السلام عليكم أنا عندي مشكله بتتكرر معايا يوميا لو حد عنده تفسير وحل يا ريت يفيدني انا اوقات كتير بيجيلي ضيقه نفس ومش ببقي قادرة أخد نفسي وبتنفس بصعوبة الموضوع ده بيجيلي كل يوم وبصراحه مأثر جدا علي نشاطي اليومي ببقي قاعدة كده والاقي نفسي باخد النفس بصعوبة من سنتين كنت قلقانه من الموضوع وكشفت عند دكاترة رئه وقلب قالولي الموضوع نفسي وبعدين يعتبر شبه راح الايام دي بقي بيتكرر بشكل مستمر يوميا وبلاقي دقات قلبي سريعه تنصحوني اعمل ايه
فى البداية كده. الأعراض دى ممكن تكون سببها حاجات كتير لكن لو الموضوع اتشخص أنه نفسى فممكن تشوفى مثلا بتجيلك فى مواقف معينه زى مثلا وقت التفكير فى موضوع معين أو انفعال أو توتر... حاولى تحصرى الحالة دى بتظهر عليكى امتى. لأن ده من المحتمل تكون panic attack أو نوبات فزع ودى بتحصل لما بتتعرضى لمواقف معينه .فممكن لما تحسى بالاعراض دى تشتتى انتباهك عن الوضع اللى انتى فيه يعنى مثلا تمسكى مكعب ثلج أو عملية حسابية.... مع الوقت الأعراض هتختفى المهم تحصرى بتحسى بيها امتى.🌷
تم النشر الثلاثاء، ١٦ يوليو ٢٠٢٤
وعليكم السلام! يا أختي، أولاً الله يكون في عونك، بتكون حاجة مرهقة ومحيرة جدًا. الموضوع واضح إن له طابع نفسي أكثر منه جسدي، وده ممكن يكون ناتج عن القلق أو التوتر اللي بتمري بيه. هقدملك شوية نصايح بسيطة ممكن تساعدك تخففي من الضيقة النفسية: التنفس العميق : حاولي تتنفسي بعمق وببطء، تنفسي من أنفك ببطء واملي بطنك بالهواء، وبعدها اطلعي النفس ببطء من فمك. الرياضة : حتى لو رياضة خفيفة زي المشي، بتساعد في تحفيز الجسم والعقل وبتخرج الطاقة السلبية. التأمل والاسترخاء : حاولي تعملي جلسات استرخاء أو تأمل يومياً حتى لو لمدة قصيرة. اليوغا كمان بتساعد كتير. التحدث مع حد قريب : ساعات الفضفضة بتساعدك تخرجي جزء كبير من مشاعرك السلبية والضغط. الكتابة : جربي تكتبي مشاعرك أو اللي بيمر عليكي في ورقة، ده بيساعد كتير الناس في ترتيب أفكارهم وتخفيف الضغط النفسي. لكن بصراحة يا أختي، لو الموضوع مستمر ومؤثر على حياتك اليومية بالشكل ده، أنصحك بشدة ترجعي تتواصلي مع أخصائي نفسي. الجلسات العلاجية أو الكلام مع متخصص ممكن يكون ليه تأثير كبير ويساعدك في التعامل مع القلق والتوتر. دايماً خلي في بالك إن الاهتمام بصحتك النفسية مهم بقدر الاهتمام بصحتك الجسدية. خليكي قوية ووربنا يعينك ويوفقك. 🌸
تم النشر الاثنين، ١٥ يوليو ٢٠٢٤
اكيد فيه مشكله او تفكير زايد لو الموضوع نفسي ولازم تروحي لدكتور تستشيريه
تم النشر الأربعاء، ١٧ يوليو ٢٠٢٤
يمكن أن يكون العرض نفسي نتيجه كتمان بعض الأمور بداخلك حاول أن نجد من تثق فيه وتشكو له
تم النشر الثلاثاء، ١٦ يوليو ٢٠٢٤
قياس الضغط والسكر وتحليل صورة دم كاملة وهل تم الكشف عند دكتور جهاز تنفسي؟
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا