السلام عليكم ورحمه الله وبركاته
انا الحمد لله بصلي و بقيم فروضي بس حاسة ان فين هدفي في الحياة ، حياتي بين الكلية و الشغل و البيت مش عارفه اذا كنت هقدر اكون ام صالحة في يوم من الايام و لا هندم على القرار دا
ازاي اعرف دوري او انا ممكن اكون كويسة في انهي دور
ازاي اقدر اكون مؤثرة بالايجاب في اللي حواليا
ازاي اكون ام صالحة لأولادها
نفسي يكون ليا دور بجد اقدر على الاقل القى الله به
السلام عليكم ورحمه الله وبركاته مش قادره اقول لك قد ايه انا مبسوطه جدا جدا جدا بسؤالك ده يعني بيكون في ناس كده في في وسط اسئلتهم اللي ممكن تكون لها علاقه مثلا بالدراسه او لها علاقه بصحابهم او بوقت فراغهم او انهم بيدوروا على شغل بحب اجاوب على الحته بتاعه الهدف دي قوي فيعني السؤال الجميل وبيدل على انك شخصيه محدده وبتدوري على شيء محدد وما بتحبيش العشوائيه خالص فيعني شابوه ليكي على السؤال ده وعلى انك بتدوري على اجابه السؤال خليني اخذ معاكي الموضوع من اول واحنا ربنا خلقنا ليه ربنا خلقناه علشان نعبده فاحنا الهدف الاساسي بتاعنا اللي لازم نكون واعيين ليه جدا جدا هو انه احنا موجودين كل يوم علشان نعب ربنا طيب عباده ربنا هل هي فقط في الصلاه والفروض والامور اللي هي يعني امور فروض دينيه واضحه جدا ليها علاقه بالعلاقه ما بيني وبين ربنا عن طريق الفروض المكتوبه؟ لا مش هي دي بس العباده بتكون في كل شيء انا طول اليوم محتاجه اركز انه انا هدفي اصلا ان انا اعبد ربنا فقبل ما اعمل اي حاجه في يومي انا الحاجه اللي انا هعملها دي بعبد فيها ربنا فعلا. ولا هي كده ملهاش علاقه بعبادتي لربنا طيب ممكن تكون هي حاجه كويسه ولكن انا مش عارفه هو فين عباده اللي ربنا فيها فمحتاجه هنا ان انا ادور على ايه النيه اللي انا محتاجه استحضرها في الحاجه اللي انا بعملها دي علشان تكون الحاجه دي فعلا بتمثل عبادتي لربنا دي من اهم الاهداف اللي الواحد محتاج يركز فيها طيب هو انا ممكن اعمل ده في ابسط الاشياء اه انا ممكن اعمله في ابسط الاشياء يعني انا هقوم دلوقتي علشان احضر الاكل يعني فين عباده ربنا كده انا هعبد ربنا ان انا لو لسه بنت ما تزوجتش فانا بعبد ربنا في اني ببر امي اني بساعدها باني بشيل جهد من عليها ده خلاص كده تمام طب لو انا متزوجه يبقى انا بعبد ربنا هنا ان انا نيتي ان انا أهيأ بيت مناسب لاولادي ولزوجي علشان يكونوا مسلمين صالحين فبساعدهم ان جسمهم ياخذ اكل نظيف وكويس فيكونوا مبسوطين ويكونوا مرتاحين في الجزء الجسماني فيقدروا هم كمان يعوضوا ربنا بشكل كويس من ابسط الحاجات حتى كوبايه الشاي اللي هعمل هعبد بها ربنا ازاي اعود ربنا بان انا انا بشرب كوبايه الشاي دي عشان اركز علشان اقوم اعمل بقيت واجباتي بتركيز عشان يكون ذهني صافي زي ما أنا محتاجة بالظبط فأبسط الأشياء أنا محتاجة أستحضر فيها نية الهدف الرئيسي اللي هو عبادة ربنا يا رب أكون وضحت النقطة دي كويس قوي وهكملك في الفويس الجاي. تعالي بقى نبدا نشوف لو احنا عاوزين فعلا نحط لنفسنا اهداف هنبدا الاول نحط هدف كبير لحياتنا الهدف الكبير ده انا احب اقف قدام ربنا واجاوب على السؤال بتاع عن عمرك فيما افنيته هجاوب على السؤال ده ازاي ايه الاجابه اللي انا هكون فخوره بيها وانا بجاوب على السؤال ده ولازم احط عنوان للاجابه مثلا ممكن في واحد يقول انا يا رب قضيت عمري في العلم وكنت بسعى ان انا احط اسم الاسلام باني اكون عالم مسلم قدوه وأفيد البشر كلهم باكتشاف جديد يعالج مرض معين ده كان هدفه في الحياه فدي الاجابه اللي هو يقول انه انا افنيت عمري في الجزئيه دي كل واحد فينا يقدر يحط هدف مش لازم يكون بالكُبر ده مش لازم يكون ان انا اكون عالم واكون صاحب اعمال او مش شرط الهدف يكون حاجه باللي احنا متعودين عليه ان هو يكون حاجه كبيره قوي كده واخد جائزه كذا لكن محتاج ان انا اكون شخصي فخور بالهدف ده يوم ما أحققه فعلا. الهدف الكبير ممكن يكون انه انا احب اكون كهدف في الحياه ان انا عاوزه اكون مسلمه صالحه تأثر في اللي حواليها باثر طيب وتساعدهم ده ممكن يكون هدفي فهبقى طول الوقت بدور في المحيط اللي حواليا انا اقدر اعمل ايه للناس اللي حواليا انا اقدر ازاي اكون سايبه اثر طيب كل الحاجات دي ممكن تكون بسيطه جدا لكن اثرها فعلا كبير جدا ممكن اكون بركز في اني الناس اللي باين عليهم جدا ان هم متضايقين وزعلانين ان انا اسلم عليهم كل يوم وابتسم في وشهم ان انا يكون دايما في جيبي بونبوني ولما اشوفهم اقول لهم صباح الخير ودي مني ليك حاجه حلوه علشان تحلي يومك الحاجات دي على قد ما ان هي بتبقى بسيطه على قد ما هي بيكون اثرها حلو على قد ما انا هكون عارفه ان دي اللي انا رابطه بيها هدفي في الحياه واقدر بقى اطور من الحاجات اللي انا هعملها المهم انها في الاخر تؤدي للهدف اللي انا محدداه لنفسي ممكن احط اهداف تانيه كتير جدا صغيره تحت الهدف ده فانا ممكن ابدا اتعلم حاجه واعلمها للي حواليا في سبيل ان انا اكون مسلمه بتساعد اللي حواليها وسايبة أثر طيب أنا ممكن أتعلم أكلة معينة عشان خاطر أطبخها وأوزعها على اللي حواليا فأبقى أنا كده عملت أثر طيب وهكذا. يعني أقدر كل ده أربطه بالهدف بتاعي، طبعا كل ده كان مثال تقدري إنك تستعيني به في إنك تحطي أي هدف وتبدأي تنزلي به بأهداف صغيرة وإن شاء الله يا رب حياتك كلها تكون في رضا ربنا وتكوني فخورة باللي انت هتحققيه في الآخر.
تم النشر الخميس، ٦ مارس ٢٠٢٥
وعليكُُ السَّلام و رحمةُ اللَّه وبركاتُه... دورِك فِ الحياة تفهميه لمَّا تعرفي إن ربنا خلق الأنثىٰ سكن للي حوليها ومن ضمنهم الزوج تكون سكَن لِيه تعينه على مصاعب الحياة وتدعمه نفسيا وكل الكلام ده... الحقيقة مع التشتت الموجود إنك لازم تشتغلي و الشهادة و وتنزلي هو الحقيقة ممكن تكوني أُجبرتي على حاجة زي كده" انك تصرفي على نفسك لـ كذه سبب زي انك متحوزتيش، معندكيش حد يصرف عليكِ وكده " بس الدور ده دور الخليفة ده دور الراجِل مش دورنا إحنا خالص جو الشغل و كده وده من وجهة نظري انا بحس الموضوع بيلعب ع النفسية وكده لكن انتي ممكن تطوري نفسك اي تثقفي نفسك من خلال انك تتعلمي حاجة مهارة تفيدك وده بيجي بالتجربه عشان تعرفي شغفك مثلا... نقُطة ازاي تكوني أم صالحة،الموضوع إنك بتعدِّي نفسك لـ حاجة زي كِده من خلال إنك تصلحِي نفسك دي حاجة، وإنك كمان تاخدي دورة فِ موضوع التربية وممكن أرشح لـ حضرتك دورة على يوتيوب مجانِية لـ دكتور عبد الرحمن ذاكِر الهاشمي على يوتيوب الدورة هتلاقيها فِ قوائِم التشغيل فِ قناة فقه النفس الدورة إسمها أ ب تربية... وربّ يصلحلك حالك ويطمن قلبك..
تم النشر الخميس، ٦ مارس ٢٠٢٥
عزيزتي. كل ميسر لما خلق له. وعلى نيتكم ترزقون. ما عليك سوى السعي. والاجتهاد. واليقين في الله عز وجل. بالصلاه. والاخلاص. نحصل على ما نريد. لا تقلقي من المستقبل. عيش يومك بما يرضي الله عز وجل. من سعي. واجتهاد. وتفاؤل. يقول الله في حديثه. انا عند ظن عبدي. فليظن عبدي ما يشاء. فقولي. وظني فيك يا سندي جميل. كل ما تعتقدينه. من ايجابي. او سلبي. سوف يكون. حولي فكرك.. وسعيك. واجتهديك. بطريقه ايجابيه. وتطمني. هتبقي ام صالحه؟ وعظيمه في عين اولادك.
تم النشر الجمعة، ٧ مارس ٢٠٢٥
وعليكم السلام ورحمة الله وبركاته كم هو جميل سؤالك، ومتميز، وينم عن شخصية واعية ذات ضمير حي، ويقظة روحية مُفتقدة هذه الأيام. دعيني أخبرك بأن بداية التعلم والوعي والمعرفة والإدراك سؤال. بالنسبة لسؤالك فإن ما يميزه أنه ليس هناك إجابة نموذجية له؛ بل إن إجابته تختلف باختلاف سائله وظروفه والزمن والمكان الذي يحيا بهما. فالطبيب يقف على ثغر مهم جدًا وإن لم يدرك ذلك، والمدرس كذلك حارس لثغر غاية في الأهمية، الأب، الأم، القاضي، المهندس ... الخ كل إنسان منا يقف على ثغر من ثغور الحياة، وكلها على نفس القدر من الأهمية وإن ظننا عكس ذلك. فالثغر لا يجب أن يكون حربًا نخوضها، أو شيء خارق حتى نقول عنه ثغرًا، بل إن الثغر قد يكون أمرًا غاية في التفاهة من وجهة نظرنا الإنسانية كإزاحة كيس حلوى ألقاه أحد ما فصار منظره يشوه الشارع النظيف. أنت الآن طالبة، أيًا كان التخصص الذي تدرسين فيه ابحث فيه عن ثغرك، وكذلك في عملك. تتسائلين عما إذا كان بإمكانك أن تكوني أمًا صالحة أم لا، اسعي لهذا من الآن. ابدأي في البحث عن الكتب التربوية والدورات التعليمية سواء كانت مجانية أو مدفوعة، تعلمي كيف تكونين أمًا صالحة، وكيف تربين أبنائك كما يحب الله ويرضى. وإن برعتي في هذا الدور فصدقيني هذا بالدنيا والآخرة وأعظم ما يمكن أن تفعليه في الدنيا باذن الله
تم النشر الخميس، ٦ مارس ٢٠٢٥
وعليكم السلام ورحمة الله وبركاته. أولاً، أشكركِ على صراحتك وإفصاحك عن مشاعرك وأهدافك. إن السعي نحو تحقيق الهدف في الحياة يتطلب تفكيرًا عميقًا واستمرارية في العمل. إليك بعض الخطوات التي يمكن أن تساعدك على تحقيق ذلك: تحديد الأهداف : حاولي التفكير فيما يشغفك وما يجعلكِ سعيدة. ابدئي بتحديد أهداف صغيرة وقابلة للتحقيق، ويمكنكِ توسيعها لاحقًا. فكّري في ما تريدين أن تفعليه في حياتك، سواء في العمل أو في الأسرة أو حتى في النشاطات الخيرية. اكتساب المهارات : حاولي تطوير مهاراتك في المجالات التي تهمك. قد تكون هذه المهارات ذات صلة بدراستك أو هواياتك. التعليم المستمر يساعدك في تحسين قدراتك وزيادة فرصك في التأثير الإيجابي. كوني قدوة : كوني نموذجًا يُحتذى به في القيم والأخلاق. عاملي الآخرين بلطف واحترام، واجعلي من نفسك شخصًا يدعو إلى الخير. التواصل مع المجتمع : شاركي في الأنشطة المجتمعية أو التطوعية. ذلك سيمكنك من التعرف على أشخاص جدد، ويعطيك فرصة للمساهمة في تغييرات إيجابية. تخطيط الأسرة : إذا كنتِ تحملين طموحًا في أن تكوني أمًا صالحة، فابدئي بالتفكير في القيم والمبادئ التي ترغبين في غرسها في أطفالك. التعليم الروحي والأخلاقي سيكون أساسًا لبناء شخصياتهم. التوازن : حاولي إيجاد توازن بين الدراسة، العمل، والأسر. كل جانب من جوانب حياتك مهم، ويجب أن تعطي لكل جانب حقه. نية صادقة : اجعلي نيتك خالصة لله عز وجل في كل ما تفعلينه. هذا سيعطي عملك بركة ويجعل كل جهد تقومين به مثمرًا. تذكَّري دائمًا أن المسير نحو تحقيق الأهداف يحتاج إلى وقت وصبر. اسعي لتحقيق الأفضل، وكوني على يقين أن الله تعالى سيوفقكِ في مساعيكِ وخططك.
تم النشر الخميس، ٦ مارس ٢٠٢٥
حد يعرف ليه بيعمل كده
تم النشر الجمعة، ٧ مارس ٢٠٢٥
أولا تأنيب الضمير ده شئ جميل ونابع من نية سليمة .. واجابة السؤال انك تكتبي مجالاتك زي اطفالك ، زوجك ، شغلك .... وجنب كل واحدة تكتبي شئ إضافي تقدميه لوجه الله .. مثلا الأطفال اقلل الهاتف منهم ، الشغل ازيد جهد على حاجة معينة وغيرها .. بالتوفيق ... مع العلم ان ده لا يعني التفاني المبالغ في الشغل على حساب الراحة لان مع الوقت هيسبب نتائج عكسية .. تحياتي
تم النشر الخميس، ٦ مارس ٢٠٢٥
طول ما انتى بتحافظى على مبادئ الدين وعلى نفسك هتكونى رقم واحد لاى شخص يريد الزواج منك لانك باختصار من تعمقك بالدين هتقدرى تحافظى على نفسك اولا وهتكونى زوجة صالحة لزوجك وهتقدرى تكونى اعظم ام لاولادك وربنا هيكرمك انتى وزوجك بإذن الله وتربى اولادك على مبادئ الدين الكويسة وهيكونو زرية صالحة ليكى ولزوجك لان دى رسالتك ومعاملة الزوج بمثابة معاملة الاب نصيحة مهمة جدا تحياتى للجميع
تم النشر الجمعة، ٧ مارس ٢٠٢٥
ربنا يرزقنا جميعا السكينه والستر
تم النشر الجمعة، ٧ مارس ٢٠٢٥
انتى امرآه يعنى سلاح ذو حدين بامكانك تعمير او تدمير تعميرك يعنى دينك عيشى حياتك كما يقول رسولك محمد صلى الله عليه وسلّم
تم النشر الجمعة، ٧ مارس ٢٠٢٥
ابتدي اتعلمي فمثلا اتعلمي فقه سواء بقا الطهارة والصلاة والصيام والزواج علم الفقه مهم ويساعدك فى معرفة الصح من الخطأ فى الصلاة والطهارة والصيام
تم النشر الجمعة، ٧ مارس ٢٠٢٥
حلو التخطيط والحل هو الدعاء .. والأمر بيد الله أن يصلحو أو يفسدو.. عموما الطفل ينشأ كما تعود .. عودته على الصلاة صغيرا هيحج كبيرا وعودته على التلفون طول الوقت صغيرا هيزني ويدمن كبيرا ..... وبالنسبة للتربية فالتلفون عليه كمية معلومات وبودكاستات لاكن من المصدر الصحيح .. ومفيش قلق ومفيش كمال والتعلم مش قبل الزواج بس بل مرحلة مستمرة حتى لما يكون معك اطفال هتحدث مواقف وتستفهمي من الناس وترجعي تتصرفي وتفهمي شخصية الطفل أكثر.. واكرر الدعاء
تم النشر الخميس، ٦ مارس ٢٠٢٥
انا لسا مش متزوجة ، و فكرة الشغل بعد الجواز مش حاطها ضمن الأولويات بل لضرورة فقط ، بس مش عارفه اعمل كدا ازاي اللي هو انا اغلب اللي اعرفه من احتكاكي البسيط في الناس في شغلي و الكلية و معلومات بسيطة من التلفون ف قربت انهي المرحلة الجامعية و خايفه ادخل على حياة اسرية و انا صفر مش عايزه اولادي يطلعوا اغنام يمشوا ورا ترندات ولا يكون مسلمين ب الاسم بس و شايفه ان يمكن دا افضل دور ممكن اقدمه بس اعمل كدا ازاي او اي الطريق مش عارفه
تم النشر الخميس، ٦ مارس ٢٠٢٥
لعرض السؤال في فدني اضغط هنا