حاسه ان عندي ضعف في شخصيتي مبقتش بعرف اواجه حد ب اي حاجه حتي لو بسيطة جدا و مش عارفه اعبر عن رأيي بحرية قدام حد
دايما خايفة بلا مبرر كأن في حد بيراقبني و بخاف اغلط
بخاف كمان لما ببقا برا وحدي في شارع و ببقا مستعجله كده و كأن في حد بيجري ورايا و بعمل كل حاجه بسرعة بحاول استرخي بس مبعرفش غالباً السبب ان انا ماما و اخويا دايما بيخافوا عليا اوي و دايما بيتصلوا بيا كل شوية بتعملي ايه و هتيجي امتي و يلا متتاخريش عمليلي رعب حرفياً لدرجة ان لما بكون خارجة مع صاحبتي عادي بتقولي انا حاسه اننا بنعمل حاجة غلط بسبب تصرفهم و بسبب خوفي كمان و كده بس حتي لما مش بيتصلوا انا بتعامل بنفس الاسلوب و موضوع مدايقني اوي مش بعرف استمتع ب اي خروجة او اي حاجه بعملها برا ضربات قلبي بتزيد و بتصرف بسرعة و باستعجال
مشكلة موضوع مبقاش يواجهني برا بس بقا يواجهني جوا البيت حتي بقيت اخاف مثلا اطلع البلكونة و هما نايمين علشان محدش يقولي بتعملي ايه و كأني بعمل حاجة غلط مع اني بس ببقا عايزه اطلع في الهوا عادي بقيت اخاف كده بلا مبرر و موضوع مدايقني اوي بجد
ممكن حد يقولي اعمل ايه و اعالج الموضوع ده ازاي
مهم جدا انك تعرفي ان ده مش مشكلة في شخصيتك ولا انتي ضعيفة، ده مجرد خوف مكتسب وممكن يتعالج. ثانيا، لازم تحاولي تطمني نفسك ان مفيش حد بيراقبك ولا بيسعى وراكي. ده مجرد شعور نفسي مبني على الخوف اللي اتربيتي عليه. ثالثا، مهم تبقي واثقة في نفسك وتنمي شخصيتك. ممكن تحاولي تخرجي لوحدك وتعملي حاجة بتحبيها علشان تتأقلمي على الاستقلالية ومتخافيش. رابعا، لازم تتكلمي مع اهلك وتشرحيلهم المشكلة وتطلبي منهم يدوكي مساحة أكبر من الحرية والاستقلال علشان تقدري تتأقلمي. ممكن ياخدوا وقت علشان يتقبلوا كده بس لازم يفهموا ان ده مهم علشان مستقبلك. حاولي تواجهي المواقف اللي بتخوفك شوية شوية. مثلا لو بتخافي تطلعي لوحدك، حاولي تطلعي لفترة قصيرة في الأول علشان تتأقلمي، وكل مرة زودي الفترة. ده هيساعدك تكتسبي ثقة في نفسك. ابقي واعية بأفكارك وحاولي تحددي الأفكار اللي بتخليكي خايفة، وبعد كده حاولي تعاكسيها بأفكار منطقية. مثلا لو فكرتي ان في حد بيراقبك، قولي لنفسك ان ده مجرد خوف مش حقيقي.
تم النشر الأربعاء، ٥ يوليو ٢٠٢٣
طيب نتكلم الاول في جزء هما ليه بيعملوا كده؟ هما طبعا بيعملوا كده وخلي بالك شايفين اللي بيعملوه ده صح جدا، وده اللي لازم يتعمل .. بل كمان شايفينه حب وده فعلا صح بس للاسف حب غلط، وخوف بزيادة لدرجة انه بقى خوف مرضي شوية. طيب ايه الحل؟ الحل انك تقتنعي في الاول انهم بيعملوا كده بدافع الحب، والخوف عليكي مش اكتر ولا اقل ... تاني حاجه لازم تتكلمي معاهم بصراحة جدا في كل اللي انتي بتمري بيه، لازم توضحي ليهم اللي بيحصل .. وانك بقيتي خايفة طول الوقت، والموضوع تاعبك ومأثر عليكي. وتشوفوا طريقة مناسبة ومريحة تعرفوا تتعاملوا بيها مع بعض.
تم النشر الأربعاء، ٥ يوليو ٢٠٢٣
هو واضح ان الخوف اتزرع جواكى من بدرى اوى وتحذيرات كتير عشان الخطر اللى بره فى الشارع ...فاتخلق عندك هاجس خوف بقي ملازمك بدون سبب اهم حاجة انك منتبهه ان دى مشكلة وعاوزه تحليها ومش شايفه ان ده عادى انتى محتاجة تدورى ع الحاجات الحلوة اللى فيكى وتكسبي ثقه من مواقف مع غيرك انك بتعرفى تتصرفى . ممكن تمارسي رياضة ويكون فيها تقويه للجسم...قدرتك انك تدافعى عن نفسك هتقلل معاكى الخوف بالتدريج
تم النشر الأربعاء، ٥ يوليو ٢٠٢٣
شكرا جدا لمساعدتك
تم النشر الأربعاء، ٥ يوليو ٢٠٢٣
هقول لك يا حبيبه قلبي انت اكيد شكلك حساسه بزياده بس مش اكثر كل الاهالي بتخاف على اولادها كده حتى اهلي انا بيفضلوا يتصلوا بيا وانا في الشارع وانت بتعملي ايه واكني انا بعمل جريمه يعني فهماني ولكن انا والحمد لله شخصيتي قويه وبقدر ان انا اجبرهم على انهم يسيبوني وبعدين دي مامتك واخوك هم اللي بيعملوا كده انت تقدري اولا تكلمي باباكي في الموضوع ده او اي حد كبير جدتك مثلا وتطلبي منها ان هم ما يتصلوش بيكي كثير في الشارع علشان انت بتملي من الموضوع ده وان هم يسيبوكي تخرجي شويه مع صحابك زيك زي بقيه الناس وحاولي تذني شويه في الموضوع ده ده اولا ثانيا حاولي تبحثي عن الفيديوهات اللي بتقوي الشخصيه في اليوتيوب هتفيدك عن البنت مثلا الباد وكده وحاولي تشوفي مقولات تقوي شخصيتك وحطيها بايو عندك في الوتس ومع الوقت هتلاقي نفسك بقيتي اقوى واقوى من العادي وحاولي تقنعي نفسك بان انت بس اللي حساسه وكل البنات بيتعمل معاهم كده ولكن انت لازم تكوني قويه وقد الموضوع ده وما تخافيش من حاجه ودايما ردي عليهم وقولي لهم ان انت مش بتعملي حاجه غلط عشان كده انت مش خايفه واقفه في البلكونه انت مش بتعملي حاجه غلط عشان كده نازله مع صاحبتك وعايزه تتحركي لوحدك شويه وقولي لهم اللي خايف عليا يجي يمشي ورايا او يبعت حد يعرف انا بعمل ايه لكن غير كده انا واثقه من نفسي وخدي صاحبتك وروحي اشربوا عصير وكلوا واتحركوا في الاماكن عادي وحاولي طول ما انت في الشارع تسترخي ولو ما قدرتيش حاولي تعملي تمارين يوجا علشان دي هتساعدك على انك تهدي خالص علشان انت واضح ان انت حساسه بشويه ربنا يوفقك يا حبيبه قلبي ويطلعك من اللي انت فيه حاولي تمسكي اي بخاخ تحطي فيه شطه وليمون وخل وملح تمام وتمشي بيه دايما في الشارع عشان يبقى بمثابه امان ليكي تبقي عارفه ان لو اي شخص جه كلمك تقدري تبخي في وشه وممكن كمان تمشي باي حاجه من الحاجات اللي البنات بتمشي بيها علشان حمايه نفسها يعني سكينه صغيره مثلا اي حاجه بحيث ان لو حد تعرض لك تقدري تدافعي بيها عن نفسك وحاولي تهدي وتمشي في الاماكن النور اللي فيها ناس كثير هتلاقي نفسك حاسه ان لو حد جه جنبك مجرد ان انت هتعلي صوتك مش اكثر وهتلاقي كله اتلم حواليك واساعدك بس زي ما اقول لك زي ما قلت لك يعني الفيديوهات اللي على اليوتيوب هي اكثر حاجه هتفيدك شوفي مثلا فيديوهات بتاعه البنات اللي بتحارب او البنات اللي بتقصف الجبهات الحاجات دي كلها هتديكي باور وهتحسسك بانك قويه وانك تقدري تعملي حاجات كثير وانك اقوى من مامتك واخوك وشخصيتك مش ضعيفه فهماني
تم النشر الأربعاء، ٥ يوليو ٢٠٢٣
العفو يا حبيبتي علي اي
تم النشر الأربعاء، ٥ يوليو ٢٠٢٣
لعرض السؤال في فدني اضغط هنا