا. ثقتك بنفسك اهم حاجه لازم تركزى عليها .قوى نفسك وحبيبها واديها ثقة لأنها تستحق اكتبى كل اللى جواكى باستمرار وده هيفرق معاكى جدا اكتبى إنجازاتك وكل حاجه بتحبيها لأنها هتكون دافع لحاجات كتير حلوه ممكن تعمليها لو فى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الثلاثاء، ١٦ يوليو ٢٠٢٤
اشكرك علي كلامك وانك بتحاولى تلاقي حل دى حاجه جميله منك ومبسوطه انك بتحاولى تغيرى من الحجات الي بتمرى بيها اعتقد فى اشارات كتير ربنا بعتهالك بس يمكن انتى مفهيمتهاش يمكن الظروف دى المفروض تقربي من ربنا اكتر والمفروض تحبي نفسك انا استغربت انك بتلومى نفسك وبتكرهيها مع انك متستاهليش الكره ابدا كل الي حكتيه انتى ملكيش ذنب فيه نهائي فكرة انك بتكرهى الحيوانات دى ممكن تكون حاجه من اوائل مشاكل كبيره انصحك تحاولى تحبي نفسك وتؤمنى أن فى مستقبل جميل ينتظرك انا عارفه أن ممكن كلامى يكون كلام من الي اى حد بيصير حد بيه ولكن فعلا لو حبيتي نفسك وعرفتى قيمتها مش هيفرق معاكى كلامهم يمكن رزقك مش ف أهلك مش كل الناس اهلهم كويسين معاهم حاولى تعملي. الي تقدرى عليه على ما ربنا يعوضك بحد ف المستقبل تكونى معاه اسره سويه وتحققي فيها كل الاحلام إلى كان نفسك تعيشيها اوعى تأذى حد ابدا لمجرد انك عاوزه تحسسي إلى قدامك بنفس معاناتك عارفه انك معملتيش كده بس بفكرك أن ده هيكون حاجه خطيره انا معاكى ف اى وقت واتمنى تكونى دايما كويسه وبخير ربنا معاكى ويعوضك خير يارب🤍
تم النشر الاثنين، ١٥ يوليو ٢٠٢٤
حبيبتي، اسمعيني، الوضع اللي بتعيشيه حقيقة صعب والضغوط اللي عليكي كتيرة. مشاعر الكراهية اللي انتي حاسة بيها نابعة من تجارب قاسية ومؤذية مررتي بيها. وفي الأول لازم تعرفي إن مشاعرك مشروعة وحقك إنك تعبري عنها. زملائك في المدرسة بيظلموكي وبيحكوا عنك كلام مش حقيقي، دايماً الأوائل في الدراسة بيكونوا عرضة للحسد والغيرة. ما بأقولش إن ده مبرر لتصرفاتهم، بس لازم تفهمي إن في ناس غيرة بتتحكم في تصرفاتهم وبيؤذوا الآخرين عشان يحسوا إنهم أحسن. أما بالنسبة لأهلك والتمييز اللي بتحسيه، أنا آسفة إنك بتحسي بالظلم ده. بس حاولي تفهمي إن الأهل برضه بشر بيغلطوا ومش على طول بيكونوا واعيين بتصرفاتهم. الأهم الآن هو كيف تتعاملي مع كل ده. فيه خطوات ممكن تساعدك: التعبير عن النفس : جربي تكتبي مشاعرك في دفتر يومي. الكتابة ممكنة تساعدك في التنفيس عن غضبك وحزنك. طلب الدعم : حاولي تتحدثي مع أي شخص تثقي فيه، ممكن يكون أحد أفراد العائلة، أو مرشدة في المدرسة، أو حتى معالج نفسي إذا كان ده متاح. تحسين مهارات الدفاع عن النفس : حاولي تتعلمي تتكلمي وتقفي قدام اللي بيظلمك، بطريقة محترمة بس حازمة. الركون إلى الله : الاستمرار في الدعاء والصلاة، وأفتكري دايماً إن ربنا معاك وبيسمعك. العناية بالنفس : اهتمي بنفسك وصحتك، اتبعي نظام غذائي صحي، وحاولي تمارسي أي نوع من الرياضة، حتى لو كانت مشي بسيط. وأخيراً، تذكري إنك إنسانة قيّمة ووحيدة في هذا العالم، وإنه مهما كانت الظروف صعبة، إنتي أقوى منها. وأنا معاك، كلميني لما تحتاجيني. 💕
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا