بصي يا اختي .احساس الدونية ده في علم النفس .ده نوع من الشخصيات .بس ممكن تتخلصي من الصفه دي .عن طريق تغير البيئه المحيطه بيكي .وانك تحطي انجازات كل يوم حتي لو صغيرة وماينفعش تنامي الا لما تنفذيها.واهم حاجه التقرب من الله والالتزام بالصلوات الخمسة .بعد فترة هتلاقي نفسك اتغيرتي وبقيتي مدمنة نجاحات وعايزه تعملي انجازات اكتر واكتر وعايزه تحققي ذاتك ♥️
تم النشر الجمعة، ١٣ يناير ٢٠٢٣
هو ليه اسباب كتير ممكن يكون واحد من الي هقولك عليهم تقليل دايما من الاهل في الطفوله ودايما شايفين انك مش نافعه ف حاجه او انك محققتيش التارجت الي هم عايزينه في مرحله الطفوله وبدايات المدرسه ممكن مكنش ليكي صحاب كتير او كنتي انطوائيه او كنتي بتتعرضي للتنمر ممكن دخولك ف علاقات عاطفيه الشخص فيها نرجسي او سيكوباتي دايما كان بيكسر دفاعاتك النفسيه ويقلل منك ومهما عملتي انتي مبتعمليش حاجه ومش كفايه ليه تعرضك لتجارب فقد او خيانه ممكن كمان توصلك الاحساس ده بأختلاف الاسباب حطي قدامك كل مميزاتك انتي مميزاتك كتير جدا واكيد انجزتي حجات كتير كمان اكيد شكلك حلو ومش ناقصك حاجه وربنا مصورك في احسن صوره حطي قدام عينك كل خطوه طلعتيها وكل مشكله مريتي بيها وحليتيها شوفي نقطك الحلوه وجوانبك الجميله الي جواكي فعلا مش اسقاطات الناس الوحشه عليكي لان مش ضروري كل الي حوليكي اسوياء ممكن يكون شخص محيط بيكي شايف قد ايه انتي جميله وناجحه ومميزاتك حلوه مش عارف يبقا زيك واصلا غيران من نجاحك وهو مش متحمل انه سيئ ف بيبدأ يحط شعوره لنفسه بالدونيه عليكي مش انا القليل لا انتي الوحشه القليله انتي اقل من ان حد يبقا معاكي مثلا هو بيلبسك نفس اللبس بتاعه عشان مش طايقه ومش طايق نجاحك ف ثقي من انك حد كويس حدا وشوفي نفسك من عينك مش من عيون الناس
تم النشر الجمعة، ١٣ يناير ٢٠٢٣
فى الغالب الاحساس ده يكون سببه عدم اشباع من الطفولة ( الاهل مكانوش بيدوا ليك تقدير واحساس كافى بالفخر بذاتك) او تقدير كان منتظر من حد معين وللاسف مكانش بيقدرك بالشكل الكافى ولذلك اخدتها قاعدة معممه رغم ان ممكن يكون فى ناس بتحبك ومقدراك لكن انت مش حاسسهم عشان اخدت الفكرة دى من الموقف القديم وبقت ثابته. هل فى حاجة من دول تنطبق؟
تم النشر الجمعة، ١٣ يناير ٢٠٢٣
الاهل .. هم اللي بيخلوا الانسان يا واثق ف نفسه يا يحس انه اضعف من اضعف نمل
تم النشر الأربعاء، ١ فبراير ٢٠٢٣
طيب انا قرأت في التعليقات ان السبب أهلك .. وانهم محسسينك ديما انك مش كفاية، او انك مش بتعملي اي حاجة صح؟ معظم الاهالي ممكن يكونوا بيعملوا كده على سبيل التشجيع للاسف .. طبعا هو أسلوب مؤذي جدا ولكن بيعملوه من اجل انك تكوني افضل .. انك تبقى احسن .. زي مثلا مقارنتهم بيكي وبين اي حد .. بصي مثلا ديه بتعمل كذا وكذا وانتي لا. هما بيبقوا هدفهم انك تبقى احسن منها. يعني تقدري تقولي كده النية خير ولكن العمل سئ. ده بعض الاهالي بتسخدمه مع ابنائهم. ولكن علشان الفكرة تطلع من دماغك .. طبعا هتحتاج منك مجهود. ولكن هي مش مستحيلة. ايه رأيك تفكري في النية .. نيتهم الفعليه ليكي .. وعايزة اسالك هل كل حاجه بتعمليها بتفشلي فيها؟
تم النشر الجمعة، ١٣ يناير ٢٠٢٣
أحمد عطا الله .. تعليقك الأول غريب جدا .. يلزمك الاعتذار للعضوة صاحبة السؤال عن هذا التعليق المستفز
تم النشر الجمعة، ١٣ يناير ٢٠٢٣
مين قال اصلا ان دي مشكلتي يافندم انا واحده اهلها داينا محسسنها انها مش كفايه مين جاب سيرة الإباحيّة استغفر الله ربنا يحمينا
تم النشر الجمعة، ١٣ يناير ٢٠٢٣
أحمد عطا الله .. اولا تعلم اداب الرد وفكرة عمل والهدف من هذا التطبيق قبل أن تتكلم أن ترد على احد يعني فلتقل خيرا أو لتصمت وايضا الكلمة الطيبة صدقة فلا تزيد الطين بلة بردودك اللسانية هذه التي لم تعرف طريق عقلك قبل خروجها من فمك وفي النهاية تعلم قبل أن تتكلم ، ثانيا الشعور بمشكلة نفسية لا نستطيع الجزم والحكم عليه بسبب واحد فقط فلكل مشكلة نفسية اسباب كثير جدا تختلف من شخص لاخر ولكن حكمك المتسرع علي مشكلة دون معرفة ظروفها او حياة الشخص المنوط بالمشكلة يضر ولا ينفع ، فقد تكون نفس المشكلة في اكثر من شخص ولكن تختلف مسبباتها فلا نستطيع الحكم عل مشكلة شخص حتي لو توافق سببك المزعوم مع نفس المشكلة لدي شخص اخر . وفي النهاية هدانا وهداكم والله
تم النشر الأحد، ٢٩ يناير ٢٠٢٣
الفكرة دي حسيتي بيها في موقف و حطيتها في دماغك و اعتنقتيها يعني آمنتي انها حقيقية، و بالتالي عقلك الاواعي قرر يحسب اي امر بناء علي ده ، غيري اسلوب فكرك.. اي انسان ربنا خالقه له قيمة و احترام و شخصية، و قدرات.. لو بتعامل مع الغير و حسيت بعدم تقدير من الاول من حقي انسحب، لو اتعامل بحسن نية او طيبة و اللي قدامي استغل ده يبقي العيب مش فيا، لو اتعامل مع انسان ناقص سواء نقص عقلي او نقص خُلقي.. و استغل قدراتي او اساء استغلالي فده مش غلطتي بالكامل و برضه الإنسان بيتعلم من غلطه، و بيتطور خُلقيا و عقليا، المخ عضلة زي اي عضلة بس عيبه ان ارض خصبة الأفكار اي فكرة بتتزرع فيه بواسطة صاحبه فبيصدقها فنصحية بلاش توهمي نفسك انك اقل من غيرك او كفء بس مش بالقدر الكافي.. لانه ده الغلط ذاته. ربنا يصلح لك الأحوال.
تم النشر الجمعة، ١٣ يناير ٢٠٢٣
ربنا يعينك على دماغك بجد متخيل كلمه بتعمل ايه في بني ادم الله يعينك والله
تم النشر الجمعة، ١٣ يناير ٢٠٢٣
ياريت ماتحكمش من غير ماتعرف كل حاجه بعد كده
تم النشر الجمعة، ١٣ يناير ٢٠٢٣
طب لنفسك انت مستقبلا ماتبنيش خيالات في دماغك علي حساب حد انت ماعشتش ظروفه
تم النشر الجمعة، ١٣ يناير ٢٠٢٣
هو انا ماسك فى رقبتك.وبحكم.عليكى دانت فعلا عندك.مشاكل فى الخوف من المجتمع وإحساس بالعار شديد ضيفهم لمشكلة ادفقدان الثقة
تم النشر الجمعة، ١٣ يناير ٢٠٢٣
ربنا يكون فى عونك دى مشكلة صعبه فعلا وليكى كل الحق فى انك.تعبري عنها
تم النشر الجمعة، ١٣ يناير ٢٠٢٣
والله مانت فاهمه حاجه.الاباحية سبب مهم لفقدان الثقة بالذات وده مش تهجم على شخصك او تشوية فى صورتك اطلاقا انما نصيحة بريئة مش أكتر
تم النشر الجمعة، ١٣ يناير ٢٠٢٣
مش مضحك لكن ظاهرة عامة
تم النشر الجمعة، ١٣ يناير ٢٠٢٣
انت شايف الموضوع مضحك وبعدين منين المعلومه دي اصلا🙂
تم النشر الجمعة، ١٣ يناير ٢٠٢٣
ممكن بسبب الاباحية😄
تم النشر الجمعة، ١٣ يناير ٢٠٢٣
لعرض السؤال في فدني اضغط هنا